ARMAZI
Author: Io.Petr. 
Ioane P̣eṭrici
Book: Expl.Procl.Diad. 
Ganmarṭebay P̣roḳlesatws Diadoxosisa
da P̣laṭonurisa Pilosopiisatws


John Petritzi

Explanation of Proclus Diadochus
and Platon's Philosophy


On the basis of the edition in
Ioane P̣eṭricis Šromebi,
ṭomi 2:
Ganmarṭebay P̣roḳlesatws Diadoxosisa
da P̣laṭonurisa Pilosopiisatws.
Ṭeksṭi gamosces da gamoḳvleva daurtes
Šalva Nucubiʒem da Simon Q̣auxčišvilma,
Ṭpilisis Saxelmc̣ipo Universiṭeṭis Gamomcemloba,
Ṭpilisi 1937
electronically prepared by Beka Topuria,
Tbilisi 2002-2003;
ARMAZI version by Jost Gippert,
Frankfurt a/M, 25.1.2005 / 18.3.2007




Chapter: Pr. 
Page: 3 

Line: 1 
იოანე პეტრიწისა
Line: 2 
წინა-სიტყუაჲ


Line: 3       გუარსა თანა გუაც ცნობად დიდთა საღმრთისმეტყუელოთა-შორის
Line: 4    ხედვისასა და აღებად ჰაზრსა წინაჲთვე წინამდებარისა წიგნისასა.
Line: 5    ხოლო ჰაზრი ამის წიგნისა ამათ შინა შემოიცვის: პირველად,
Line: 6    რაჲთა ერთი წარმოაჩინოს, თუ არს ერთი, და იძულებათა მიერ
Line: 7    თანშესიტყუათაჲსა აღმოაჩინოს ესე მრავალსაქადაგოჲ ერთი, რაჲთა
Line: 8    არა იქმნეს და შეიმთხჳოს, რაჲთამცა არა ერთსა ერთად ჰაზრობდესცა
Line: 9    და იტყოდეს. რამეთუ მრავალნი მყოფთანი მიჴადებენ ჩუენ
Line: 10    ერთ ყოფას, ხოლო არა არიან იგინი ერთ, ვინაჲ ეძიებს კანონთა მიერ
Line: 11    სიტყჳერებრთა და ჰპოვებს სიწმიდესა უზადოსა ერთისასა. ესრეთ
Line: 12    უკუე მოღებითა სახეთათა უმეტეს განცხადნეს სიტყუაჲ: რამეთუ
Line: 13    რაჲცა სთქუა და მისცე გასაგონოსა, ვითარცა სული, გონებაჲ და
Line: 14    გინა თჳთ იგი ნამდჳლ-მყოფი, რომელსა ვიტყჳ პირველად არსებად
Line: 15    და პირველად შედგმულად, არა რომელი ამათი არს ერთი; რამეთუ
Line: 16    იგი და ბუნებაჲ მისი და ნაწილნი, რომელთაგან არს შედგმულ, და
Line: 17    არა არს იგი უზადო ერთ, ვითარცა ეტყოდა პარმენიდი
Line: 18    სოკრატს. და ამათ აგებულთა და შედგმულთა ტევრად და
Line: 19    საცდურად იტყოდა, ხოლო ფილოსოფოსსა - ძაღლად ლაკონიკელად,
Line: 20    რამეთუ არიან მრავალნი, რომელნი იჩემებენ ერთობასა და პატივსა
Line: 21    ერთობისასა მიოცნებენ ჩუენ სიწლოთა და სიჴშოჲთა შენადგთათა
Line: 22    და უსხეულოობითა გუარისაჲთა. არამედ ბუნებასა და ნაწილთ-მიერობასა
Line: 23    არიან თანაშეკრულ, ხოლო თჳთ უზადოჲ და უჩემებელი ერთი
Line: 24    არცა ბუნებასა თანაშეკრულ და არცა არსებასა და შედგმულებასა,

Page: 4  
Line: 1       არამედ დაუზევდების ესე ამათ ყოველთა. ხოლო აღმოაჩენს ერთსა
Line: 2    სახედ მოღებითა სიმრავლისა და ამის რიცხუთა ერთისაჲთა
Line: 3    და კანონთაებრ "ორღანოჲსათა" აღმომიარსებს ჩუენ,
Line: 4    ვითარმედ პირველად ერთი არს ყოველთა რიცხუთაჲსა".

Line: 5       და ვითარცა ესე აღმოაჩინოს და დამსჭუალოს უძრავად და
Line: 6    შეურყეველად ყოვლისა ცთომილისა მბრძოლისაგან, მერმე აღიღებს
Line: 7    მას აღმოჩენილსა და უმხილებელსა პირსა და სხუასა შემდგომსა
Line: 8    აღმოაჩენს. და შემდგომითი შემდგომად ყოველთა ზედა ამას ჰყოფს:
Line: 9    რამეთუ პირველ აღმოჩენილთა მიერ შემდგომთასა დასდებს საფუძველსა
Line: 10    აღმოჩენათასა და ესრეთ სრულ-ჰყოფს, რაჲთა, ვითარცა გუამი,
Line: 11    თჳსთა ნაწილთა მიერ შედგეს და მოიღოს თჳსი ყოვლობაჲ.

Line: 12       ხოლო ზედაწარწერილი იტყჳს: პროკლე დიადოხოსი, პლატონურისა
Line: 13    ფილოსოფოსისა, კავშირნი ღმრთისმეტყველებითნი.

Line: 14       ესე პროკლე; მონაცვალე საყდარსა საღმრთოჲსა პლატონისსა,
Line: 15    იყო ტომით ეონიელი, შვილი დიდად დიდთა გუარითა, რომელთა
Line: 16    არა ესუა შვილი და ლოცვათა მიერ სამარადისოდ ჰრეკდვს საყდართა
Line: 17    ღმრთისა წყალობისათა. ვინაჲ ეუწყა მათ საღმრთოჲსა მიერ
Line: 18    საუწყოჲსა, ვითარმედ "მოგეცეს თქუენ წული ყრმაჲ, რომელმან
Line: 19    წარვლნეს ყოველნი ჰასაკნი ხედვასა შინა ზესთა ნაწილისასა". და ვითარ
Line: 20    აღიზეა ჰასაკმან ყრმებრივმან, სიწმიდითა მის შორისთა [ძალთაჲთა]
Line: 21    დაფარნა ყოველნი საზომთა უმსგავსოობითა. ვიტყჳ პირველად სიწმიდესა
Line: 22    და შრეტასა მის შორისთა ნაკუერცხალთა სიჭაბუკისათა,
Line: 23    რომლითა დაღელავს გრძნობადთა და ოცნებათა ესე ძალი სულთა
Line: 24    ქმნად შთამოვრდომილთა. მეორედ სიჴშოსა და სიმახჳლესა შორის
Line: 25    ღუაწლსა სასწავლოთასა, ანუ თუ სიტყჳერებითთა სთქუა გინა ბუნებითთა
Line: 26    ხედვათა, ანუ რიცხუთა და ქუეყანის სამზომლოთა და თჳთ მის
Line: 27    მუსიკელობისა, რომლისა მიერ აღმოიჩინების ანაქუსი ესე და ნათხზი
Line: 28    მყოფთა აგებულებისა, და ურთიერთას ზიარებისა და განყოფილებისა,
Line: 29    და თუ ვითარ ამათ მიერ კეთილმეჴელოვნეობაჲ ყოველთა ღმრთისა
Line: 30    დამბადისაჲ დაუზესთავდების მხედველსა. და კუალად ამათ ყოველთა
Line: 31    ბუნებასა თანა ნაწმასნთა ხედვათა ზესთ დაედვა, რამეთუ დაუტევა
Page: 5   Line: 1    ესე ჟამსა შორის და ქმნასა ნახიბლნი და მზუელავნი ოდენ არსისანი,
Line: 2    რამეთუ თჳთ უმრავლესი მათი შეკრულ არაობასა თანა, ვინაჲ ზედ
Line: 3    მოჰმართა ნამდჳლ ჭეშმარიტსა მყოფსა და არსსა. და არცა ამათ
Line: 4    შორის დაუტევა საზღვარი თჳსთა ხედვათა, რამეთუ თანაჰყვა თჳსთა
Line: 5    პირველთა, ვიტყჳ პლატონისთა და მის უმწუერვალესისაცა გონებისაგან
Line: 6    მიუწდომელსა ერთსა. რაოდენ იყო შესაძლო, იმეცადინა
Line: 7    ცნობად მყოფთა სასურვოჲ იგი და სატრფოჲ, და ბეჭდულნი და
Line: 8    დაფარულნი პლატონის მიდმოსიტყჳსანი განაცხადნა და მათ შორისი
Line: 9    სიბრძნე საუკუნითგან არსთა და თანწარმდგომილი სარწმუნოებაჲ
Line: 10    აღასაჴუმილა, და ვითარ მათ შორის სწყურის პლატონს
Line: 11    მის უოცნოჲსა ერთისათჳს და ყოვლისა გონიერისა და ზესთ გონიერისა
Line: 12    აღმკულისათჳს. და კუალად წარმორეულთა ზედა და ცეცხლის
Line: 13    სახედ დაჴშირებულთა პერიპატოელთა არისტოტელის-გამოთა
Line: 14    სიტყუაჲ კანონთა მიერ შეძერწული უკუნ სცა. და თჳთ არისტოტელის
Line: 15    მიერ მოპოვნებულთა შესიტყუათა კანონთაჲთ ჩემებული
Line: 16    სიმართლე, რომლითა ურღუევდეს პლატონს პეიპატოელნი,
Line: 17    განაცხადა და უმდგმო ყო. ხოლო მესამედ ამათ ყოველთა ზედა
Line: 18    დაჰრთო სიწმიდე და სიცხადე აღმოსაჩენთაჲ, და სიმაღლესა თანა ხედვისასა
Line: 19    წყაროჲ თარგმანებითთა ნადენთაჲ, რომლისათჳსცა დიადოხობაჲ,
Line: 20    რომელ არს მონაცვალეობაჲ პლატონისი, გარდაისახელა
Line: 21    შემდგომთა მიერ. ესე პროკლესთჳს თანწარვლის სახედ მივეცით
Line: 22    საუწყოსა.

Line: 23       ხოლო სტჳქიოდ ღმრთისმეტყუელებითად ითქუნეს თავნი
Line: 24    ესე. სტჳქიოჲ ეწოდების კავშირსა, და ამისთჳს დადვა კავშირი,
Line: 25    ვითარცა უმარტივესი ყოვლისა, რამეთუ სასწავლოდ შემავალთა ყოველთა
Line: 26    პირველად უმარტივესთა ასწავებენ, და მერმეღა მათგან შედგმულთა
Line: 27    ვითარცა ასოთა მიერ სახელსა, ხოლო სახელთა მიერ თქუმასა,
Line: 28    და კუალად თქუმისა მიერღა სიტყუასა, ვითარ გჳსწავლია "პერი
Line: 29    ერმინიისა", რამეთუ ყოველთა შედგმულთ მარტივნი უპირველეს,
Line: 30    ვითარ ოთხთა ამათ კავშირთა - ვიტყჳ ცეცხლსა, აირსა, წყალსა და
Line: 31    ქუეყანასა. ვინაჲ ამითვე სახითა სიტყჳსათა კავშირად უწოდა,
Page: 6   Line: 1    ვითარცა უმარტივესთა ყოველთა შორის საღმრთისმეტყუელოთა ხედვათასა.
Line: 2    რამეთუ პირველ ერთისა ცნობისა რაჲმცა ცნა ყოველმან
Line: 3    მეძიებელმან ცნობისამან? და ესრეთ მარტივად წესი და სირაჲ,
Line: 4    რომელ არს ნათხზი ყოველთა, დააწყო და წარმოაწინა, ვითარ გონებისა,
Line: 5    სულისა ბუნებისა და სხეულისა რომელი ესე თითოეული თჳსსა
Line: 6    ადგილსა განვჰმარტოთ.

Line: 7       გარნა დავსძინოთ მცირედ და კითხვისათჳსცა, თუ ვითარ ჯერ არს
Line: 8    ამათ სასწავლოჲსა წიგნთა კითხვა, ვითარცა თჳთ სოკრატისთჳს
Line: 9    იტყჳან, ვითარმედ იკითხვიდისო სოკრატ ვითარ იკითხვიდიან
Line: 10    ყრმანი მცირენი, და კუალად შეექცის მასვე წარკითხულსა, რამეთუ
Line: 11    არა თუ გუარსა ჯერ არს საკითხავისასა მიცემაჲ, არამედ ცნობისა
Line: 12    და აღუწყებისათჳს არს სათანადოჲ, და გაკუეთისა და შედგმისა და
Line: 13    უკუნქცევისა და უკუანაჲთ პირთა აღებისა და წერტილთა და სხუათა
Line: 14    ყოველთა მძღუართა, ვითარ მახჳლსა ოქსიასა, და ვარიასა,
Line: 15    რომელ არს მძიმე, და პერისპომენსა, რომელ არს გარემორთხმული,
Line: 16    და სხუასა ყოველსავე სათანადო არს რაჲთა ვიჴმარებდეთ
Line: 17    ჴმასავე თანა და პირსა სიტყჳსასა, რაჲთა გონებაჲ უცთომელი აღვიუწყოთ.
Line: 18    და ესეცა შევისწაოთ, რომელ მაღლიად კითხვაჲ მოშლის
Line: 19    გაგონებასა, რამეთუ ძგერაჲ ჴმისაჲ რეც თუ თანა ჩარიტაცებს გამგონესა,
Line: 20    რომელ არს სული. და ესე ამისთჳს.
Line: 21    კუალად უკუჱ, სათანადო არს და უფროის ხოლო საჭირო
Line: 22    ცნობად, ვითარმედ სხუაჲ არს ძალი და მოქმედებაჲ სულისაჲ და სხუაჲ
Line: 23    გონებისაჲ. და ყოველთავე ელლინთა ენამზეობასა ზედა თჳსი სახელი
Line: 24    ჰქვიან. შესაბამი თვისისა არსებისაჲ, ხოლო ჩვენთამან არცა
Line: 25    თარგმანთა, არცა სხუამან ვინ დასჭურიტნა, და აწ მე უზომოდ მიშლის
Line: 26    თარგმანსა შინა, რამეთუ ყოველსავე ერთად და სწორად იტყჳან
Line: 27    და დასდებენ ჩუენნი. ხოლო აწ ისმინე, რამეთუ სულისასა ეწოდების
Line: 28    დიანჳაჲ, ხოლო გონებისასა ნოიმაჲ, ხოლო გასაგონსა და
Line: 29    ზესთმდებარესა ნოიტონი. ვინაჲ აწ აღვიღო თითოჲ .ამათი და
Line: 30    განვჰმარტო.

Line: 31       პირველად უკუე სულისაჲ, რომელ არს დიანჳაჲ. ესე
Line: 32    დიანჳაჲ არა არს მარტივი და შეუდგმელი.იგი გონებაჲ, არამედ
Line: 33    ვითარ მიერგონებაჲ გინათუ მიდმოგონებაჲ, რამეთუ სულსა მიდმოობასა
Line: 34    შორის აქუს ძალი გაგონებისაჲ და შედგმული და არა
Page: 7   Line: 1    მარტივი, ვითარ გონებისაჲ, რამეთუ შეადგამს არსსა და არასა, განიზრახვიდეს
Line: 2    რაჲ ვითარ იგი ოდეს ვლამოდი რასავე, ვიტყჳ, ვქმნა ანუ
Line: 3    არა ვქმნა, და მერმეღა უკუანაჲს ერთსა რომელსამე ზედა მივიჰაზრვი
Line: 4    და მივიწადებ ანუ არსსა ანუ არაარსსა, რომლისათჳს რქჳან მას
Line: 5    სახელი შესაფეროჲ, რომელ არს მიდმოგონებაჲ ანუ მიდმოგაგონებაჲ,
Line: 6    ესთა ჰგავსო, იტყჳს პორფირი, მიდმოგაგონებაჲ სულისაჲ,
Line: 7    ვითარ ოდეს კაცი ბიჯებისა მიერ მივიდოდის, რამეთუ არა მარტივად
Line: 8    მიდრკების მუნ, სადაცა მიემართოს, არამედ ბიჯთა მიერ
Line: 9    გზავნითი გზავნად სრულჰყოფს თჳსსა ნავალსა. ესთადვე და სულიცა
Line: 10    ამისგან ამისდად მიდგების მცირედ მცირედ, ვიდრემდის არა ყოველი
Line: 11    შემოსახოს და შემოიცვას გასაგონოჲ და თჳს გუარ ყოს, რაჲც
Line: 12    რაჲვე იყოს. ხოლო გონებაჲ ზედ მიესხმის მარტივად, ვითარ აღმოჰჴდეს
Line: 13    რაჲ მზე და აჰა შარვანდნიცა მისნი უჟამოდ და მიუდრეკელად
Line: 14    დაჰფარვენ ყოველსა, და არა მცირედ მცირედ მიდგებიან,
Line: 15    არამედ მყის თანავე აღმოჩენასა მზისა დისკოჲსასა აჰა და მიფენაჲცა
Line: 16    შარავანდედთაჲ. ესრეთვე და გონებასაცა ზედა იხილო:
Line: 17    ვინაჲ აჰა გონებაჲ და აჰა გაგონებაჲ, რამეთუ თანავე წარმოდგომილა
Line: 18    გონება და და გაგონებაჲ, ვით რცა მზისადა შარავანდნი.

Line: 19       ხოლო ნოიტოჲსა რაჲ: რამეთუ ნოიტოჲ ყოველი ზესთა
Line: 20    ძეს ვისდადცა იყოს სანოიტოჲ. გესმაა ნოიტოჲ რასა ჰრქჳან?
Line: 21    გასაგონსა ანუ საგონსა.

Line: 22       აწ ისმინე: სხუაჲ არს მიდმოგონებაჲ, ვითარცა აღმოვაჩინეთ,
Line: 23    რამეთუ ითქუა სულისათჳს, ხოლო გაგონებაჲ გონებისათჳს, და
Line: 24    იგიცა აღმოიჩინა; და აწ წინა გჳც ცნობად, თუ რაჲ არს ნოიტოჲ:
Line: 25    არს ანუ საგონი ანუ გასაგონი. ხოლო ყოველი გასაგონი უმჯობეს
Line: 26    არს გამგონესა, რამეთუ დაუზესთავდების გასაგონო გამგონესა, ვითარ
Line: 27    აწ სახეთა მიერ საცხადო ვყოთ. რამეთუ სულსა დაუზევდების
Line: 28    გონებაჲ, და სხუაჲ არსებაჲ მისი და სხუაჲ სულისაჲ, და არს სული
Line: 29    გამგონე, ხოლო გონებაჲ გასაგონოჲ. და კუალად გონებასა დაუზევდების
Line: 30    არსებაჲ ნამდჳლ მყოფისაჲ, და არს გონებაჲ გამგონე და
Line: 31    ნამდჳლმყოფი გასაგონო. და კუალად ნამდჳლ მყოფსა დაუზევდების
Line: 32    საღმრთოჲ და ერთებრივი რიცხჳ, რამეთუ სხუა არიან იგინი და სხუა
Line: 33    არსებაჲ ნამდჳლმყოფისაჲ, და გამგონე უკუე არს ნამდჳლ მყოფი, და
Page: 8  

Line: 1    გასაგონოჲ ზესთ არსებითი რიცხჳ. და კუალად გამგონე არიან
Line: 2    ღმრთივნი და ზესთ არსნი მხოლონი, და გასაგონოჲ მათგან პირველი
Line: 3    საზღვარი და პირველი უსაზღვროობაჲ, და კუალად გამგონე არიან
Line: 4    პირველი საზღვარი და პირველი უსაზღვროობაჲ, ხოლო გასაგონოჲ
Line: 5    სწორად ყოველთაგან ზესთ მდებარე იგი უცნაური ერთი და კეთილობაჲ,
Line: 6    რომელსა წადილმან პატივისამან ჰკადრა მას და მამადცა წოდებაჲ.
Line: 7    აწ ესე ყოველნი წესთაებრ თითოეულთა გონებაცა არიან და
Line: 8    გასაგონოცა. ვინაჲ სათანადო არს შესწავებით უწყებაჲ, ვითარმედ
Line: 9    უმჯობეს არს ყოველი გასაგონ ყოველსა გამგონესა ვითარცა
Line: 10    უმეტეს ღმრთივი.

Line: 11       და ამათ ზედა დართვით საჭირო არს ცნობად. გესმა, უწყოდე,
Line: 12    რამეთუ ყოველსა არსებასა და გუამოვნებასა შემდგომთაგან გავიგონებთ;
Line: 13    ხოლო შემდგომნი არსებათანი არიან ძალნი და მოქმედებანი
Line: 14    ამათნი და ვითარფერცა იყოს მოქმედებაჲ, ეგფერვე და ძალი, და,
Line: 15    ვითფერ ძალი, ეგ სახე და არსებაჲცა. და კუალად სათანადო არს
Line: 16    შესწავებაჲ, რამეთუ პირველნი ბუნებით შორის გაგონებასა გამგონისასა
Line: 17    უკუანაჲსკნელ იქმნებიან, და ბუნებით შემდგომნი პირველ, ვითარ
Line: 18    არსებაჲ თითოეულისაჲ და მოქმედებაჲ. რამეთუ ბუნებით არსებაჲ
Line: 19    უპირველეს, ხოლო ოდეს გავიგონებდეთ რასავე, უკუანაჲსკნელთაგან
Line: 20    გავიგონებთ, რომელ არიან ძალი და მოქმედებაჲ; რამეთუ,
Line: 21    ვითარნიცა იყვნენ ძალნი და მოქმედებანი, მსგავსადვე არსებათა გულის
Line: 22    ხუმა ვჰყოფთ; რამეთუ ყოველი ძალი და მოქმედებაჲ ვინასავე
Line: 23    რომლისა არსებისაჲ არს. და იყოს თუ მოქმედებაჲ მისი მარტივ
Line: 24    და შეუდგმელ, და არსებაცა მისი მარტივ და შეუდგმელ. ხოლო თუ
Line: 25    მოქმედებაჲ მისი არ მარტივ, და არცა არსებაჲ მისი მარტივ, ვითარ
Line: 26    სულისა და გონებისაჲ, რამეთუ შედგმულ გაგონებაჲ სულისაჲ, რომელ
Line: 27    არს მოქმედებაჲ, და არსებაჲცა მისი არა მარტივ. ხოლო მოქმედება
Line: 28    გონებისაჲ მარტივ და არსებაჲცა მისი მარტივ, ვითარ ზენათი
Line: 29    შორის აღმოიჩინა. შეისწავე კუალად, ვითარმედ სხუებრ ვიტყჳთ
Line: 30    ძალთა და მოქმედებათა სულსა ზედა, და სხუებრ გონებასა ზედა,
Line: 31    სხუებრ მის ერთისათჳს ანუ თუ ერთთათჳს. სულისათჳს უკუე ვიტყჳთ
Line: 32    წარვლის სახედ მცირედ-მცირედ და წარმატებით და ანუ მომგებელად
Line: 33    მოქმედებასა ანუ არა, და მართ ძალად ოდენ, ვითარ ყრმათა
Line: 34    ანუ უსწავლელთასა, რამეთუ ძალად ოდენ არიან, ხოლო მოქმედებითისა
Line: 35    გონებისაგან უნაწილო, ვითარ აღმოაჩინა არისტოტელი.
Page: 9   Line: 1    რამეთუ უფილოსოფოსოთა სულითა ძალად ოდენ. იტყჳს და არა
Line: 2    მოქმედებით, ხოლო რომელთა იფილოსოფოსეს, მას შორის ოდენ
Line: 3    დასდებს მოქმედებითსა სულსა და გონებასა. და კუალად სხუა არს
Line: 4    ძალი და მოქმედებაჲ გონებისაჲ, ვითარ და არსებაცა, რამეთუ თანწარმოდგომილად
Line: 5    და სამარადისოდ აქუს მოქმედებაჲ არსებასა თანა,
Line: 6    და არსებაჲ მოქმედებასა თანა, ვითარ მზესა სანიადაგოდ დისკოსა
Line: 7    თანა შარავანდნი, ესთავე გონებაჲ თჳსსა გასაგონსა თანა, რამეთუ
Line: 8    სხუა არა რაჲ არს გონებაჲ თჳნიერსამარადისოდ გაგონებაჲ. და
Line: 9    არა ვითარ სული რაჲთამცა მცირედ-მცირედ წარემატებოდა და
Line: 10    ზედა დაირთვიდა გასაგონთა და ამის გასაგონოჲსგან სხუადმი მიდგებოდა,
Line: 11    არამედ ერთბამად გონებაჲ და გასაგონოჲმისი. ხოლო ამის
Line: 12    ერთისათჳს ვერცა გაგონებასა ვიტყჳთ, ამისთჳს რამეთუ ყოველი
Line: 13    გამგონე უმეცრებასა თანა შეკრულა წადიერი გაგონებად, რომელი
Line: 14    არა გაეგონა, და ცნობად, რომელი არა ეცნა. ხოლო იგი დაზესთაებული
Line: 15    ერთი დაუზევდების ცნობასა და გაგონებასა. რამეთუ რაჲ
Line: 16    ცნას, რომელი არას უმეცარ არს? ანუ რაჲ გაიგონოს, რომელმან
Line: 17    წარმოაარსა და აღამკო არსებაჲ გონებისაჲ? და კუალად გონებაჲ
Line: 18    ყოველსავე თითოეულად გაიგონებს და მრავალსა მრავლად, ხოლო
Line: 19    ერთი ყოველთა და თითოეულთა ერთებრივ და განუნაწილებელად,
Line: 20    ვითარ აღმოიჩინა წინაჲთვე, რომელი იტყოდა, ვითარმედ ყოველი
Line: 21    გამგონე შესაბამად თჳსთა არსებათაჲსა იმოქმედებსო. ხოლო მოქმედებაჲ
Line: 22    ერთისაჲ ერთებრივ და ზესთ არს დასაბამად ზესთაობისა
Line: 23    თჳსისა. აწ ესე ფრიად საჭიროჲ ფრიად ცხადად დაიდვა



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.