TITUS
Nemesios of Emessa, De natura hominum
Part No. 3
Previous part

Chapter: 3  
Line: 19 
თავი III
Line: 20 
შეერთებისა-თჳს სულისა და სხეულთაჲსა


Paragraph: 1  
Line: 21    იძიებ[ო]დედ, თუ ვითარ სულისა და სხეულისა უსულოჲსა იქმნების
Line: 22    შეერთებაჲ. უღონო უკუჱ ესე საქმე. ხოლო, თუ რად-მე
Line: 23    არა მხოლოდ ამათ-გან ოდენ, არამედ და გონებისა-განცა შემტკიცებულ
Line: 24    არს კაცი, ვითარ და თქუჱსცა ვიეთ-მე, -- იყოს ვინაჲვე უმეტეს
Line: 25    საუღონო.** რამეთუ ყოველი უკუჱ ერთგან შეერთებული განაღა ერთისა
Line: 26    არსებისა გუამოვნებად შეიერთების, არამედ ყოველი შეერთებული
Line: 27    შეიცვალების და არა ჰგიეს მას-ზედა, რომელ პირველ იყო, --
Line: 28    ვითარ ასოთა-ზედა იჩუენოს: რამეთუ შეიერთნენ რაჲ, სხუა ვითარ
Line: 29    იქმნებიან. ვითარ უკუჱ სსეული, შეერთებული სულისად, მერმეცა

Page: 52  
Line: 1    დაადრგების სხეულადვე, ანუთუ კუალად სული, უსხეულოჲ დ თჳთ
Line: 2    თჳს-შორის არსებოანი, ვითარ შეერთების სსეულსა და ნაწილ ექმნების
Line: 3    ცხოველსა, დამმარხველი თჳსისა არსებისაჲ შეურევნელად და
Line: 4    უხრწნელად? რამეთუ საჭირო არს, თუ ნამდჳლ შეერთებულ არიან
Line: 5    სული და ჴორცნი, თანშეცვალებად და თანშეხრწნად ორთავე, ვითარ
Line: 6    რაჲ ასონი; ხოლო, თუ რად-მე არ შეერთებულ არიან პირველ თქმულთა
Line: 7    უჯეროებათა-თჳს, დაწყობილ ვინაჲვე იყუნენ, ვითარ მემწყობრენი
Line: 8    შორის მწყობრსა, გინათუ ვითარ სოფიოჲ სოფიოჲსად, გინათუ
Line: 9    შეზავებულ ვითარ ღჳნოჲ და წყალი. არამედ ესე, რომელ შეუძლებელ
Line: 10    არს სულისად სხეული შეწყობად, "სულისა-თჳს" თქმულთა-შინა
Line: 11    აღმოჩენილ არს: რამეთუ იყომცა მხოლოდ ნაწილი ოდენ
Line: 12    სხეულთაჲ სულიერ, რომელი იგი იყოს მახლობელ სულისა, არამედ არ
Line: 13    შეერთებული -- უსულო; ამისთჳს რომელ შეუძლებელ არს, თუმცა ერთ
Line: 14    ითქუმოდეს მებრ მწყობრივნი, ვითარ ოდეს რაჲ ითქუას, ვითარმედ
Line: 15    შეშასა მოაქუს რკინაჲ, ანუ ესევითართა რაჲ-მე. და შეზავებაჲ წყალისა
Line: 16    და ღჳნისაჲ ორთავე თანშეჰხრწნის, რამეთუ არცა ღჳნოჲ არს წმი-დაჲ
Line: 17     შეზავებული და არცა წყალი. მერმეცა და ესევითარი შეზავებულებ[აჲ],
Line: 18    მებრ ურთი-ერთას [თანდებითა], დასცილდების გრძნობასა,
Line: 19    ამისთჳს რომელ წულილ ნაწილებით არს შეზავებული იგი; საცნაურ
Line: 20    უკუჱ ესე ამის-გან, რომელ კუალად შესაძლებელა მისი განყოფაჲ
Line: 21    ერთმან-ერთისა-გან; რამეთუ ოდეს რაჲ ღრუბელი ზეთოან იქმნების,
Line: 22    აღიწებობს წყალსა წინა, და ესრეთვე პატრუკი; არამედ გრძნობადად
Line: 23    და ცხადად ყოვლით-ურთ შეერთებულთა განყოფაჲ შეუძლებელა.
Line: 24    ხოლო თუ რად-მე არცა შეერთებულა და არცა თანდებულა და არცა
Line: 25    შეზავებულა, -- რაჲ უკუჱ იყოს მიზეზი ესე ერთმყოფელი ცხოველისაჲ?
Line: 26    ვინაჲ პლატონსა ამისა სიძნელისა-თჳს არა ეგულებოდა თქუმად,
Line: 27    თუ ცხოველი არსო სულისა-გან და სხეულთაჲსა, არამედ სული
Line: 28    სხეულთა მჴმარებელად და ვითარ რაჲ თანშეკრვად სხეულთა.
Line: 29    აქუს უკუჱ და ამასცა სიტყუასა უღონობაჲ, თუ: ვითარ ერთყოფად

Page: 53  
Line: 1     შემძლებელა სული სამოსთა-შორის?* რამეთუ არცა სამოსი ერთ
Line: 2    არს მოსილსა-თანა. ხოლო ამმონიოს, მოძღუარი პლოტინოჲსი,
Line: 3    საძიებელსა ამას ესრესახ[ე]დ დაჰჴსნის, მთქუმელი. ვითარმედ: გონიერთა
Line: 4    ესევითარი აქუს ბუნებაჲ, რათა შეერთებოდენ შემძლებელთა
Line: 5    დატევნად მათდა, -- ვითარ არს თანშეხრწნილთა, -- და შეერთებულთა
Line: 6    და კუალად გებად უხრწნელად და შეურევნელად, ვითარ თანდებულნი.
Line: 7    არამედ სხეულთა-[შორის] შეერთებაჲ შეცვალებასა ვინაჲ შეიქმს,
Line: 8    ვინაჲთგან სხუათა სხეულთად შეიცვალების, ვითარ რაჲ: ასონი --
Line: 9    თანშესჯილთად, და საზრდელნი -- სისხლად, ხოლო სისხლი -- ჴორცად
Line: 10    და ესევითარად ნაწილად სხეულთად. არამედ გონიერთა-შორის
Line: 11    შეერთებაჲ უკუჱ იქმნების, ხოლო შეცვალებაჲ არა შეუდგების, რამეთუ
Line: 12    არა აქუს გონიერთა მებრ ბუნებითი შეცვალებაჲ, არამედ ანუ
Line: 13    განეყენების, ანუ არარსად განიხრწნების, ხოლო შეცვალებასა არ მითუალავს;
Line: 14    არამედ არცა არარსებად განიხრწნების, რამეთუ არამცა
Line: 15    იყო უკუდავი. არამედ სული ცხოველობაჲ არს; თუმცა შეზავებასა-შორის
Line: 16    სხუა იქმნებოდა, შე-მცა-ვინაჲმე-იცვალა და არღამცა იყო ცხოველობა[ჲ];
Line: 17    და რადმცა რად საჴმარ იყო სხეულთად, თუმცა არა ჰქონდა
Line: 18    მას ცხოველობაჲ? არა ვინაჲ-მე მეიცვალების სული
Line: 19    შეერთებასა-შინა.
Paragraph: 2  
Line: 20       ხოლო აწ ამათ ესრე ჩუჱნებულთა-გან, ვითარმედ გონიერნი უქცევ
Line: 21    არიან არსებით, საჭიროდ შეუდგების ესე, რათა. ოდეს რაჲ

Page: 54  
Line: 1    შეერთებოდენ იგინი, არ თანშეიხრწნებოდინ იგინი, რომელთად შეერთებულ
Line: 2    იყუნენ. და აწ უკუჱ შეერთებულ არს და შეურწყუმელად შეერთებულ
Line: 3    არს სხეულთად სული. არამედ ესე, რომელ შეერთებულ
Line: 4    არს, თანვნებისა[-გან] იჩუჱნების, რამეთუ თანივნებს ყოველსა თჳსსა
Line: 5    სხეულსა, ვითარ რაჲ მეერთე მისი; ხოლო ესე, რომელ შეურევნელად
Line: 6    დაადგრების, საცნაურ უკუჱ ამის-გან, რომელ სახითა რომლითა-მე
Line: 7    განეშორების სული სხეულთა ძილსა-შინა, ვითარცა მკუდრისა უსაქმოდ
Line: 8    დებად დამტევებელი, მხოლოდ უკუჱ უორთქლებს მას ცხორებასა,
Line: 9    რათა არა ყოვლით-ურთ წარწყუმდეს; თავსა-შორის თჳსსა
Line: 10    სიზმართა-მიერ [მ]მოქმედებელი ღმრთივმეტყველებს წინაჲთვე მომავალთა და
Line: 11    გონიერთა მიეახლების. და ესე მღჳძარესაცა შეემთხუჱვის,
Line: 12    ოდეს-მე თავსა თჳსსა მოეგოს და განიცდიდეს რასავე არსთა-განსა;
Line: 13    და მაშინ ვინაჲვე, ვითარ იჭუნეულობენ, სხეულთა-გან
Line: 14    თავსა თჳსსა განაყენებნ და თჳთ თჳს-წინ იქმნების, რათა ესრეთ
Line: 15    ზედმიჰმართოს მყოფთა. და, რამეთუ უსხეულო არს, ყოველთა-ზედა
Line: 16    მიეფინების, და ვითარ თანშეხრწნადი, არამედ დაადგრების უხრწნელად
Line: 17    და შეურევნელად თავსა-შორის თჳსსა კმამყოფი და რომელთაცა-შორის
Line: 18    ექმნეს მქცეველი მათი მებრ თჳსისა ცხოველობისად,
Line: 19    ხოლო თჳთ არასადა ქცეული მათ-გან. რამეთუ ვითარ მზე მოსლვითა
Line: 20    თჳსითა ჰაერსა ნათელად შესცვალებს, რამეთუ აყოფს მას ნათლის-გუარ
Line: 21    და ერთექმნების ჰაერსა ნათელი, შეურევნელად მისდამი
Line: 22    თხეული, -- ამითვე სახითა ერთქმნილი სული სხეულთად დადგრების
Line: 23    ვინაჲვე შეურევნელად; რამეთუ მხოლოდ ამით განიყოფვის, რომელ
Line: 24    მზე სნეულ არს და ადგილსა-შინა შეწერილ და არა არს ყოველგან,
Line: 25    სადაცა ნათელნი მისნი, არამედ არცაღათუ ვითარ რაჲ ცეცხლი:
Line: 26    რამეთუ დაადგრების შორის შეშათა, ანუთუ ვითარ ბაზმაკთა-შორის,
Line: 27    შეკრული ვითარ ადგილსა-შინა; ხოლო სული უსხეულო არს და არ
Line: 28    გარეშეწერილ ყოველთა ადგილთად [და] მიეტევის თჳთ მათ მის-მიერთად
Line: 29    ნათელთა და სხეულთად; და არა არს ნაწილი ოდენ მის-მიერ
Line: 30    განათლებულთაჲ, რომელთამცა-შორის არა ყოველი წარმოდგა. რამეთუ
Line: 31    არა იპყრობვის [სული] სხეულთა-მიერ, არამედ იგი იპყრობს სხეულთა;
Line: 32    რამეთუ არცაღათუ სხეულთა-შორის, ვითარ რაჲ ჭურჭელსა ანუთუ
Line: 33    თხიერსა, არამედ უფროჲს ხოლო სხეული -- მას-შორის. რამეთუ არა

Page: 55  
Line: 1    დაიყენებიან სხეულთა-გან გონიერნი, არამედ ყოველთა სხეულთად
Line: 2    დამტევნელ და მიმნერგველ და განმვლელ, რამეთუ არათუ თჳთ, ვითარ
Line: 3    იგი არს, სხეულებრივთა ადგილთა-გან შეიპყრობვის; რამეთუ
Line: 4    გონიერ უკუჱ არს და გონიერთაცა-შორის ადგილთა არს, რამეთუ
Line: 5    ანუ თუ თჳთ თჳს-შორის არს, ანუ ზეშთამდებარეთა გონებათა-შორის,
Line: 6    ვითარ რაჲ ოდეს-მე სული თჳთ თჳს-შორის მაშინ არს, ოდეს
Line: 7    გულის-ისიტყუვიდეს, ხოლო ოდეს-მე -- გონებასა-შორის, რაჟამს გაიგონებდეს.
Line: 8    არამედ, რაჟამს სხეულთა-შორის მყოფად ითქუმოდის,
Line: 9    არათუ, ვითარ ადგილსა, სხეულთა-შორის მყოფ არს, არამედ ვითარ
Line: 10    დანახეთქითა და წარმოდგომითა, ვითარცა ითქუმის ღმერთი ჩუენ-შორის;
Line: 11    რამეთუ დანახეთქითა და მიმართობისა წამითა და წადილითა
Line: 12    ვიტყჳთ სულსა სხეულთა-გან შეკრვად, ვითარ იგი ვიტყჳთ
Line: 13    სატრფიალოჲსა-გან შეკრვად მტრფიალობელსა -- არა სხეულებრივად და არცა
Line: 14    ადგილითა, არამედ მებრ დანახეთქითა. რამეთუ უდიდო ყოვლითურთ
Line: 15    და უზუავო და უნაწილო, რომელი იგი ადგილსა-შორის შეცვასა
Line: 16    ზეშთა და უმჯობეს დაურჩების. რამეთუ რომელსა არა ჰქონდის
Line: 17    ნაწილი, რომლისა ადგილისა-გან შესაძლებელ არს გარეშეწერად?
Line: 18    რამეთუ ზუავითსა-თანა აქუს ადგილსა მყოფობაჲ, ვინაჲცა
Line: 19    ადგილი არს სასროლი გარემომქონებელისაჲ, ვითარ იგი გარემო-შესცავს
Line: 20    შეცვულსა. ხოლო თქუას თუ ვინ, ვითარმედ: "სიტყჳსა
Line: 21    მაგის-ებრ ჰრომს და ალექსანდრიას და ყოველგან იყოს ვინაჲვე სული
Line: 22    ჩემი", -- დასცილდების თჳთ თავი თჳსი და კუალად ადგილსავე
Line: 23    იტყჳს, რამეთუ "ჰრომი და ალექსანდრიაჲ" და ამის რომლისა-მე
Line: 24    ადგილის-შორისი, დაღათუ ყოვლით-ურთ იყოს მცირე, ადგილის-შორისადვე
Line: 25    ითქუმის. რამეთუ ადგილსა-შორის ყოვლით-ურთ არა არს,
Line: 26    არამედ ვინაჲვე ყოვლით-ურთ დანახეთქსა, რამეთუ ჩუჱნებულ არს
Line: 27    ესე, რომელ შეუძლებელ არს ადგილისა-გან გარეშეცვად. ხოლო რაჟამს
Line: 28    დანახეთქსა-შორის ექმნეს და რომელსა-მე გონებითსა ადგილსა,
Line: 29    გინათუ საქმესა, რომელი ადგილსა-შორის იყოს, მებრ შეცვალებით
Line: 30    ვიტყჳთ მისდა მუნ ყოფად, მოქმედებათა მათთა-თჳს მის-მიერ მუნ
Line: 31    ქმნილთაჲსა, ადგილ[ი]სა -- სანაცვლოდ დანახეთქისა და მოქმედებათაჲსა
Line: 32    მიმღებელნი. ჯერ-იყო უკუჱ თქუმად, ვითარმედ "მუნ რომელსა-მე
Line: 33    ადგილსა მოქმედებსო", ვიდრეღარა თუ "მუნ არსო".

Page: 56  
Line: 1    რამეთუ ესრეთ თქუმული უწმიდესად და უთანადესად ესაკუთრების
Line: 2    და უფროჲს ხოლო კაცისა-მიმართ შეერთებისა-თჳს ღმრთისა-სიტყჳსა,
Line: 3    რამეთუ, ვითარ რაჲ შეერთო, და დაადგრა შეურევნელად და
Line: 4    გარეშეუხებელად, -- არათუ [ყოვლით-ურთ] მებრ სულისსახედ; რამეთუ
Line: 5    იგი* განმრავლებულ არს, იიჭუნეულების ვინჲცა რაჲზომვე თანმევნედ
Line: 6    სხეულთად და თანშეკრვად იგი წუთ ერთცა, თუ შეეკრვოდი, არამედ
Line: 7    ღმერთი-სიტყუაჲ არა რომლითა სახითა სულისა და სხეულთა ზიარებისა-გან
Line: 8    შეცვალებულ იქმნა, არცა რაჲ თანაქუნდა მათისა უძლურებისა-გან,
Line: 9    თანმისცა მათ თჳსისა ღმრთეებისა-გან და [ი]ქმნა მათ-თანა
Line: 10    ერთ და თჳთ ეგო ერთ, ვითარ იყო და პირველ შეერთებისაცა.
Line: 11    ვინაჲვე უახლეს აწ ესე სახე შეერთებისაჲ და შეზავებისაჲ, რამეთუ
Line: 12    შეეზავების და ჰგიეს ყოვლად ყოვლით-ურთ შეურევნელად და
Line: 13    შეურწყუმელად და განუხრწნელად და შეუცვალებელად; არ თანივნ ებდა,
Line: 14    არამედ თანმოქმედებდა მხოლოდ, ვინაჲ არცა თანმეხრწნილ და
Line: 15    არცა თანშეცვალებულ, არამედ მის-შორის უკუჱ თანაღორძინდებოდა;
Line: 16    ხოლო თჳთ იგი არ მოკლებულ მათ-მიერ უქცეველად და შეურევნელად
Line: 17    გებისა-გან, ვინაჲთგან წმიდა და მიუთუალველ იყო ყოვლისა
Line: 18    შეცვალებისა-გან. მოწამე ამათდა არს პორფირიოს, რომელმან თჳთ
Line: 19    ძუნად ქრისტესსა აღძრა თჳსი ენა[ჲ], რამეთუ უძლიერეს მტერთა-გან
Line: 20    ჩუენ-თჳს თანმოწმებანი და არცა ერთისა ცილობისა მიმთუალველ.
Line: 21    ვინაჲვე აწ ეს პორფირე მეორესა წიგნსა-შინა "შერევითთა საძიებელთა"-სა
Line: 22    დასწერს საცხადოდ ესრეთ: "ნუ დაივიწყებოდედ, ვითარმედ
Line: 23    შესაძლებელ არს რომლისა-მე არსებისა მიღებად თანშესრულებისა-თჳს
Line: 24    სხჳსა და ნაწილ ქმნად მის არსებისა [და] დადგრომად თდსსავე
Line: 25    ბუნებისად შემდგომად შესრულებისა სხჳსა მის არსებისა და სხჳსა
Line: 26    თანაქმნად და თჳთ თჳს-შორის კმაყოფად და -- უფროჲს ხოლო -- თჳთ
Line: 27    უკუჱ უქცეველ, არამედ მქცეველ მათდა, რომელთაცა-შორის ექმნეს
Line: 28    თჳსად მოქმედებად წარმოდგომითა". რამეთუ იტყჳს ამას შეერთებისა-თჳს
Line: 29    სულისა და სხეულთაჲსა. ხოლო თუ სულისად მართალ სიტყუაჲ
Line: 30    ესე, ვითარცა უსხეულოჲსა-თჳს, უფროჲს უმეტეს ღმრთისა-სიტყჳსა-თჳს,
Line: 31    რომელი უმეტეს უსწ[ო]რო და ჭეშმარიტებით უსხეულო

Page: 57  
Line: 1    არს. რომელი ნაცვალ უკუნ კრვით დაუყოფს პირთა ჴელმყოფელთა
Line: 2    შესმენად ღმრთისა კაცთა-მიმართ შეერთებისათა; რამეთუ ამას ელენთა-შორის
Line: 3    უმრავლესნი* იტყჳან შეუძლებელ და უთნო და უშუჱრ
Line: 4    არსო თანაქმნად მოკუდავსა ბუნებასა საღმრთოჲ მებრ შეზავებით და
Line: 5    შეერთებით. არამედ ჩუენ, ურჩეულესთანი მათ-შორის მჴმარებელნი
Line: 6    მწდედ, განვაგდებთ ჩუენ-გან მიზეზსა, რამეთუ თქმულ არს რომელთამე-მიერ,
Line: 7    და უფროჲს ხოლო ევნუმიანთა-გან, შეერთებად ღმრთისა-სიტყჳსა
Line: 8    სხეულთად არ მებრ არსებით, არამედ მრჩობლთა-ებრ
Line: 9    ძალთაჲსა. რამეთუ არათუ არსებათა შეერთებად გინა შეზავებად, არამედ
Line: 10    ძალთა ვინაჲვე სხეულთა[ჲ]სა ძალთა-მიმართ საღმრთოთა თანშეზავებად;
Line: 11    ხოლო ძალად სხეულთად განაღა შესაქმებრივ[ი]სა, -- რომელ
Line: 12    არს ორღანებრივი, -- არისტოტელის-მიერ საგრძნობელთა ამათ იტყჳს;
Line: 13    ამათ უკუჱ საღმრთოჲ ძალი თანშეზავდა, ვინაჲვე აღქმნაო შეერთებაჲ,
Line: 14    მათისა-ებრ სიტყჳსა. რამეთუ არავინ იყოს მათდა არშემნდობელ
Line: 15    საგრძნობელთა სხეულებრივად ძალად აღმოჩენისა-თჳს. ხოლო
Line: 16    განსაზღვრებულ არიან საცხადოდ წინაჲთთა-შინა, თუ რომელი
Line: 17    უკუჱ არს საკუთრებით სხეულთაჲ, ანუ რომელი -- სულისაჲ, გინა
Line: 18    რომელი თანმრჩობლთაჲ; და საკუთრებითთა-შორის თანმრჩობლ-თასა
Line: 19    შესაქმებრივთა ორღანებრივთა-მიერ გრძნობათა ვიდრე-მე ყოფად;
Line: 20    უსხეულოთა-თჳს შეურევნელად შეერთების მოქმედ არსებათა-მიმართ
Line: 21    და არარაჲს მევნედ უსაღმრთოესსა უდარესისა-გან, არამედ
Line: 22    იგი მხოლოდ მრგებელად უსაღმრთოესისა-გან. არამედ, ვინაჲთგან
Line: 23    წმიდაჲ ბუნებაჲ უსხეულოჲ დაუყენ ებელად უკუჱ მიეფინების ყოველგან,
Line: 24    არამედ მის-მიერ არცა ერთი, -- რომლის-თვისცა, რომელ
Line: 25    ყოველთადა მიფენილ, შეერთება, ხოლო, რომელ მის-მიერ არცა
Line: 26    ერთი, დაადგრების იგი შეურევნელად და შეურწყუმელად. არათუ ვინაჲვე
Line: 27    სათნოება[ჲ] მიზეზ აწინდელისა ამის შეერთების სახისა, ვითარ
Line: 28    ვიეთ-მე დიდთა კაცთა სთნავს, არამედ ბუნებაჲ მიზეზ. რამეთუ სხეულთა
Line: 29    მიღება [ჲ] ნუთუ და თქუასცა ვინ-მე სათნოყოფით, და იყოს მართალ
Line: 30    ქმნილი იგი, ხოლო შეერთებულთა არა შერწყუმად მებრ ღმრთისა

Page: 58  
Line: 1    ბუნებისად, არათუ სათნოებისა-გან ქმნილად. ხოლო ხარისხი სულთაჲ
Line: 2    და აღსლვაჲ და შთასლვაჲ, რომელსა ორიგენი შემოიღებს, საღმრთოთა
Line: 3    წერილთა არმომზავებელსა და არცა ვინაჲვე თანმღაღადებელსა
Line: 4    ქრისტეანეთა რწმუნებისასა, დაიტევებოდედ.



Next part


This text is part of the TITUS edition of Nemesios of Emessa, De natura hominum.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.