ARMAZI
Text collection: NT 
Novum Testamentum georgice

e redactione Georgii Athoniensis


The Old Georgian Four Gospels:
Giorgi the Hagiorite's Redaction


On the basis of the original manuscripts
edited by Elguja Giunashvili, Manana Machkhaneli,
Sophio Sarjveladze, Darejan Tvaltvadze, Zurab Sarjveladze,
Tbilisi and Frankfurt a/M 1999-2002;
ARMAZI version by Jost Gippert,
Frankfurt a/M, 7.6.2000 / 26.9.2002 / 28.10.2007 / 15.2.2022




H   ვანის ოთხთავი (A-1335, XII-XIII სს.)
I   ეჩმიაძინის ოთხთავი (XII-XIII სს.)
K   გელათის ოთხთავი (Q-908, XII-XIII სს.)
N   Sin-19 (1074 წ.)
Z   Jer.-103 (XIII ს.)
Y   Jer.-153 (XII ს.)
U   Jer.-102 (XII-XIV ს.)
X   Jer-93 (XII ს.)
J   Jer.-122 (XIII-XIV სს.)
Q   Jer.-49 (XI სს.)




Book: Mt. 
მათე (გიორგისეული)



Chapter: 1 


Verse: 1  Link to ntkpl   წიგნი შობისაჲ იესუ ქრისტესი, ძისა დავითისი, ძისა აბრაჰამისი.

Verse: 1V    შობისაჲ ] შობისა HIKXJ; იესუ ] ი̃ჳს X


Verse: 2  Link to ntkpl   აბრაჰამ შვა ისაკ; ისაკ შვა იაკობ; იაკობ შვა იუდა და ძმანი მისნი;


Verse: 3  Link to ntkpl   ხოლო იუდა შვა ფარეზ და ზარა თამარისგან; და ფარეზ შვა ესრომ; ესრომ შვა არამ;


Verse: 4  Link to ntkpl   არამ შვა ამინადაბ; ამინადაბ შვა ნაასომ; ნაასომ შვა სალმონ;

Verse: 4V    ნაასომ (1) ] ნაასონ XJ; სალმონ ] სალმუნ U; ნაასომ (2) ] ნაასონ XJ


Verse: 5  Link to ntkpl   სალმონ შვა ბოოს რექაბისგან; ბოოს შვა იობედ რუთისგან; იობედ შვა იესე;

Verse: 5V    სალმონ ] სალმუნ U; რუთისგან ] როთისგან XJ


Verse: 6  Link to ntkpl   იესე შვა დავით მეფე; დავით მეფემან შვა სოლომონ ჰურიაჲს ცოლისაგან;

Verse: 6V    ჰურიაჲს ] ურიაჲს X; ჰურიაჲს ] ჰურიას J; ჰურიაჲს ] ურიის HU


Verse: 7  Link to ntkpl   სოლომონ შვა რობოამ; რობოამ შვა აბია; აბია შვა ასა;


Verse: 8  Link to ntkpl   ასა შვა იოსაფატ; იოსაფატ შვა იორამ; იორამ შვა ოზია;


Verse: 9  Link to ntkpl   ოზია შვა იოათამ; იოათამ შვა აქაზ; აქაზ შვა ეზეკია;


Verse: 10  Link to ntkpl   ეზეკია შვა მანასე; მანასე შვა ამონ; ამონ შვა იოსია;


Verse: 11  Link to ntkpl   იოსია შვა იექონია და ძმანი მისნი ტყუეობასა მას ბაბილოვნელთასა.

Verse: 11V    ტყუეობასა ] ტყუჱობასა HIKX;


Verse: 12  Link to ntkpl   შემდგომად ტყუეობისა მის ბაბილოვნისა იექონია შვა სალათიელ; სალათიელ შვა ზორობაბელ;

Verse: 12V    ტყუეობისა ] ტყუჱობისა HIXU


Verse: 13  Link to ntkpl   ზორობაბელ შვა აბიოდ; აბიოდ შვა ელიაკიმ; ელიაკიმ შვა აზორ;

Verse: 13V    აბიოდ ] აბიუდ HIK;


Verse: 14  Link to ntkpl   აზორ შვა სადუკ; სადუკ შვა აქიმ; აქიმ შვა ელიუდ;

Verse: 14V    ელიუდ ] ელიოდ U


Verse: 15  Link to ntkpl   ელიუდ შვა ელიაზარ; ელიაზარ შვა მატთან; მატთან შვა იაკობ;

Verse: 15V    ელიუდ ] ელიოდ XU; ელიაზარ ] ელეაზარ HIK; ელიაზარ შვა ] ელეაზარ შვა HIK;


Verse: 16  Link to ntkpl   იაკობ შვა იოსებ, ქმარი მარიამისი, რომლისაგან იშვა იესუ, რომელსა ჰრქჳან ქრისტე.

Verse: 16V    ჰრქჳან ] ჰრქუან K; ჰქრჳან ] ჰქჳან X


Verse: 17  Link to ntkpl   ყოველი ნათესავი აბრაჰამისითგან ვიდრე დავითისამდე ნათესავი ათოთხმეტ; და დავითისითგან ვიდრე ტყუენვამდე ბაბილოვნისა ნათესავი ათოთხმეტ; და ტყუენვითგან ბაბილოვნისაჲთ ვიდრე ქრისტესამდე ნათესავი ათოთხმეტ.

Verse: 17V    დავითისამდე ] დავითისადმდე HK; ტყუენვამდე ] ტყუჱნვადმდე HIJ; ტყუენვამდე ] ტყუჱნვამდე KXU; ტყუენვითგან ] ტყუჱნვითგან HIKXUJ; ბაბილოვნისაჲთ ] ბაბილოვნჲს X; ბაბილოვნისაჲთ ] ბაბილოვნისა J; ქრისტესამდე ] ქრისტესადმდე J


Verse: 18  Link to ntkpl   ხოლო იესუ ქრისტეს შობაჲ ესრეთ იყო: რამეთუ თხოვილ იყო დედაჲ მისი მარიამ იოსებისა და ვიდრე შერთვადმდე მათა იპოვა იგი მიდგომილ სულისაგან წმიდისა.

Verse: 18V    თხოვილ ] თხოილ X; იოსებისა ] იოსებისსა X; იპოვა ] იპოა X


Verse: 19  Link to ntkpl   ხოლო იოსებ, ქმარი ამისი, მართალი იყო და არა უნდა განმხილებაჲ მისი, იზრახა ფარულად განტევებაჲ მისი.

Verse: 19V    ამისი ] მარიამისი X


Verse: 20  Link to ntkpl   და ვითარ იგი ამას განიზრახვიდა ოდენ, აჰა, ანგელოზი უფლისაჲ ჩუენებით გამოუჩნდა მას და ჰრქუა: იოსებ, ძეო დავითისო, ნუ გეშინინ მიყვანებად მარიამისა, ცოლისა შენისა, რამეთუ, რომელი-იგი მისგან იშვეს, სულისაგან წმიდისა არს.

Verse: 20V    ჩუენებით ] ჩუჱნებით HIXUJ; გამოუჩნდა ] გამოუჩდა X;


Verse: 21  Link to ntkpl   შვეს ძე, და უწოდიან სახელი მისი იესუ, რამეთუ მან იჴსნეს ერი თჳსი ცოდვათა მათთაგან.


Verse: 22  Link to ntkpl   ესე ყოველი იქმნა, რაჲთა აღესრულოს სიტყუაჲ იგი უფლისაჲ, პირითა წინაწარმეტყუელისაჲთა თქუმული:


Verse: 23  Link to ntkpl   აჰა, ქალწული მიუდგეს და შვეს ძე, და უწოდიან სახელი მისი ემმანუელ, რომელ არს თარგმანებით: ჩუენ თანა ღმერთი.

Verse: 23V    ემმანუელ ] ემმანოელ XUJ; ემმანუილ ] ემმანუილ K


Verse: 24  Link to ntkpl   განიღჳძა იოსებ ძილისა მისგან და ყო ეგრე, ვითარცა უბრძანა მას ანგელოზმან უფლისამან, და წარიყვანა ცოლი თჳსი.


Verse: 25  Link to ntkpl   და არა იცოდა იგი, ვიდრემდე შვა ძე იგი მისი პირმშოჲ, და უწოდა სახელი მისი იესუ.

Verse: 25V    ვიდრემდე ] ვ̃ე X




Next part


This text is part of the TITUS edition of Tetraevangelium (redactio athonensis).

Copyright TITUS Project, Frankfurt a/M, 16.2.2022. No parts of this document may be republished in any form without prior permission by the copyright holder.