TITUS
Tetraevangelium (redactio athonensis)
Part No. 3
Previous part

Chapter: 3 


Verse: 1  Link to ntkpl   მათ დღეთა შინა მოვიდა იოვანე ნათლისმცემელი, ქადაგებად უდაბნოსა მას ჰურიასტანისასა

Verse: 1V    ქადაგებად ] ქადაგებდა U; მას ] -- U


Verse: 2  Link to ntkpl   და იტყოდა: შეინანეთ, რამეთუ მოახლებულ არს სასუფეველი ცათაჲ.


Verse: 3  Link to ntkpl   რამეთუ ესე არს, რომელ-იგი თქუმულ არს ესაია წინაწარმეტყუელისა მიერ და იტყჳს: ჴმაჲ ღაღადებისაჲ უდაბნოსა ზედა: განჰმზადენით გზანი უფლისანი და წრფელ-ყვენით ალაგნი მისნი.

Verse: 3V    რომელ-იგი ] რომელი-იგი KXU; რომელ-იგი ] რომლისათჳს-იგი J; ზედა ] -- U


Verse: 4  Link to ntkpl   ხოლო თავადსა იოვანეს ემოსა სამოსლად მისა თმისაგან აქლემისა და სარტყელი ტყავისაჲ წელთა მისთა; ხოლო საზრდელად მისა იყო მკალი და თაფლი ველური.

Verse: 4V    იოვანეს ] ი̃ეს XU; მისა (1) ] მისსა K; მისა (2) ] მისსა K


Verse: 5  Link to ntkpl   მაშინ განვიდოდეს მისა იერუსალჱმი და ყოველი ჰურიასტანი და გარემოსოფლები იორდანისაჲ.

Verse: 5V    განვიდოდეს ] განვიდოდა XJ; მისა ] მისსა K; იერუსალჱმი ] იერუსალიმი K; გარემოსოფლები ] გარემოჲსსოფლები X


Verse: 6  Link to ntkpl   და ნათელს-იღებდეს იორდანესა შინა მისგან და აღუარებდეს ცოდვათა მათთა.

Verse: 6V    ნათელს-იღებდეს ] ნათელ-იღებდეს X; აღუარებდეს ] აღუვარებდეს KJ; აღუარებდეს ] აუარებდეს HI


Verse: 7  Link to ntkpl   და ვითარცა იხილნა მრავალნი ფარისეველნი და სადუკეველნი, მომავალნი ნათლის-ღებად მისგან, ჰრქუა მათ: ნაშობნო იქედნეთანო, ვინ გიჩუენა თქუენ სივლტოლაჲ მერმისა მისგან რისხვისა?

Verse: 7V    მათ ] მას U; გიჩუენა ] გიჩუჱნა HIXUJ; სივლტოლაჲ ] სივლტოვაჲ J


Verse: 8  Link to ntkpl   ყავთ უკუე ნაყოფი, ღირსი სინანულისაჲ,

Verse: 8V    უკუე ] უკუჱ HIXUJ


Verse: 9  Link to ntkpl   და ნუ ჰგონებთ და იტყჳთ თავით თჳსით: მამაჲ გჳვის ჩუენ აბრაჰამი. რამეთუ გეტყჳ თქუენ, ვითარმედ შემძლებელ არს ღმერთი აღდგინებად ქვათა ამათგან შვილად აბრაჰამისა.

Verse: 9V    აბრაჰამი ] აბრაჰამისსა K


Verse: 10  Link to ntkpl   რამეთუ აწვე, ესერა, ცული ძირთა თანა ხეთასა ძეს. ყოველმან ხემან, რომელმან არა გამოიღოს ნაყოფი კეთილი, მოეკუეთოს და ცეცხლსა დაედვას.

Verse: 10V    ესერა ] ესერაჲ J; ძირთა ] ძირ X; მოეკუეთოს ] მოეკუჱთოს HXU; დაედვას ] დაიდვას H


Verse: 11  Link to ntkpl   მე უკუე ნათელ-გცემ თქუენ წყლითა სინანულად. ხოლო რომელი შემდგომად ჩემსა მოვალს, უძლიერეს ჩემსა არს, რომლისა ვერ შემძლებელ ვარ ჴამლთა მისთა ტჳრთვად. მან ნათელ-გცეს თქუენ სულითა წმიდითა და ცეცხლითა.

Verse: 11V    უკუე ] უკუჱ HIXUJ; ტჳრთვად ] + რამეთუ X


Verse: 12  Link to ntkpl   რომლისა ნიჩაბი ჴელთა მისთა, განწმიდოს კალოჲ თჳსი და შეკრიბოს იფქლი საუნჯესა, ხოლო ბზე დაწუას ცეცხლითა მით უშრეტითა.

Verse: 12V    ჴელთა ] + შინა U; მით ] -- U


Verse: 13  Link to ntkpl   მაშინ მოვიდა იესუ გალილეაჲთ იორდანედ იოვანესა ნათლის-ღებად მისგან.

Verse: 13V    იოვანესა ] იოვანესსა K; გალილეაჲთ ] გალილიაჲთ X


Verse: 14  Link to ntkpl   ხოლო იოვანე აყენებდა მას და ეტყოდა: მე მიჴმს შენ მიერ ნათლის-ღებაჲ, და შენ ჩემდა მოხუალა?


Verse: 15  Link to ntkpl   მიუგო იესუ და ჰრქუა მას: აცადე აწ, რამეთუ ესრეთ შუენის ჩუენდა აღსრულებად ყოველი სიმართლე. მაშინ მიუშუა მას.

Verse: 15V    აწ ] -- X; შუენის ] შუჱნის HIXUJ;


Verse: 16  Link to ntkpl   და ნათელ-იღო იესუ. და მეყსეულად აღმოვიდა რაჲ წყლისა მისგან, და, აჰა, განეხუნეს მას ცანი, და იხილა სული ღმრთისაჲ, გარდამომავალი, ვითარცა ტრედი, მოვიდა და დაადგრა მას ზედა.

Verse: 16V    იესუ ] იესო X; განეხუნეს ] გნეხუნეს X; მას ] -- U


Verse: 17  Link to ntkpl   და ჴმაჲ იყო ზეცით და თქუა: ესე არს ძე ჩემი საყუარელი, რომელი მე სათნო-ვიყავ.




Next part


This text is part of the TITUS edition of Tetraevangelium (redactio athonensis).

Copyright TITUS Project, Frankfurt a/M, 16.2.2022. No parts of this document may be republished in any form without prior permission by the copyright holder.