TITUS
Megrelian Texts ed. Danelia-Canava
Part No. 3
Previous part

Text: 3  
Page of edition: 26  
Line of edition: 16 
III. არიკი ხენწფეში სქუა დო ნდემიში მორდილიში


Paragraph: 1  
Line of edition: 17    მითაჟამცჷ ართი ქეჸანაშა ეკულებუ თურქისჷ დო ჸოფე დიდი ხირზუა.
Line of edition: 18    თე დროს ართი ყაზახიში ჸუდეშე სუმი ნოსალეფცჷ გაგმუურულუნა დო
Line of edition: 19    აშაჩილათჷრო სოჸურეშე თურქი მიიშჷნი, თეჸურეშე ურულუნანი, აშო ქაწოხვალამუნა
Line of edition: 20    შხვა კათა მარტინჯეფი, დუურთინუნა დო თი კათასჷ ქოჸუნაფუნა.
Line of edition: 21    ართისჷ ჩქჷჩქჷ მინოჸვე ხეთჷ, დოშულადენ დო ქეკჷნოსქჷლადე
Line of edition: 22    კჷნოხჷ. შხვა ნოსალეფცჷ ვეკნუჯინუნა, ისჷ ქჷდუტალებუ ჩქჷჩქჷ ტყასჷ
Line of edition: 23    დო მუსუ ურტინჷ.

Paragraph: 2  
Line of edition: 24    თე ქეჸანას ჸოფე ხენწჷფე; ნოჸვე ართი ბოში, ნამუსჷთი მაჯინობა ნოჸოროფუე
Line of edition: 25    ძალამი. ართიშა ოჯინჷსჷ ჸოფე თე ბოშინი, ქუუძირჷ ტყასჷ
Line of edition: 26    ევერჩესჷ ნდემი ქაშახუნ დო ჟი კჷდჷრცჷ კოჩი ქჷმნალაჸაფუნი. გაკვირებუ
Line of edition: 27    ძალამი ბოშისჷ. ბრეი ხანიში უკული ხოლო ქუუძირჷ თაში. დუურთინჷ
Line of edition: 28    ჸუდეშა დო მუში მუმაშა ქუუთხუუნჯარი, თითო კოჩიშა ქიმუჩამუ თითო
Line of edition: 29    კჷლი ჭა, თითო ღერი სანთელი, ქოჯღუნაფუნ დო მუკი-მუკი გოუსქუ თი
Line of edition: 30    აშამინდორია ტყასჷ, სოდეთჷ ხედჷ ნდემი. უნელო ქჷმუნტებაფუაფუ სანთელიშე
Line of edition: 31    ჭაშა დაჩხჷრი. ნდემქჷ გამწაარაგუ დო გოსოფუ ართი ჸურენი თია
Line of edition: 32    ნჯარიში; მუ ბორჯის ბოძორცჷ ქჷმანტუუ დაჩხჷრქჷ დო ინტჷ უკჷნუჯინუუო
Line of edition: 33    კოჩი, ნამუთი ნდემცჷ მუნალაჸაფუდუნი, ოჭოფესჷ ბრელი ცადაში
Line of edition: 34    თუდო დო მიდეჸუნესჷ დოხორეშა, ქჷმლაახუნესჷ ზოხ სადგჷმცჷ. ხენწჷფეში
Line of edition: 35    სქუა-ბოში ირო ალუურდჷ გატყარებული ბოშისჷ დო ოძირანდჷ მუკოქუნასჷ,
Line of edition: 36    ჭკუმუასჷ, ვართო გიოჭყაფუუკონი ჩქჷნობურა სქჷლადა დო რაგადი,
Line of edition: 37    მარა ტყარი კოჩქჷ მალას ვემიარჩქვანჷ: დიო ქჷდიგურუუ თოფურიში
Page of edition: 28   Line of edition: 1    სირქუა კითითჷ, უკული მუკოქუნა. თაში დიდი ხანიში უკული ირიფელი
Line of edition: 2    ქჷდიგურუუ დო მეხვამილაფათჷ ვართი უფურაშიქჷ იჸუუ ხენწჷფეში
Line of edition: 3    ბოშიში.

Paragraph: 3  
Line of edition: 4    ხენწჷფესჷ გეუდგჷდჷ ართი სადგჷმი, ნამუში კჷლა მუსუ უღუდუ დო
Line of edition: 5    კოცჷ ვემინააშქვანდჷ თი სადგჷმიშა. ხენწჷფეში დეეჩემუ თი სადგჷმიში
Line of edition: 6    მინუულა დო თხუუ მუმასჷ კჷლა, მარა მუმაქ უწუუ: "მედინჷქია", -- დო
Line of edition: 7    ვემეჩჷ.

Paragraph: 4  
Line of edition: 8    ბოშიქჷ თე ანბე ნდემიში მორდილცჷ ქუუწუუ თაში. ნდემიში მორდილქჷ
Line of edition: 9    უწუუ:

Paragraph: 5  
Line of edition: 10    -- ნჷმჷგაშქურინე, მა თი სადგჷმცჷ გოპტახჷნქია.

Paragraph: 6  
Line of edition: 11    მიდართესჷ დო გოტახესჷ სადგჷმინი, ქოძირესჷ: ქუმუკობუ კჷდალასჷ
Line of edition: 12    მოსარკაფალი ცირაში ამნახანტჷ. წეეკითხეს: "უჩა ნდემიში სქუა თე დო
Line of edition: 13    თე ქეჸანასჷ". ხენწჷფეში ბოშიქი თქუუ:

Paragraph: 7  
Line of edition: 14    -- ათე ცირასჷ ქიგებდინაფუდა მავა დო ოკო გეგჷნჷვოლე დო
Line of edition: 15    ქიბხვამილუევე.

Paragraph: 8  
Line of edition: 16    ნდემიში მორდილქჷ თქუუ:

Paragraph: 9  
Line of edition: 17    -- სი სო დინჷქჷნი, თექჷ ბდინჷქჷ მათია.

Paragraph: 10  
Line of edition: 18    გამეთხიისჷ ხენწჷფესჷ დიდი ჩილამურიში თუდო დო მიდართესჷ.
Line of edition: 19    იდესჷ, იდესჷ, იდესჷ დო შარასჷ ორზოლქჷ ქაშეელიისჷ. ქჷმაშქირენესჷ.
Line of edition: 20    მიოჯინესჷნი, ართი ნდემიში ჸუდეში ხოლოს ართი გოჭარვანეელი უშქური
Line of edition: 21    ქიგედგჷნი, ქოძირესჷ. ნდემიში მორდილქჷ ქიიხვამილუუ ტუკი, მიოგჷ
Line of edition: 22    უშქურცუ დო ჯინცჷ ქიგიოპირფოლჷ. გაგმაჯგვაჯგვუ ნდემქჷ დო მიომპოლუუ:
Line of edition: 23    "მიქ რე ენა ქიმინინი?" დო მოლართჷ გოსუმალირო ნდემიში
Line of edition: 24    მორდილიშა. იქჷ ქჷდუუხვამილუუ ჟირი კითი თოლეფცჷ დო გემწუუწურინუუ.
Line of edition: 25    ნდემქჷ ბრელი ეხვეწჷ, გვალო ვადოჸვილჷკონი, მარა ნდემიში მორდილქჷ
Line of edition: 26    შური გაჸოთინაფუუ ნდემცჷ.

Paragraph: 11  
Line of edition: 27    უკული იდესჷ, იდესჷ, იდესჷნი, ართი მინდორცჷ აკა ხვალე ფაცხა ქოძირესჷ.
Line of edition: 28    მინიილესჷნი, ქჷმლახეილეეს ართი დედჷბი. კითხესჷ დედჷბისჷ
Line of edition: 29    გარამება ქეჸანაშინი, იჩუუ ნამდა:

Paragraph: 12  
Line of edition: 30    -- უჩა ნდემცჷ ჸუნცია ურაგადუუ სქვამი ოსურისქუა, ნამუში ხვამილაფას
Line of edition: 31    ოცადჷნია თუდონი ქეჸანაში ხენწჷფე, ჩე ნდემი, მარავა თი
Line of edition: 32    ცირასჷ ჸუნცია დიდა, ნამუშა ვითოჟირი ვერსიში უხოლაშისჷ მითინი ვემიოთინანცია:
Line of edition: 33    მუჭო ქოძირჷნციე, დუცუ მესოფუნცია.

Paragraph: 13  
Line of edition: 34    მიირჩქილუუ ხენწჷფეში სქუაქჷ გარმოებანი, იმენდიქჷ მეუდინჷ ცირაში
Line of edition: 35    ხვამილაფაშიქჷ, მარა ნდემიში მორდილქჷ გური გაუმარგჷ. დედჷბიქჷ
Line of edition: 36    ქჷგეეგჷ, თე ჟირი ბოშეფი ცირაში ოხვამილაფუშა მიიშესჷნი, დაბეჯითებულო
Line of edition: 37    ქეეჩუუ გარამეება:

Paragraph: 14  
Line of edition: 38    -- ნი ცირაში დიდასია დიდი ძუძუეფი კარიშა გეუძჷნია ობჟინაფუშა
Line of edition: 39    დო მითი ქიმიოტყობანციე დო ქააჯუნუუნი თი ძუძუეფციე, თინა იჸინია
Line of edition: 40    ღირსი თი ცირაში ქომონჯობაშია.

Paragraph: 15  
Line of edition: 41    ქჷგეეგონჷ ენანი, ხენწჷფეში სქუას აშქურინჷ, მარა ნდემიში მორდილქჷ
Page of edition: 30   Line of edition: 1    დააიმენდჷ. ნდემიში მორდილქჷ მიდეჸუნუ ხენწჷფეში სქუა დო ხოხიხოხით
Line of edition: 2    ცირაში დიდაში ძუძუეფიში ხოლოსჷ ქჷდაახუნუუ. ბოშიქჷ ქააჯუნუნი,
Line of edition: 3    გაალჷ ცირაში დიდაქჷ. ქოძირჷ ჟირი ალმასიჯგურა ბოშეფინი,
Line of edition: 4    გუუკვირდჷ. უკული ცირაში დიდაქ უწუუ ხენწიფეში სქუასჷ:

Paragraph: 16  
Line of edition: 5    -- სი ვაგათხილეენია ჩქიმი ცირასქუავა.

Paragraph: 17  
Line of edition: 6    მარა ჟირიხოლო ბოშეფქჷ ძალამი აიმენდესჷ, უმოსო ნდემიში მორდილქჷ
Line of edition: 7    მიიღჷ დუდიშა ცირაში თხილუა. უჩა ნდემქჷ ქჷმორთჷ მუში დოხორეშა
Line of edition: 8    დო გარამოება გეეგჷნი, ახიოლჷ ძალამქჷ, მეეწონჷ სინჯაქჷ დო
Line of edition: 9    თქუუ: "ჩქიმი ოსურისქუას ოსქვებური ქომოჯქჷ ქააშუა", მარა ბოშეფი
Line of edition: 10    ძალამი გაათხილჷ ცირაში ხვამილაფაშენი. იჸუუ დიარაქჷ, ნამუქჷ გეეთუუ
Line of edition: 11    ართი მარაში უკული. ხენწჷფეშისქუა-ბოშიქჷ უწუუ ნდემიში მორდილცჷ:

Paragraph: 18  
Line of edition: 12    -- მეუ დოხორეშა დო ჩქიმი მუმასჷ ქახარია ჩქიმი გარამოებავა, დაანწყიითჷ
Line of edition: 13    დიარავა, დჷმართითჷ სი უკულია დო ართო მიიბშათია.

Paragraph: 19  
Line of edition: 14    ნდემიში მორდილქჷ მიდართჷ დოხორეშა. ცირა დო მუში ქომონჯი
Line of edition: 15    ართი ონჯუასჷ კჷლე მუკოდვალირო გილეეშესჷნი, ქჷმაასხაპუ თუდონი;
Line of edition: 16    ქეჸანაში ხენწჷფე, ჩე ნდემქჷ, დო ე ბოშისჷ ცირა ეშე გეიოსქირუუ. ბოშიქჷ
Line of edition: 17    დოღურუ, მარა მუ ქიმინჷკო? ენა ქუუწუუ ცირაში დიდასჷ. ცირაში
Line of edition: 18    დიდაქჷ:

Paragraph: 20  
Line of edition: 19    -- მა ვაგიწიავო, თენა თაში ქჷგაღოლენიე!

Paragraph: 21  
Line of edition: 20    ოკოხალე გეთხოზაფუდესჷკო, მარა ე ბოშისჷ მუთა აქიმინედჷ დო ოკო
Line of edition: 21    უჯინესჷკონი ნდემიში მორდილიში მუულასჷ. მაჟირა დღასჷ ნდემიში
Line of edition: 22    მორდილქჷ ქჷმორთჷ დო ამბეგეეგჷნი, ეწყინჷ ძალამქჷ, მარა მუქიმინჷკო?
Line of edition: 23    ოკო გიაჸუნესჷკონი, გამაათხოზჷ ნდემიში ნაულერცჷ. იდჷ გვალა, იდჷ
Line of edition: 24    რზენი, იდჷ გვალა, იდჷ რზენი დო ნაულერი ნდემიში, ნამუთი ობირგულეშა
Line of edition: 25    მენწყუნდუნი, ქიმიიღჷ ართი ქუაშა. გამნართინუუ ქუანი, ქოძირჷ უქვინჯე
Line of edition: 26    რუმე ნთხორილი. ანწი ოკო ინორთასჷ, მარა მუთუ? დოღობუ გჷძღჷბია,
Line of edition: 27    გაკოშაყარუუ ნდემეფი, ნამუნეფითი თექჷ ოხორანდესჷნი, მინი ნებითჷ
Line of edition: 28    დო მინი ნძალითჷ, ვარიაქჷ აკა ნდემცჷთი ვაგააბედინჷ, ფერი შიშიოძირჷ.
Line of edition: 29    გაკოშაყარუუ მუთი თოკეფი ქოძჷდჷ ი ქეჸანას, ართი-მაჟირასჷ
Line of edition: 30    ქიმუსქუუ დო ბოლოსჷ გჷძღჷბია ქჷგმაკვეტელუუ. ქინოდოხოდჷ გჷძღჷბიასჷ
Line of edition: 31    დო დუუჩინჷ ნდემეფცჷ მუში დორთაშა უყარულესჷკონი დო უჯინესჷკონი
Line of edition: 32    თოკიში დოვალაფასჷ. ნდემეფქჷ შარა დუუხვამესჷ დო გუუტეესჷ გიმე
Line of edition: 33    ნდემიში მორდილი. გჷძღჷბიაქ იდჷ, იდჷ, იდჷ, იდჷ გიმე დო კჷლაჸოთჷ
Line of edition: 34    თდონი ქეჸანაშა. ნდემიში მორდილქჷ გჷძღჷბია დოჩუუ. იდჷ, იდჷ, იდჷნი,
Line of edition: 35    ართი მინდორცჷ ართი მეღეჯე ქოძირჷ: კითხჷ ამბე მეღეჯესჷნი, იქ უწუუ:

Paragraph: 22  
Line of edition: 36    -- თე ქეჸანაში ხენწჷფექჷ ჟინი ქეჸანაში ცირა ქიხვამილუუა დო ასე
Line of edition: 37    დიარა უღუნია ძალამი, ნამუქჷ ოკო ვეეთუასიე ართი წანასჷ დო მისჷთი
Line of edition: 38    ოკონი, მეურცუ, ჭკუმუნცუ დო შუნცუ.

Paragraph: 23  
Line of edition: 39    მიდართჷ ნდემიში მორდილქჷ დიარაშა, მუკოქუნალი მეღეჯესჷ გუუთჷრუუ
Line of edition: 40    დო ქჷმკიქუნუ. იდჷ, იდჷ დო დიარაშა ქიმერთჷნი, ქოძირჷ ქეჸანაში
Line of edition: 41    კოჩი. ე ცირა ქჷმკოხე ხენწჷფეწკჷმა. ე ბოშიქჷ მიდაჩოჩჷ თუდო-თუდო
Page of edition: 32   Line of edition: 1    ჩიჩიეცალო დო თე ხენწჷფეში, ცირაში თუდო ძვალიში ხვატუა დააჭყჷ.
Line of edition: 2    ფერი ბორჯისჷ ხენწჷფექჷ ქოძირ:

Paragraph: 24  
Line of edition: 3    -- მორთი აშო, სარალო! -- უწუუ თე ჩიჩიესჷ ხენწჷფეექჷ დო ქიმეჩჷ ხეს
Line of edition: 4    ოჭკუმალი.

Paragraph: 25  
Line of edition: 5    ცირაქ ინაჯინჷ ბოშისჷნი, ქიიჩინჷ. შეეხვეწჷ ხენწჷფესჷ:

Paragraph: 26  
Line of edition: 6    -- თაქი ქჷდახუნეევა ჩქიმიწკჷმავა დო ოჭკუმალი ქოფჩათია.

Paragraph: 27  
Line of edition: 7    ხენწჷფექჷ "ჯგირია" თქუუ დო ჩიჩიე ქჷდახუნესჷ ტაბაკისჷ.
Line of edition: 8    დიისერჷნი, ხენწჷფექჷ ცირასჷ:

Paragraph: 28  
Line of edition: 9    -- მოლაზოჯია, -- უწუუ, -- ონჯირუუ ოთახჷშა. ცირაქ უწუუ:

Paragraph: 29  
Line of edition: 10    -- მა დიორდე ვაბრძღეექია ლაჸაფიში ჯინათია დო უკული გახოლუუქია.
Line of edition: 11    -- "ჯგირი", -- თქუუ ხენწჷფექჷ დო მიდართჷ.

Paragraph: 30  
Line of edition: 12    ცირა დო ბოშიქჷ ხვალე ქჷდოსქჷდესჷ. შუმილი კათა მუნეფიში დუდიშო
Line of edition: 13    ილაჸაფუდესჷ დო ენეფი მუნეფიში ამბეესჷ სხუნუნდესჷ, მუჭო უჯგუ
Line of edition: 14    დო მუჭო ვარია. ბოშიქჷ დააჩემუ ცირასჷ:

Paragraph: 31  
Line of edition: 15    -- სი ქეშემიტყვია, სო უდგჷნიევე შური ხენწჷფეჷ.

Paragraph: 32  
Line of edition: 16    -- ჯგირია, -- უწუუ ცირაქჷ დო მიდართჷ.

Paragraph: 33  
Line of edition: 17    იმი სერცჷ ხენწჷფესჷ მოუფერუუ ძალამი დო კითხჷ:

Paragraph: 34  
Line of edition: 18    -- მა ოკო მიჩქჷდასიე, სქანი შური მიშა გიბარჷნიე.

Paragraph: 35  
Line of edition: 19    -- მუშო გოკონია? -- უწუუ ხენწჷფექჷ.

Paragraph: 36  
Line of edition: 20    ცირაქჷ ვემეჩჷ დორთა დო ქიმკაახვილჷ: "იშენი დო იშენი ქომიწიია".
Line of edition: 21    ცირაქჷ მიიწყინჷ ძალამი. ხენწჷფექჷ, სოლე გური გამკურთინუკონი,
Line of edition: 22    თიშენი დააღორჷ დო უწუუ:

Paragraph: 37  
Line of edition: 23    ჩქიმი შური ფინაშა მიბარჷნია.

Paragraph: 38  
Line of edition: 24    ცირაქჷ გური ქუუჩჷ, მარა გარძახჷ ოჭოფუ ფინა დო ლაჸაფი დუუჭყჷ,
Line of edition: 25    ხეშე ვადეთხინუანდჷ. ხენწჷფექ იფირქჷ: ვაი! სარალოსჷ დასურო ქჷნობჸოროფექია.
Line of edition: 26    ეცოდჷ ცირაქჷ, ჯოღორცჷ ულაჸაფუდუ ტყურათჷნი, დო
Line of edition: 27    "ქიმიოტეევა!" უწუუ. ცირაქჷ ვაჩეერცხჷ ხენწჷფესჷ:

Paragraph: 39  
Line of edition: 28    -- სია ტყურა დჷმაღორია, ვარა, სქანი შური ინუდგჷნი, ფერცჷ მუჭო
Line of edition: 29    ჩევერცხავა მა?

Paragraph: 40  
Line of edition: 30    ცირაქჷ მოწყინდჷ. კჷნი ხენწჷფექჷ უწუუ ცირასჷ:

Paragraph: 41  
Line of edition: 31    -- ჩქიმი შური ობარჷნია თე დო თე ტყას ირემცჷ:

Paragraph: 42  
Line of edition: 32    ცირაქჷ ძალამი მიიეფუ.

Paragraph: 43  
Line of edition: 33    ოჭუმარესჷ ხენწჷფე დო ცირაქჷ დიარაშა მიდართესჷ. ცირაქჷ ნდემიში
Line of edition: 34    მორდილი ქოძირჷ დიარასჷ დო ქეეჩუუ, მუთი ხენწჷფექ უწუუნი. -- "ჯგირია",
Line of edition: 35    თქუუ ბოშიქჷ დო მიდართჷ ტყაშა.

Paragraph: 44  
Line of edition: 36    იდჷ, იდჷ, იდჷ ნი, ქოძირჷ ირემი. ქაჸოთჷ ქაშქვილი დო ქასაგანი;
Line of edition: 37    ქჷდაანთხჷ ირემქჷნი, გამულასხაპუ ყურდგელქჷ; ქაჸოთჷ ბოშიქჷ ქაშქვილი
Line of edition: 38    დო ქასაგანი ყურდგელცჷ; ქჷდაანთხჷ ყურდგელქჷნი, გამულასხაპუ
Line of edition: 39    კოლოფიაქჷ; გამაათხოზჷ კოლოფიასჷ, ოჭოფუ კოლოფია. ბოშიქჷ გაანჯჷ
Line of edition: 40    დო ქჷმლახვილუუ ჟირი ბაზეფი. ჟირიხოლოსჷ თოლი გამწუუჸოთჷ დო
Page of edition: 34   Line of edition: 1    მოლეჸუნუ. მოლართჷ ბოშიქჷ ხენწჷფეში დოხორეშა, გეეგჷ ამბე, ნამდა
Line of edition: 2    ხენწჷფესჷ თოლეფც აჭუნია დო ლეხი რენია. მინილჷ დოხორეშა დო ხენწჷფეს
Line of edition: 3    უწუუ:

Paragraph: 45  
Line of edition: 4    -- სქანი შური მა მიკებუნია ხესჷ.

Paragraph: 46  
Line of edition: 5    ხენწჷფექჷ ქიმეხვადჷ საქჷმესჷ, ეხვეწჷ ბოშისჷ: "ვაპილავა", მარა ბოშიქჷ
Line of edition: 6    დააშქვიდუუ ბაზეფი. ხენწჷფექჷ დოღურუ. ბოში დო ცირაქჷ გაგჷმიიჸუნესჷ
Line of edition: 7    რაშეფი, ქუუსქვეეს ურემცჷ, დოხარგეესჷ ხენწჷფეში საქონელი
Line of edition: 8    დო ორქოთჷ, ქიგედოხოდესჷ დო მიდართესჷ.

Paragraph: 47  
Line of edition: 9    იდესჷ, იდესჷ, იდესჷ დო ქიმერთესჷ თი არდგილიშა, სოდეთჷ ბოშიქჷ
Line of edition: 10    გიმართჷ ჟინი ქეჸანაშე. ბოშიქჷ ქოძირჷ გჷძღჷბია, ნამუთჷ აშო გიმართჷნი.
Line of edition: 11    დუვალუუ თოკისჷ, ქააჩინებაფუუ მუში მუულა ჟინ დემეფცჷ, ნამუნეფი
Line of edition: 12    ვაგაბედჷდესჷ თოკიში დუდიშიწკჷმაიანი ჩარცხასჷ. ქინოდვესჷ საქონელი
Line of edition: 13    გჷძღჷბიასჷ დო გუუტეს ეშე; კინი დიირთჷ გჷძღჷბიაქჷნი, ქინოდოხოდჷ
Line of edition: 14    ცირაქჷ, მიდართჷ; დიირთჷ კინი გჷძღჷბიაქჷ, ქინოდოხოდჷ ბოშიქჷ.
Line of edition: 15    ჭიჭე ურკჷდჷ ეშულანი, თეში ქიმიოწვათესჷ ნდემეფქჷ თოკი დო ბოშიქჷ
Line of edition: 16    მიდართჷ გიმე, მარა ქჷმურაჸუუ ართი დიხასჷ ქუასჷ ხე დო გაჩენდჷ. ნდემეფქჷ
Line of edition: 17    ცირა მიდეჸუნესჷ დო მონინალეთჷ ქჷდეკჷნესჷ, საქონელი გიირთესჷ.
Line of edition: 18    ბოშიქჷ ხოხჷ, ხოხჷ დო გეშახოხჷ ჟინი ქეჸანაშა, გაკოშაყარუუ არძო
Line of edition: 19    ნდემეფი დო არძოსჷ ჸუჯი ქიმიოკვათჷ, საქონელი მუში დო ცირა
Line of edition: 20    მოლეჸუნუ.

Paragraph: 48  
Line of edition: 21    იდჷ, იდჷ დო ქჷმორთჷ ცირაში ჸუდეშა. ცირაში დიდაქჷ ქოძირჷ სქუანი,
Line of edition: 22    გეეხარჷ დო ბოშისჷ მუუწონუუ ძალამი. ხენწჷფეში სქუა დო ცირაქჷ
Line of edition: 23    გაადურჯოლეს ართიანცჷ, იჸუუ დიდი ხარებაქჷ. ბრელი ხანქჷ მიდართჷნი
Line of edition: 24    ხენწჷფეში სქუა, ცირა დო ბოშიქჷ მიდართესჷ ხენწჷფეში დოხორეშა.
Line of edition: 25    იდესჷ, იდესჷ, იდესჷნი, ქაშაასერესჷ დო შარასჷ ქჷდიიბარგეს ართი დიდი
Line of edition: 26    ჯასი თუდო. არძოქჷ ქჷდირულეესჷ, მარა ნდემიში მორდილცჷ ვალურდუ.
Line of edition: 27    თე დროსჷ ქჷმორთესჷ სუმი ანგილოზეფქჷ, ქიგმადოხოდესჷ ჯასჷ დო ართიქჷ
Line of edition: 28    თქუუ:

Paragraph: 49  
Line of edition: 29    -- მუ გუურჩქინათია თე თუდო გჷთოჯანუნანი თე კათასია?

Paragraph: 50  
Line of edition: 30    მაჟირაქჷ თქუუ:

Paragraph: 51  
Line of edition: 31    -- ჭუმანი მახარებელი ქიმუურცუ ხენწჷფეში დოხორეშავე, ხენწჷფექჷ
Line of edition: 32    მააზადასია მუში სქუაშო ართი ორქოში თოფი დო ნოსაშო აბრეშუმიში
Line of edition: 33    კაბა; მუჭო ბოშიხჷ თოფი ქიგნაბუნუანიე, თოფიქჷ გოლასია დო ბოში
Line of edition: 34    დოჸვილასია; მუჭო კაბა ცირახჷ ქჷმკაქუნანიე, დაჩხჷრქჷ ქჷმანტუახია დო
Line of edition: 35    ცირაქჷ დიიჭვასია, მასუმაქჷ თქუუ:

Paragraph: 52  
Line of edition: 36    -- თენა მიქჷთი გააცხადასიე, ქუა რგილო გინიირთასია.
Line of edition: 37    ნდემისი მორდილქჷ მოწყინდჷ ძალამი დო ნარღიხჷ ქინაალჷ, მუჭო მუკატუუკონი
Line of edition: 38    ცირა დო ბოში. ოჭუმარესჷ გეედჷრთხჷ დო მიდართესჷ.
Line of edition: 39    იდესჷ, იდესჷ დო დოხორეშა მიანჭესჷნი, თქვიიხჷ: "მახარებელქჷ ნამუქჷ
Line of edition: 40    იჸუასია?"

Paragraph: 53  
Line of edition: 41    ნდემიში მორდილქჷ "მა მიდუურქია" თქუუ დო მიდართჷ.
Line of edition: 42    ხენწჷფეში ჩილი დო ხენწჷფექჷ გეეხარესჷ. ხენწჷფექ ორქოში თოფი
Page of edition: 36   Line of edition: 1    გაგმიიღჷ, ხენწჷფეში ჩილქჷ კაბა აბრეშუმიში. ბოშიქჷ თქუუ: "ე საჩუქარი
Line of edition: 2    ვარენია საჭირო, ინეფცჷ ღალა ბრელი უღუნია დო ენა მონინალე ძღაბი
Line of edition: 3    დო ბოშისჷ ქააჩუქითია".

Paragraph: 54  
Line of edition: 4    ქჷმორთესჷ ცირაქჷ, ბოშიქჷ. იჸუუ ჯუნა დო დიდი მხიარულებაქჷ.
Line of edition: 5    თოფი ქიგნააბუნუესჷ მონინალე ბოშისჷნი, გოლჷ თოფიქჷ დო ინა დოჸვილჷ;
Line of edition: 6    კაბა ქჷმკაქუნესჷ მონინალე ძღაბისჷნი, ქჷმაანტუუ დაჩხჷრქჷ ძღაბისჷ
Line of edition: 7    დო დიიჭუ. ირი კოჩქჷ გაჩენდჷ დო გუუკვირდჷ. უკული იჸუუ დიარაქჷ.
Line of edition: 8    უკული სქჷდჷდესჷ ბედნიერო ხენწჷფე დო მუში ოჯახი.

Paragraph: 55  
Line of edition: 9    ხენწჷფეში სქუაში ჩილცჷ ბოშიქჷ ქჷდეებადჷ. ართიშა ხენწჷფეში სქუასჷ
Line of edition: 10    ლურდუ. ნდემიში მორდილქჷ ლეკური გელანწყჷ დო გაჯინედჷ. უნელო
Line of edition: 11    ბოშისჷ გააკურცხინჷ დო მიოღვარუუ: "მუშენი პილჷნდი მა სია?"

Paragraph: 56  
Line of edition: 12    ნდემიში მორდილქჷ უფუჩუ, უხჷნტკჷ, მარა ბოშიქჷ ვადეეჯერჷ დო
Line of edition: 13    ხენწჷფეს ქუწუუ. არძოქ ეჭვი ქიმეჩჷ ნდემიში მორდილცჷ: ცირაშა გური
Line of edition: 14    აფუდუა. ნდემიში მორდილქჷ გაკოშაყარუუ არძო დო თქუუ:

Paragraph: 57  
Line of edition: 15    -- მა ვამირჩქილეთია-და, იშენი თქვანი ღორონცჷ ქუურჩქილითია!

Paragraph: 58  
Line of edition: 16    ირი კოჩქჷ შურიში ქალი მეჭყვიდჷ. ნდემიში მორდილქჷ დააჭყჷ ჩიება
Line of edition: 17    დო ირიფელი ქიიჩუუ, მუთი ქოღოლამუნ დო მუთი უქიმინჷ ხენწჷფეში
Line of edition: 18    სქუაშენი. უკული თქუუ:

Paragraph: 59  
Line of edition: 19    -- ანგილოზენქჷ თაში თქვიისჷ, თაში თქვიისჷ დო დოჭყეესია, მიქჷთი
Line of edition: 20    თენა გააცხადასიე.

Paragraph: 60  
Line of edition: 21    ათე რაგადი გაათუუ ბოშიქჷ დო ქუა რგილო გინიირთჷ. ხენწჷფეში
Line of edition: 22    სქუაქჷ დოღურუ, მარა მუ ქიმინჷკო? უკული ვაგუჯინუუნი, თეში გეგნაალჷ:
Line of edition: 23    "ოკო ქეშიბტყვავე, მუ ოსქილიდუანციე ნდემიში მორდილცჷ".

Paragraph: 61  
Line of edition: 24    იდჷ, იდჷ, იდჷნი, ართი ვეს ართი ფაცხა ქოძირჷ. მინიილჷ ფაცხაშანი,
Line of edition: 25    დედჷბი ქჷმლახვილუუ. დედჷბიქჷ:

Paragraph: 62  
Line of edition: 26    -- მუნერო მორთი სქუა, აქია?

Paragraph: 63  
Line of edition: 27    ბოშიქჷ დუდი დო ბოლო შქასჷ მუში ამბე ქიიჩუუ. დედჷბიქჷ:

Paragraph: 64  
Line of edition: 28    -- იში წამალი მა მიჩქჷ ძალამი, მარა ჭე ძვირი ქორენია. ქიიშია ოში
Line of edition: 29    ნდემიში ჸუჯი დო სქანი ქომოლისქუა დოხაშია, იდომუშამო ქუასჷ ქიგნაახურჩინეევა
Line of edition: 30    დო დოსქჷდჷნია.

Paragraph: 65  
Line of edition: 31    ბოშის ახიოლჷ ძალამქჷ დო დოხორეშა ქჷმორჷთნი, დოხაშჷ ნდემიში
Line of edition: 32    ჸუჯეფი დო მუში სქუა. ქუასჷ ქიგნაახურჩინუუ ჟი. ნდემიში მორდილქჷ
Line of edition: 33    გეეთელჷ, ხენწჷფეში სქუაში ქომოლისქუაქჷთი გეეთელჷ.

Paragraph: 66  
Line of edition: 34    იჸუუ ხარებაქჷ.

Paragraph: 67  
Line of edition: 35    გოღა თექი ვორდი, ამუდღა აშო ქჷმობრთი. სუმი უშქური, სუმი ბერწული
Line of edition: 36    ღორონთქჷ ნჷმჷმოგილასესჷ თქვანი ხეში მოწიული.



Next part


This text is part of the TITUS edition of Megrelian Texts ed. Danelia-Canava.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.