ARMAZI
Author: Epr.Mc. 
Eprem Mcire (Ephraemus Minor)
Text: Ucq.Miz. 
Instruction on the Conversion of the Georgians

Uc̣q̇ebay mizezsa kartvelta mokcevisasa


On the basis of the edition
Eprem Mcire,
Uc̣q̇ebay mizezsa kartvelta mokcevisasa,
tu romelta c̣ignta šina moiqsenebis.
Ṭeksṭi gamosca, šesavali da leksiḳon-saʒieblebi daurto
T. Bregadzem,
Tbilisi 1959,
pp. 3-12

electronically prepared by Machaidze,
Basel;
ARMAZI version by Jost Gippert,
Frankfurt a/M, 18.3.2007





Page: 3 
Ms. page: 145va 
Line: 1  
უწყებაჲ მიზეზსა ქართველთა მოქცევისასა, თუ რომელთა
Line: 2  
წიგნთა შინა მოიჴსენების.*


Paragraph: (Intr.)  
Line: 3        სულიერსა მამასა ჩუენსა და პატიოსანსა ეკლესიარხსა ჩუენ
Line: 4     
ქართველთასა, მღდელსა უფლისასა იოანეს კჳრიკესსა1 ყოვლად
Line: 5     
მცირე და უღირსი სახისა და სახელისაჲ ეფრემ მონაზონი2
Line: 6     
თაყუანის-ცემით მოგიკითხავ.

Line: 7        
ვინაჲთგან მადლითა ღმრთისაჲთა სრულ იქმნა გულსმოდგინებაჲ
Line: 8     
შენი წიგნისა ამისთჳს სადღესასწაულოჲსა, რომელი შენ
Line: 9     
იწროებასა შინა ჟამთასა უხუჱბით განვრცომითა გონებისაჲთა
Line: 10     
მოუგე საზოგადოსა მაგას ნიჭსა ნათესავისა ჩუენისასა ეკლესიასა
Line: 11     
წმიდისა სჳმეონ საკჳრველთმოქმედისასა,** რომელი ვითარცა
Line: 12     
საწყაული კეთილი და განმყოფელი იფქლისა ცხოვრებისაჲ ჭეშმარიტებით
Line: 13     
წმიდად მოდად*** სახელდებულ არს, ჯერ-იყო ამასცა
Line: 14     
ზედა ჩემგან სრულ ყოფად ბრძანებაჲ შენი, რაჲთა წერით დაიდვას
Line: 15     
მას შინა მოსაჴსენებელი ოდეს მოქცევისა ჩუენისაჲ და თუ
Line: 16     
რომელთა წიგნთა შინა ბერძენთასა ჴსენებულ არს იგი, უჴმდეს
Line: 17     
თუ ვისმე გამომეძიებელთაგანსა ცნობად.

Page: 4  
Line: 1        
საცნაურ იყავნ, ვითარმედ მიერვე ქადაგებითგან წმიდათა
Line: 2     
მოციქულთაჲთ, რაჟამს, წინაწარმეტყუელებისაებრ დავითისსა,
Line: 3     
"ყოველსა ქუეყანასა განჴდა ჴმაი მათი და კიდეთა სოფლისათა
Line: 4     
სიტყუანი მათნი",1 ერთად კიდეთა ამათგანად ითქუმის ჩუენთჳსცა
Line: 5     
მიმოსლვასა შინა წმიდათა მოციქულთასა ანდრია პირველწოდებულისა2
Line: 6     
მიერ ქადაგებაჲ შორის ავაზგიაჲსა, რომელ არს აფხაზეთი
Line: 7     
და მიერ წარვლაჲ ოსეთად და კუალად ბართლომეს3 მიერ
Line: 8     
მიმოვლაჲ ჩრდილოეთისაჲ, Ms. page: 145vb  რომელ არს ქართლი.

Line: 9        
გარნა ამათ წმიდათა სამოციქულონი მოძღურებისა თესლთა
Line: 10     
ანეულნი მრავალ ჟამ დაიპყრნა ღუარძლმან მეკერპეთამან არა
Line: 11     
ხოლო ჩუენ შორის, არამედ თჳთ მათ ბერძენთაცა შორის, ვიდრე
Line: 12     
ჟამთადმდე მეორედ პავლედ ზეცით წოდებულისა დიდისა კოსტანტინესთა.
Line: 13     
ამის კეთილად მსახურისა მეფისა ჟამთა ღმერთმან,
Line: 14     
რომელმან დიდთა და მრავალთესლთა ტომთათჳს იზრუნა, არცა
Line: 15     
ჩუენ მცირენი დაგჳტევნა უღუაწად, არამედ ესრეთ განაგო კუალად
Line: 16     
აღმოწოდებაჲ ჩუენი, ვითარცა მოიჴსენებს თეოდორიტე4
Line: 17     
საეკლესიოჲსა მოთხრობისა წიგნსა შინა თჳსსა ოცდამეოთხესა
Line: 18     
თავსა და იტყჳს ესრეთ:

Next part



This text is part of the TITUS edition of Eprem Mcire, Ucqebay.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.