ARMAZI
Proclus Diadochus, Institutio theologica georgice
Part No. 5
Previous part

Chapter: 5  
Line: 3 
თავი 5


Paragraph: 1     
Line: 4       ყოველი სიმრავლე მეორე და შემდგომი არს ერთისა. ხოლო თუ
Line: 5    არს სიმრავლე პირველ ერთისა [. .] არა ეზიაროს ერთსა, ვინაჲთგან
Line: 6    პირველ წარმოჩინებადმდე ერთისა იყოს სიმრავლე. ხოლო არა
Line: 7    არსსა არ ეზიაროს; ამისთჳს რომელ ყოველი მზიარებელი ერთისაჲ
Line: 8    ერთბამად ერთ არს და არა ერთი, ვინაჲ პირველ თუ ერთისა არს
Line: 9    სიმრავლე, არცა წარმოდგომილ არს ერთი. არამედ შეუძლებელ
Line: 10    არს ყოფად რაჲსავე სიმრავლისა არ თუ ეზიაროს ერთსა. არცა
Line: 11    ვიდრემე პირველ ერთისა სიმრავლე.

Paragraph: 2     
Line: 12       ხოლო თუ ერთბამ და სწორ ერთი ერთისა, ბუნებით ერთი
Line: 13    და სიმრავლე (მაშა ჟამითა არ დაიცილოს), და იყოს ერთი მრავალ
Line: 14    და მრავალი ერთ, ვითარცა სწორგანყოფილნი ერთბამად ბუნებით,
Line: 15    ვინაჲთგან ერთი მეორესა არცა უპირველეს, არცა უშემდგომეს იყოს.
Line: 16    მაგრა სიმრავლე თჳს შორის არ იყოს ერთ, და არცა თითოეული
Line: 17    იყოს ერთ შორის სიმრავლესა, და ესე ვიდრე უსაზღვროობადმდე;
Line: 18    რომელი შეუძლებელ. ეზიაროს ვიდრემე სიმრავლე ერთსა თჳსითა
Line: 19    ბუნებითა. და არა რაჲ არს ნაწილთა მისთაჲ, რომელიმცა არ ერთი
Line: 20    იყო; ხოლო თუ არ ერთი იყოს ნაწილი მრავლისაჲ, იყოს უსაზღვროთაგან
Line: 21    უსაზღვროჲ, ვითარ აღმოიჩინა; რომელი შეუძლებელ. ყოვლითურთ
Line: 22    ვიდრემე ეზიარების /სიმრავლე ერთსა.

Paragraph: 3     
Line: 23       ხოლო თუ ერთი თჳთერთ არს, არ ვიდრემე ეზიარა სიმრავლესა,
Line: 24    იყოს უკუე სიმრავლე ყოვლითურთ უკუანაჲთ და შემდგომად
Line: 25    ერთისა, მზიარებელ ვინაჲსავე ერთისა, არ ზიარებულ უკუე
Line: 26    ერთისგან. ხოლო თუ ერთიცა ეზიარების სიმრავლესა, მყოფობით
Line: 27    იყოს უკუე წარმოდგომილ, ვითარ ერთი; არამედ ზიარებითა არა
Line: 28    ერთ, იყოს ვიდრემე ვითარცა გამრავლებული ერთი, ვითარ იგი
Line: 29    სიმრავლე შეერთებულ ერთისა მიერ ეგრეთვე და ერთი გამრავლებულ
Line: 30    სიმრავლისა მიერ. ვინაჲ ეზიარა უკუე ერთი მრავალსა და
Line: 31    მრავალი ერთსა. ხოლო მზიარებელი რაჲთავე ერთისად, თუ სხჳსა

Page: 7  
Line: 1    მიერ თან შეკრბებოდის და იზიარებოდის, იყოს სხუაჲ იგი პირველ
Line: 2    მათსა; ხოლო თუ თჳთ შეიკრებოდინ და ეზიარებოდინ თჳსგნით
Line: 3    და არა სხჳსა მიერ, არა იქმნენ ვიდრემე ურთიერთას წინაგამწყობ.
Line: 4    რამეთუ წინაგამწყოჲ არა მიივლთის ერთმანერთისად. ვინაჲ
Line: 5    თუ ერთი და სიმრავლე განწვალებულ არიან ურთიერთობისაგან,
Line: 6    იყოს ვიდრემე სიმრავლე ვითარ იგი არს სიმრავლე არა ერთ, და
Line: 7    ერთი ვითარ ერთი არა მრავალ, და არ ვინაჲ წარმოდგეს ერთი
Line: 8    შორის მეორესა. მაგრა იყოს თუ რაჲვე სხუაჲ წინაჲთ ორთავე
Line: 9    ურთიერთას შემყრელი მათი, ანუ ერთი იყოს ანუ არა ერთი. და თუ
Line: 10    არა ერთი იყოს, ანუ მრავალ იყოს ანუ არა რაჲ. ხოლო მრავალი
Line: 11    არ ეგების, ამისთჳს რაჲთა არ იყოს პირველ ერთისა სიმრავლე,
Line: 12    და არცა არა რაჲ ეგების. რამეთუ ვითარ შეკრიბნეს არა რამან?
Line: 13    რომლისათჳსცა იყოს მხოლოდ ერთი; არამედ არა ჯერ არს მისიცა
Line: 14    ერთისა მრავლობაჲ, რაჲთა არა იყოს ვიდრე უსაზღვროობადმდე.
Line: 15    არს ვიდრემე თჳთერთი პირველ ყოვლისა; და ყოველი სიმრავლე
Line: 16    თჳთერთისგან.


Next part


This text is part of the ARMAZI edition of Proclus Diadochus, Institutio theologica georgice.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.