TITUS
Nonnos, Scholia in orationes Gregorii Nazianzeni
Part No. 2
Previous part

Scholion: 2  
Line of ed.: 18       2. ფრჳგელნი ჰმსახურებდეს რეას, კრონოჲსსა უკუე ცოლსა, ხოლო
Line of ed.: 19    სხუათა ღმერთთა დედასა, რომელი იგი მიდგომილ რაჲ იყო, კორჳვანდთა
Line of ed.: 20    (მიერ) [განიჭრა] მახჳლითა სიმრავლისაებრ სიძვათა მისთაჲსა, რომელსა, რაჟამს
Line of ed.: 21    უზორვიდენ ფრჳგჳელნი, მჴართა და წელთა თჳსთა მახჳლითა იჭრიან, ხოლო
Line of ed.: 22    სხუანი იმღერიან და განსცხრებიან ნესტუებითა და ქნარებითა, რაჲთა ჴმათა
Line of ed.: 23    მათთა გემოვნად და უტკივარჲდ თავს ისხნენ წყლულებანი, და უფროჲსად
Line of ed.: 24    განმჴნობილ იქმნენ. და დაჭრათა მიმართ ამას ნესტუებითა პატივ-სცემენ
Line of ed.: 25    ტრფიალსა მისსა ატტის. და შემდგომად წყლულებათა მათ არაწმიდებით ჴელჰყოფენ
Line of ed.: 26    აღრევად დედათა. ხოლო წარმართთავანი ვინმე უგუნურნი ძუელსა მას
Line of ed.: 27    ჩუეულებასა აწცა იპყრობენ ადგილთა შინა მთისა კარიკაჲსათა და ასოთა
Line of ed.: 28    თჳსთა მახჳლითა დაიჭრიან. ესრეთ სიბორგილედ უწოდს მოძღუარი რეაჲსთჳს
Page of ed.: 14   Line of ed.: 1    მახჳლითა დაჭრასა და სიბორგილესა მას ზორვათა შინა მისთა აღრევითა
Line of ed.: 2    დედათაჲთა. ხოლო "აღსრულება" სახელ სდებს ზორვასა მისსა სიტყჳთა საწარმათოჲთა,
Line of ed.: 3    რამეთუ წარმართნი ზორვასა "სრუ[ლ]ება" და "აღსრულება"
Line of ed.: 4    უწოდიან, ვითარ თუმცა საიდუმლოთა მიმღებელ და განმყოფელ იქმნებოდენ.
Line of ed.: 5    ამისთჳს აღასრულებდენ, თქუა, მესაიდუმლეობისათჳს, რომელ არს საიდუმლოთგანყოფილობა,
Line of ed.: 6    ხოლო შეისრულებოდინ საიდუმლოთ მიმღებელობისათჳს*.

Next part


This text is part of the TITUS edition of Nonnos, Scholia in orationes Gregorii Nazianzeni.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.