| Strophe/Paragraph: 29 | ||
| Verse/Line: a | მიჯნურთ ამბავი შემოკრბა | ამ წიგნსა ჩემგან თქმულებსა, |
| Verse/Line: b | უსუფ- ზილიხანც ვახსენოთ, | ნურცა მათ ვატკენთ გულებსა, |
| Verse/Line: c | შეუთხზნათ ლექსთა ყვავილი, | ვერ ვნახავთ დანასულებსა, |
| Verse/Line: d და | ქართულად ვიტყვი ყოველსა | ამბავსა მე სპარსულებსა. |
| Strophe/Paragraph: 30 | ||
| Verse/Line: a | მამათმთავარსა იაკობს | ძე ჰყვანდა ათორმეტები, |
| Verse/Line: b | ორნი ცოლნი ჰყვეს: უფროსსა | თვალნი აქვს მრუდად-მჭვრეტები, |
| Verse/Line: c | უმცროსსა ერქვა რაქაელ, | შვენებით მეტის-მეტები, |
| Verse/Line: d და | მოსე მოგვითხრობს, რომელსა | უძღოდა ნათლის სვეტები. |
| Strophe/Paragraph: 31 | ||
| Verse/Line: a | რაქაელ უშვა ორნი ძე: | იოსებ, ბენიამენი; |
| Verse/Line: b | იოსებს ვიტყვი, თუ ვაქო, | ყველამ დამიცეთ ამენი; |
| Verse/Line: c | რა საკვირველი ძე ნახა, | მამას ჰხვდა გულს სიამენი, |
| Verse/Line: d და | ცისკარსა ჰგუანდა, შვენოდა | გიშრისა წარბ-წამწამენი. |
| Strophe/Paragraph: 32 | ||
| Verse/Line: a | რა ღმერთმან შექმნა სოფელი, | ადამს ხელითა ბადებდა, |
| Verse/Line: b | მაშინ წყალობით იაკობს | იოსებს ძედ უქადებდა, |
| Verse/Line: c | ადამის ძსგავსი ძე მისცა, | იმას მინათად ადებდა. |
| Verse/Line: d და | კაცთა მტერობით ეშმაკი | ბოროტად შურსა მზადებდა. |
| Strophe/Paragraph: 33 | ||
| Verse/Line: a | რა მოიზარდა ყმა იგი, | ბროლ-ლალსა მინა რეოდა, |
| Verse/Line: b | ევას მუცლითა ნაშობსა | სიტურფით იგ მორეოდა, |
| Verse/Line: c | ამისთვის სჯობდა ყოველთა | -- ბრძანება ღვთისა რეოდა, |
| Verse/Line: d და | მისის შურით და მტერობით | ძმათ ჭკუა გარდარეოდა. |
| Strophe/Paragraph: 34 | ||
| Verse/Line: a | რაღას ვაგრძელებ -- კაცთა ძე | მისებრ ნახულა აროდეს. |
| Verse/Line: b | ძმანი შეითქვნეს, არჩევდეს, | მისთვის სამტეროდ ჩქაროდეს. |
| Verse/Line: c | -- "იგ ურჩევნიათ მშობელთა, | ჩვენთვის ეს ჭირად კმაროდეს!" |
| Verse/Line: d და | რა იცის ბერმან, მამამან | თუ ლხინი გაემწაროდეს! |
| Strophe/Paragraph: 35 | ||
| Verse/Line: a | -- "ყოველ დღე წავალთ მხეცთა სვრად" | -- ძენი ეტყოდეს მამასა, |
| Verse/Line: b | -- "აწ თუ გვიბრძანებ, იოსებს | ჩვენთან წავიტანთ ამასა, |
| Verse/Line: c | ველად შექცევა დია სჯობს | ცუდად ძილსა და ჭამასა". |
| Verse/Line: d და | მათ ნება დართო -- არ იცის, | თუ ჩავარდების ნანასა. |
| Strophe/Paragraph: 36 | ||
| Verse/Line: a | თან წაიტანეს სალხინოდ, | მიდიან, მინადირობდეს; |
| Verse/Line: b | გლახ, რა იცოდა იოსებ, | თუ ძმანი რას უპირობდეს? |
| Verse/Line: c | მთიებს უგვანდა ყელ-ყური, | ღაწვნი ბადახშნად ჭვირობდეს, |
| Verse/Line: d და | მათ გაურისხდა უფალი, | რა კარგ საქმეზედ გმირობდეს! |
| Strophe/Paragraph: 37 | ||
| Verse/Line: a | მათ ხელი მიჰყვეს, შეიპყრეს, | ალვამან თავი დახარა, |
| Verse/Line: b | ეგზომ უებრო ყმაწვილი ძმად | შეებრალათ, გლახ, არა! |
| Verse/Line: c | -- "რად უფრო უყვარ მამასა, | შენ ჩვენზე მეტი რა ხარა?" |
| Verse/Line: d და | იოსებ მათთან მგზავრობა | იტირა, ივაგლახარა! |
| Strophe/Paragraph: 38 | ||
| Verse/Line: a | ეტყოდა -- "ვის რა შეგცოდე, | რასათვის მამკლავთ, ძმანო და? |
| Verse/Line: b | რად არ გეწყალვით უბრალო, | გულ-ულმობელნო, ქვანო და? |
| Verse/Line: c | მართ მაშინ მათგან ნაქმარი | ბოროტად საქმედ კმაროდა, |
| Verse/Line: d და | აწ ბერის მამის ტირილნო, | დედისა ვა მოთქმანო და! |
| Strophe/Paragraph: 39 | ||
| Verse/Line: a | მათ გააშიშვლეს საკვდავად, | ყელის გამოჭრას ლამოდეს, |
| Verse/Line: b | განგება იყო მაღლისა | -- უწყალოდ შეეწყალოდეს. |
| Verse/Line: c | ორმო იპოვეს, ჭას ჰგუანდა, | შიგ დგომილ იყო წყალ ოდეს, |
| Verse/Line: d და | მაშიგ ჩააგდეს მნათობი, | შუქნი ქვე დაემალოდეს. |
| Strophe/Paragraph: 40 | ||
| Verse/Line: a | უფროსმან ძმამან მის ყმისა | პერანგი სისხლით შესვარა, |
| Verse/Line: b | იგ მუნ დააგდეს, ეგ მიკვირს: | ძმამან ძმის სისხლი შესვა რა! |
| Verse/Line: c | მათ მისი ცხენი მიჰყვანდათ, | ნეტარ მისთანა შესვა რა! |
| Verse/Line: d და | სხვა მსგავსი იოსებისა, | ვეჭობ, დედამან შვეს არა. |
| Strophe/Paragraph: 41 | ||
| Verse/Line: a | მათ მწუხარება იჩემეს, | ტირილით მივლენ, ზარითა, |
| Verse/Line: b | მამასა თავსა წაადგეს | ამბითა შესაზარითა, |
| Verse/Line: c | პერანგი წინა დაუდვეს, | ჰკადრეს სიტყვითა მწარითა. |
| Verse/Line: d და | იტყოდა: -- "სიბერის ჟამსა | გულსა ლახვარი მკარითა?! |
| Strophe/Paragraph: 42 | ||
| Verse/Line: a | -- "რა უყავთ ჩემი იოსებ?" | -- ეს ოდენ უთხრა ენითა. |
| Verse/Line: b | მათ მოახსენეს: -- "წატანა | ჩვენ მისი ავად ვქენითა, |
| Verse/Line: c | ლომი აგვიჩნდა უსახო, | ჩვენ გავექეცით რბენითა, |
| Verse/Line: d და | მას მოეწია, შეიპყრა, | დაგლიჯა კბილთა კბენითა." |
| Strophe/Paragraph: 43 | ||
| Verse/Line: a | "იგ შეჭამა და წავიდა, | პერანგი შეგვრჩა ხეული, |
| Verse/Line: b | ეს ნიშნად წამოვიტანეთ | სრულად სისხლშიგან რეული." |
| Verse/Line: c | ტირან საწყალნი მშობელნი | სისხლისა ცრემლ-დათხეული, |
| Verse/Line: d და | ტირილით თვალნი დაუდგეს, | ღაწვნი შეუქმნეს ხეული. |
| Strophe/Paragraph: 44 | ||
| Verse/Line: a | აწ რაც გარდახდა იოსებს, | ვარ მის ამბისა მთხრობელი: |
| Verse/Line: b | ღრმასა ორმოში ჩააგდეს, | არ უნდა ბარ-სათხრობელი, |
| Verse/Line: c | ყაფილა მოდის სადგომლად, | ჰგავს, თუ მისვლია მთხრობელი |
| Verse/Line: d და | აწ ნახეთ მაზედ ღვთისაგან | წყალობა მიუთხრობელი! |
| Strophe/Paragraph: 45 | ||
| Verse/Line: a | ორმოს პირს დადგეს კარვები, | წყალსა ეძებდეს მდომელი, |
| Verse/Line: b | ჭა ნახეს, შიგან ჩახედეს | შუქნი აქვთ შემომდგომელი; |
| Verse/Line: c | ქარავან-ბაშსა აცნობეს: | -- "თქვენც ნახეთ ჭაში მჯდომელი". |
| Verse/Line: d და | წავიდა, ნახა, გაჰკვირდა | -- პირი ელვათა მკრთომელი. |
| Strophe/Paragraph: 46 | ||
| Verse/Line: a | კაცი ჩაუშვეს, საბელი | წელთ ება ხელთაც ეჭირა, |
| Verse/Line: b | ამოიყვანეს იოსებ, | ძლივ სული კბილით ეჭირა, |
| Verse/Line: c | ჰკითხეს: -- "ვინა ხარ?" -- ყოველთა | თვალი მაზედა ეჭირა, |
| Verse/Line: d და | მან უთხრა: -- "ძმათ მიღალატეს, | ლხინი ამისთვის მეჭირა". |
