TITUS Texts: Balavariani, Red. B

TITUS
Balavariani, Red. B
Part No. 3

Previous part

Chapter: 5

Link to balavara

Page of edition: 11
Line of edition: 1        5. ^* და მაშინ ^* ბრძანა მონათა
Line of edition: 2     მათ ქრისტესთა განსხმაჲ ქუეყანისაგან
Line of edition: 3     მისისა. და ქადაგი წარავლინა
Line of edition: 4     ჴმობად ესრეთ: ამას
Line of edition: 5     იტყჳს აბენეს მეფე: უკუეთუ ვინ
Line of edition: 6     იპოოთ ქრისტეანეთაგანი ^* შემდგომად
Line of edition: 7     სამისა დღისა, ძჳრ-ძჳრითა
Line of edition: 8     ტანჯვითა მოვსრნე ^* ყოველნი.

Line of edition: 10        ^* Manuscript page: 80v 9R ხოლო მეფესა აბენესს
Line of edition: 11     ესუა ^* კაცი ერთი, სახელით
Line of edition: 12     ბალაჰვარ. და იყო იგი ღმრთის
Line of edition: 13     მსახურ და მორწმუნე და მოსავ ^*
Line of edition: 14     ქრისტეს ^* მცნებათა ^* და უყუარდა
Line of edition: 15     ფრიად მეფესა, რამეთუ იყო
Line of edition: 16     იგი გონიერ და ფრთხილ და მწერალ
Line of edition: 17     კეთილ, და უწარჩინებულეს ^*
Line of edition: 18     ყოველთა იყო ^* წინაშე მეფისა, და
Line of edition: 19     არა იცოდა მეფემან აბენეს, თუ
Line of edition: 20     მონა არს იგი ქრისტესი, და ყოველთა
Line of edition: 21     წარჩინებულთა მისთაგან
Line of edition: 22     უმეტეს პატივს-[ს]ცემდა.

Line of edition: 23        ამან ბალაჰვარ ოდესმე იხილა
Line of edition: 24     მიმავალმან გზასა ზედა კაცი მდებარე,
Line of edition: 25     რომელი მჴეცისა მიერ
Line of edition: 26     ვნებულ იყო და ასოთაგან - ფერჴთა
Line of edition: 27     და ჴელისა - დაკლებულ იყო,
Line of edition: 28     და ტიროდა კაცი იგი. და ჰკითხა
Line of edition: 29     მას ბალაჰვარ: რად ესრეთ ხარ,
Line of edition: 30     კაცო, და სტირ? ჰრქუა მას კაცმან
Line of edition: 31     მან ^*: მე ვარ კაცი სიტყჳს
Line of edition: 32     მკერავი და მჴეცისაგან შეჭმულ
Line of edition: 33     ვიქმენ და დაკლებულ ასოთაგან;
Line of edition: 34     და აწ ^* უკუეთუ ვინმე ^* მიღუაწოს,
Page of edition: 12   Line of edition: 1     საჴმარ მისა ^* ვიყო დღესა
Line of edition: 2     ჭირისასა. ხოლო მან სიტყუანი
Line of edition: 3     მისნი ^* არად შეჰრაცხნა, გარნა
Line of edition: 4     შეეწყალა. და უბრძანა მონათა,
Line of edition: 5     რაჲთა აღსუან ჰუნესა და მიიყვანონ
Line of edition: 6     მის თანა სახიდ თჳსა ^*.
Line of edition: 7     და უბრძანა სახლის მოძღუარსა
Line of edition: 8     თჳსსა ^*, რაჲთა იღუწიდეს კეთილად ^*
Line of edition: 9     და ნუგეშინის-სცემდეს.

Line of edition: 11        ხოლო ბალაჰვარს შეემტერნეს
Line of edition: 12     კაცნი იგი კერპთ მსახურნი, რამეთუ
Line of edition: 13     შურდა მისთჳს პატივი იგი
Line of edition: 14     მეფისაჲ, რომელ წინა-უყოფდა
Line of edition: 15     მას. და ^* ჰრქუეს მეფესა: ჵ მეფეო,
Line of edition: 16     კაცი ისი ^*, რომლისა მიმართ ^*
Line of edition: 17     დაგიც სასოებაჲ, არა არს
Line of edition: 18     სჯულისა შენისაჲ, რამეთუ უკუეთუ
Line of edition: 19     პოვის ^* კაცთა მათგანი ქრისტეანეთაჲ,
Line of edition: 20     მოწლედ მოიკითხავს.
Line of edition: 21     და აწ ჰნებავს განდგომილებაჲ
Line of edition: 22     შენი და დაპყრობად მეფობაჲ შენი ^*,
Line of edition: 23     და რომელნიცა პოვნის ^*
Line of edition: 24     განდრეკილნი მეფობისაგან თქუენისა,
Line of edition: 25     მოსწრაფებით ჰყუარობს მათ
Line of edition: 26     და პატივსა წინა-უყოფს მათ ^*.
Line of edition: 27     და ჰრქუა მათ მეფემან: უკუეთუ
Line of edition: 28     არა იყოს ეგე, ვითარცა სთქუთ
Line of edition: 29     თქუენ ^*, ბოროტი წინა-გიც ^*.

Line of edition: 31        და მიუწოდა მე\ფემან Manuscript page: 81R კაცსა
Line of edition: 32     მას ღმრთისასა და იწყო გამოცდად
Line of edition: 33     მისა ^* და ჰრქუა: შენ უწყი,
Line of edition: 34     ვითარ შეყოფილ არს გონებაჲ
Line of edition: 35     ჩემი სოფელსა ამას შინა და ვითარ
Line of edition: 36     აღვასრულენ ^* დღენი ჩემნი,
Line of edition: 37     და ვხედავ, რამეთუ ცუდად ვშურები
Page of edition: 13   Line of edition: 1     და მეშინის. ნუუკუე მოიწიოს
Line of edition: 2     აღსასრული ^* და მე ცარიელი
Line of edition: 3     ვიპოო. აწ უკუე მნებავს,
Line of edition: 4     რაჲთა ამიერითგან შევერთო მონათა
Line of edition: 5     მათ ღმრთისათა და ვიღუაწო
Line of edition: 6     საუკუნოჲსა მისთჳს ცხორებისა.
Line of edition: 7     აწ შენ რასა იტყჳ, ერთგულო
Line of edition: 8     და თანამზრახველო ჩემო?

Line of edition: 9        და ვითარცა ესმა ესე კაცსა
Line of edition: 10     მას ღმრთისასა, აღიძრა ^* გონებაჲ
Line of edition: 11     მისი და ცრემლოოდა ^*. და
Line of edition: 12     ჰრქუა მას: ცხოვნდი, მეფეო, უკუნისამდე,
Line of edition: 13     რამეთუ წარმავალისა
Line of edition: 14     წილ აღგირჩევიეს წარუვალი და
Line of edition: 15     უმჯობესი, რამეთუ არარაჲ არს
Line of edition: 16     სოფლისა ამის დიდებაჲ, რამეთუ
Line of edition: 17     ვითარცა აჩრდილი წარვალს და
Line of edition: 18     ვითარცა კუამლი განქარდების.

Line of edition: 25        აწ წარჰმართე ^* გულის სიტყუაჲ
Line of edition: 26     შენი, რამეთუ კეთილ არს,
Line of edition: 27     რაჲთა ^* წარმავალისა ^* ამის დატევებითა
Line of edition: 28     წარუვალი იგი სოფელი
Line of edition: 29     მოიყიდო. და დამძიმდეს სიტყუანი
Line of edition: 30     ესე წინაშე მეფისა და აღივსო
Line of edition: 31     მანკიერებითა მისთჳს და არა გამოუცხადა
Line of edition: 32     მას.

Line of edition: 33        მაშინ გულისჴმა-ყო ბალაჰვარ,
Line of edition: 34     რამეთუ საცთური ^* დაგებულ არს
Line of edition: 35     მისთჳს. და არა უწყოდა, თუ ვინაჲ
Line of edition: 36     არს საცთური იგი ^*. და შესჭირდა
Line of edition: 37     ფრიად. და დაადგრა ღამესა
Line of edition: 38     მას უძილად. და მოეჴსენა
Page of edition: 14   Line of edition: 1     კაცი იგი სიტყჳს მკერავი. და
Line of edition: 2     მოუწოდა და ჰრქუა მას: შენ მეტყოდე,
Line of edition: 3     ვითარმედ: განვჰკურნებ
Line of edition: 4     სიტყჳთა ^* წყლულსა. და ჰრქუა
Line of edition: 5     მას კაცმან მან: და არსცა ეგრე,
Line of edition: 6     Manuscript page: 81V ნუუკუე გიჴმს რაჲმე აწ?. ხოლო
Line of edition: 7     მან ჰრქუა: ესოდენთა ჟამთა
Line of edition: 8     ვჰმონე ^* მეფესა და არასადა ვიხილე
Line of edition: 9     მკსინვარებაჲ მისი ჩემდამო,
Line of edition: 10     რამეთუ ერთგულებით ვიდოდე
Line of edition: 11     წინაშე მისსა. ხოლო დღეს (მძიმედ)
Line of edition: 12     ვიხილე იგი ჩემდამო და ვჰგონებ,
Line of edition: 13     რამეთუ არა არს მშჳდობაჲ
Line of edition: 14     მის თანა. და ჰრქუა ვნებულმან
Line of edition: 15     მან: და რაჲ მიზეზი იყო შორის
Line of edition: 16     შენსა და მისსა?^* ხოლო მან
Line of edition: 17     ჰრქუა: არარაჲ უწყი სხუაჲ, რამეთუ
Line of edition: 18     სიტყუაჲ ერთი მრქუა მე,
Line of edition: 19     და ^* ვაწჳვე ^* უ\მჯობესი ^*, Manuscript page: 81V და
Line of edition: 20     მე ^* ვჰგონებ ^*, რომელ განმცადა
Line of edition: 21     სიტყჳთა. და ყოველი
Line of edition: 22     წარმოუთხრა ^*.

Line of edition: 23        და ჰრქუა ვნებულმან მან: მე
Line of edition: 24     განვკურნნე სიტყუანი ესე შეწევნითა
Line of edition: 25     ქრისტესითა და ძალითა
Line of edition: 26     ჯუარისაჲთა. ესე უწყოდე, რამეთუ
Line of edition: 27     ბოროტი იჭჳ აქუს მეფესა შენდამი,
Line of edition: 28     რამეთუ ზაკუვით ^* ზრახავს ^*
Line of edition: 29     შენთჳს და ჰგონებს ^* შენ
Line of edition: 30     მიერ დაპყრობასა მეფობისა მისისასა.
Line of edition: 31     აწ აღდეგ ხვალე ^* და
Line of edition: 32     დაიკუეცე ^* თმაჲ თავისა შენისაჲ,
Line of edition: 33     და განიძარცუე სამოსელი ეგე
Line of edition: 34     შენი ^* და შეიმოსე ძაძისაჲ და
Line of edition: 35     ეგრეთ შევედ წინაშე მეფისა. და
Line of edition: 36     უკუეთუ გკითხოს, თუ რაჲ არს
Page of edition: 15   Line of edition: 1     ესე, არქუ მას: რომლისათჳსცა
Line of edition: 2     შენ მე მიწოდე, მე ესერა განმზადებულ
Line of edition: 3     ვარ, რამეთუ არა მნებავს
Line of edition: 4     თჳნიერ შენსა ცხორებაჲ. რამეთუ
Line of edition: 5     მიზიარე კეთილთა ამათ სამეფოჲსა ^*
Line of edition: 6     შენისათა, აწ თანა-მაც, რაჲთა
Line of edition: 7     გეზიარო ჭირთაცა შინა ამის სოფლისათა,
Line of edition: 8     და ვითარცა ვინუკვე ^*
Line of edition: 9     შენ მიერ, ვიტანჯოცა შენ თანა,
Line of edition: 10     რაჲთა ^* შენ თანავე ღირს ვიქმნე
Line of edition: 11     საუკუნოდ. და ყო კაცმან მან,
Line of edition: 12     ვითარცა ასწავა მას ვნებულმან.
Line of edition: 13     და აღმოვიდა იჭჳ გულისაგან
Line of edition: 14     მეფისა. და განბოროტნა შემასმენელთა
Line of edition: 15     მათ ზედა ^* ბალაჰვარისთა.
Line of edition: 16     ხოლო ბალაჰვარ იშუებდა სიხარულითა ^*
Line of edition: 17     და კუალად მოეგო
Line of edition: 18     თმაჲ თავისა თჳსისაჲ.

Line of edition: 19        და კუალად შეუჴდა შური მთავართა
Line of edition: 20     მათ ბალაჰვარისთჳს ^* და
Line of edition: 21     ჰრქუეს მეფესა: მეფეო, უკუეთუ ^*
Line of edition: 22     განიხილო ყელი ბალაჰვარისი,
Line of edition: 23     იხილო მის თანა ჯუარი, რომელსა
Line of edition: 24     თაყუანის-სცემს იგი. და
Line of edition: 25     ღმერთნი ჩუენნი საბასრობელ არიან
Line of edition: 26     მის წინაშე. ხოლო მეფე ჰგონებდა,
Line of edition: 27     თუ ტყუვილსა იტყჳან
Line of edition: 28     მისთჳს. და მიყო ჴელი და იხილა
Line of edition: 29     ჯუარი ოქროჲსაჲ მკერდსა ზედა
Line of edition: 30     მისსა და ჰრქუა: რაჲ არს, ბალაჰვარ,
Line of edition: 31     ცთომილებაჲ შენი? ხოლო
Line of edition: 32     ბალაჰვარ ჰრქუა: ჵ მეფეო,
Line of edition: 33     არა ვარ მე ცთომილ, რამეთუ
Line of edition: 34     სიყრმით ჩემითგან ვჰმონებ ქრისტესა
Line of edition: 35     და თაყუანის-ვსცემ ჯუარსა,
Line of edition: 36     რომელსა ზედა ჴელნი განიპყრნა
Line of edition: 37     ჴსნისათჳს ჩუენისა, ხოლო მსახურებაჲ
Line of edition: 38     შენი არარაჲ ოდეს დამიკლია.
Page of edition: 16   Line of edition: 1     და აწ ვინაჲთგან განცხადნა ^* სახელი ქრისტეს ღმრთისაჲ
Line of edition: 2     ჩემ ზედა, მე არღარა უვარ-ვყო ^* ღმრთეებაჲ მისი, უკუეთუ
Line of edition: 3     ჴორცნი ჩემნი დაიჭრნენ ^*, Manuscript page: 82R გინა ცეცხლითა დაიწუნენ ^*, გარნა
Line of edition: 4     სულსა ჩემსა ჴელთა მისთა შევჰვედრებ. ჰრქუა მას მეფემან: ნუ
Line of edition: 5     ეგრე იტყჳ, საყუარელო ჩემო ბალაჰვარ, რამეთუ კაცი ხარ დიდებული
Line of edition: 6     და უპირატესი წინაშე ჩემსა. და უკუეთუ თაყუანის-სცე
Line of edition: 7     ღმერთთა ჩემთა, მოგცნე შენ სხუანიცა ქალაქნი და საჭურჭლენი
Line of edition: 8     ჩემნი შენ ზედა დავაცარიელნე, რამეთუ ფრიად საყუარელ ხარ
Line of edition: 9     წინაშე ჩემსა. და უკუეთუ ესე არა ჰყო, სატანჯველითა სასტიკითა
Line of edition: 10     განვლივნე ჴორცნი შენნი და არღარა ^* მოვიჴსენო მე ^* სიყუარული
Line of edition: 11     შენი.

Line of edition: 12        მაშინ განიჴსნა სარტყელი ოქროჲსაჲ კაცმან მან ღმრთისამან,
Line of edition: 13     შემკული თუალებითა პატიოსნითა, დადვა ^* წინაშე მეფისა და
Line of edition: 14     ჰრქუა: უკუეთუ დამარქუა თავსა ჩემსა გჳრგჳნი მეფობისა შენისაჲ
Line of edition: 15     პატივისა მისთჳს, ვერ შეარყიო ქრისტეს მიმართ სარწმუნოებაჲ
Line of edition: 16     ჩემი. და უკუეთუ ტანჯვითა განჰლივნე ჴორცნი ჩემნი, ვერავე
Line of edition: 17     შემაძრწუნო, რამეთუ ზეცისა კეთილნი უზეშთაეს არიან ^* ქუეყანიერთა,
Line of edition: 18     რომელთა შინა ვიშუებთ სამარადისოდ და ჯოჯოხეთისა
Line of edition: 19     სატანჯველნი უმწარეს არიან ^*, რომელთა ^* შინა დასჯად არიან
Line of edition: 20     წინააღმდგომნი ღმრთისანი და უ[ვ]არის მყოფელნი. ხოლო მე,
Line of edition: 21     მეფეო, მზა ვარ ტანჯვად და შენ ნუ სდროებ, რაჲთა ადრე წარვიდე
Line of edition: 22     წინაშე მეუფისა ჩემისა, რაჲთა განვისუენებდე ^* მუნ უკუნისამდე.
Line of edition: 23     ხოლო სიტყუათა ამათ ზედა მეფე ლმობიერ იქმნა და
Line of edition: 24     ჰრქუა: ჵ მე, საყუარელო ბალაჰვარ, ვითარღა წარმიკუეთე სასოებაჲ
Line of edition: 25     და ურჩ ექმენ ბრძანებასა ჩემსა. აწ წარვედ ქუეყანისაგან
Line of edition: 26     ჩემისა და ნუმცა მესმის ჰამბავი ^* შენი ყურთა მომართ ^* ჩემთა.
Line of edition: 27     და უკუეთუ გპოოღა, უბრალომცა ვარ სისხლისაგან შენისა ^*. ხოლო
Line of edition: 28     მან ^* დაუტევა დიდებაჲ ესე წარმავალი და მძოვართა თანა წარვიდა
Line of edition: 29     მონებად იესუ ქრისტესა ^*, ღმრთისა ჩუენისა.

Next part

This text is part of the TITUS edition of Balavariani, Red. B.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.