TITUS
Nonnos, Scholia in orationes Gregorii Nazianzeni
Part No. 4
Previous part

Scholion: 4  
Line of ed.: 28       4. სემელი ასული იყო კადმოჲსი, რომელსა ეტრფიალა ზევს და
Line of ed.: 29    თანაეყო მას და მუცლად იღო მისგან დიონჳსი. ხოლო ირა ცოლმან ზევისმან
Line of ed.: 30    იწყო შურობად სემელისსა და შეიცვალა ოცნებით, რეცა დედაბერად მზრდელად,
Line of ed.: 31    შესწავებულად სემელისგან, და განაზრახა მას ესრეთ, ვითარმედ,
Line of ed.: 32    ითხოვ(ე) ზევისგან, რაჲთა ესრეთ თანაგეყოს შენ, ვითარ იგი თანაეყვის ირას.
Line of ed.: 33    ხოლო ზევს თანაეყო, მსგავსად თხოვისა მისისა, ქუხილითა, მეხის ტეხითა
Line of ed.: 34    და ელვითა. ხოლო სემელი მყის დაიწუა, რამეთუ მოკუდავი იყო და ირა
Line of ed.: 35    განიხარა, რაჲთა არღარავინ აქუნდეს წინააღმდგომი.

Line of ed.: 36       ხოლო მოკუდა რაჲ სემელი, გამოიღო ზევს საშოჲსაგან მისისა ჩჩჳლი
Line of ed.: 37    იგი მუცლადღებული დიონჳსი, და [განაპო[ ბარკალი იგი და შთაიდვა მას
Page of ed.: 15   Line of ed.: 1    შინა და წარიკერა ზედა. ხოლო მეშჳდესა თუესა მოვიდა ერმი და განაპო
Line of ed.: 2    ბარკალი ზევისი. და, ვითარ იგინი იტყჳან, მაშინღა იშვა დიონჳსი და წარყვანებულ
Line of ed.: 3    იქმნა იგი ნჳსსად თრაკი(ი)სა, და მუნ წოვნილ იქმნა სძალთაგან და
Line of ed.: 4    აღიზარდა. ვინაჲცა აქა მოძღუარი "უსრული ნაშობ" იტყჳს დიონჳსის, რამეთუ
Line of ed.: 5    მუცელსაღა შინა იყო იგი, რაჟამს მოკუდა დედაჲ მისი. ხოლო "ბარკალის ლმობად",
Line of ed.: 6    რამეთუ, ვითარ იგი ზღაპრობენ, უსრულობაჲ იგი მისი ბარკალსა შთადებითა
Line of ed.: 7    სრულ ყო ზევს. ხოლო სხჳსა "თავით შობაჲ" სხჳსაგან ითქუმის და
Line of ed.: 8    ამისსა შემდგომად ღმრთად მამალ-დედლად. ამასვე დიონჳსის უწოდეს, ვითარ
Line of ed.: 9    იგი მამათასა ჰყოფდავე და დედათაჲცა შეემთხუეოდა და მწყობრ მომთრვალეთა
Line of ed.: 10    მათვე სატჳროსთა და სელინოზთა მეძვობით თანამროკვალთა დიონჳსისათა,
Line of ed.: 11    რამეთუ იგინივე იყვნეს მჴედრობა დაჴსნილ სიმთრვალისა მიერ, ვითარ
Line of ed.: 12    შეჰგავს მწყობრსა მომთრვალეთასა. ხოლო უგუნურებაჲ თივოელთა პატივის
Line of ed.: 13    მცემლობასა დიონჳსისსა, რომელი ნათესავით თიოელი იყო და არს იგავითცა,
Line of ed.: 14    რომელი იტყჳს თივოელთა უგუნურებისა, რომელნი იგი მეხის ტეხისაცა
Line of ed.: 15    თაყუანის სცემდეს და უწოდდეს მას სემელისდად, რომელი იგი ზემო ვთქუთ,
Line of ed.: 16    მეხდატეხილ იქმნა.

Line of ed.: 17       ხოლო თავით შობანი ესე არიან, რამეთუ, ვითარ იგი ზღაპრობენ, ეგულებოდა
Line of ed.: 18    რაჲ დიოსს, რომელი არს ზევს, თავისაგან თჳსისა შობაჲ ათინაჲსი,
Line of ed.: 19    მოუწოდა ეფესტოსს მჭედელსა, რომელმან შაშრითა ზროხისაჲთა განუპო მას
Line of ed.: 20    თავი და ესრეთ გამოჴდა მიერ ათინა.

Next part


This text is part of the TITUS edition of Nonnos, Scholia in orationes Gregorii Nazianzeni.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.