ARMAZI
Ammonius, In Aristotelem commentaria
Part No. 3
Previous part

Chapter: 2  
Line: 34  სახისათჳს

Subchapter: 1  
Line: 35  ხოლო სახე ითქუმის ვიდრემე თითოეულისაცა
Line: 36  შესახედავისაცა ზედა


Paragraph: 1     
Line: 37       დასრულდა ნათესავისათჳს სიტყუაჲ. ვინაჲცა მეორე6 წესი აქუს ამათ
Line: 38    და თანად წარმოდგებიან და თანად გულისხუმა-იქმნებიან, ამისთჳს /სახე წინადააწესა
Page: 55  
Line: 1    განყოფილებისასა და არა ბუნებითისა წესისა, არამედ მასწავლელობისათჳს
Line: 2    და რამეთუ ნათესავისძლითსა მასწავლელობასა შინა მოიჴსენა
Line: 3    სახისაჲ. და უჴმდა არა მრავალჟამ დაყუდნებულ1-ყოფაჲ მსმენელისაჲ.

Paragraph: 2     
Line: 4       ხოლო ჩუეულებრისა2 კანონისა მჴუმეველი აწცა პირველად აღჰრაცხს3
Line: 5    ყოველთა დანიშნვათა სახისათა, მერმეღა ეგრეთ განასაზღვრებს, რომლისათჳს
Line: 6    ჰყოფს სიტყუასა, რამეთუ არიან სხუანი დანიშნვანი სახისანი, რომელთათჳს
Line: 7    არა წინა-ძეს თქუმად, არამედ მათ აღჰრაცხს4 დანიშნულობათა სახისათა, შესატყჳსთა
Line: 8    სიტყჳერებითისა მოფარდულობისათა.

Paragraph: 3     
Line: 9       იტყჳს უკუე, ვითარმედ მრჩობლი არს დანიშნულობაჲ სახისაჲ: რამეთუ
Line: 10    სახედ ითქუმის შესახედავიცა თითოეულისაჲ, რომლისა დანიშნვისაებრ5
Line: 11    ვიტყჳთ კეთილსახეობასა და ჰავსახეობასა; ხოლო სახ/ედ ითქუმის დაწესებულიცა
Line: 12    ნათესავისა ქუეშე, რომლისა ნათესავი რაჲარსობისა შორის შეისმინების,
Line: 13    არამედ ესე საზღვარი არს არსახოანისაჲცა და სახოანისა სახისაჲ ხოლო
Line: 14    ითქუმის სახე სხუებრცა: მრავალთა და რიცხჳთა განყოფილთად რაჲარსობისა
Line: 15    შორის შესმენილი. ხოლო ვითარმედ სახელთა ამათ დანიშნულობანი, ვიტყჳ
Line: 16    უკუე არსახოანისა და სახოანისა სახისანი, უცხადო არიან საზოგადოჲსა ჩუეულებისა,
Line: 17    წაღმართმავალი სიტყუაჲ განაცხადებს მათ ჴელისმიმყოიფი სიკეთესა
Line: 18    კატიღორიათასა, ვიტყჳ არსებასა, რომელი თჳთგუამოანი საქმე არს და ნათესავოანი
Line: 19    ნათესავი, რამეთუ სხუანი კატიღორიანი შემთხუევითნი არიან მისნი.
Line: 20    რამეთუ უკუეთუ სხუანი ყოველნი არსებისა შორის არიან და მის შორის
Line: 21    იხილვებიან და თჳნიერ მისსა დგომად ვერ შემძლებელ არიან, ცხად არს, ვითარმედ
Line: 22    არსებაჲ თჳთგუამოანი არს, ხოლო სხუანი ცხრანი /კატიღორიანი მას
Line: 23    შეემთხუევიან. ვინაჲცა მიიღებს არსებასა და თხზავს მისგან ესევითარსა სირასა,
Line: 24    ვითარმედ: არსებისჲ რომელიმე არს სხეულ, ხოლო რომელიმე უსხეულო;
Line: 25    და სხეულისაჲ რომელიმე -- სულიერ, ხოლო რომელიმე -- უსულო; და სულიერისაჲ
Line: 26    რომელიმე -- ცხოველ და რომელიმე -- ნერგ და რომელიმე -- ცხოველნერგ;
Line: 27    და ცხოველისაჲ რომელიმე -- სიტყჳერ და რომელიმე -- უსიტყუ;
Line: 28    და სიტყჳერისაჲ რომელიმე -- ანგელოზ, რომელიმე -- კაც, და რომელიმე --
Line: 29    ეშმაკ. ამათ შორის ნათესავოანი ვიდრემე ნათესავი არს არსებაჲ, ხოლო სახოანი
Line: 30    სახე -- კაცი, ხოლო საშუალნი ნათესავადცა ითქუმიან იგინივე და სახედ,
Line: 31    სახედ ვიდრემე უპირველესთა მათთად, ხოლო ნათესავად შემდგომთა
Line: 32    თჳსთად.

Paragraph: 4     
Line: 33       ხოლო ზიარად ყოველთა სახეთა სახოანთაცა და ურთიერთარსთა6 პირველი
Line: 34    წარწერაჲ შესცავს მეტყუელი: სახე არს ნათესავისა ქუეშე დაწესებული,
Line: 35    ანუ რომლისა ნათესა/ვი რაჲარსობისა შორის შეისმინების.

Paragraph: 5     
Line: 36       რამეთუ ამათ წარწერათა თჳთოეულისაჲ ქუემდებარე ვიდრემე იგი არს
Line: 37    ორთაჲვე, ხოლო სქესთა განყოფილ არიან, ვითარ-იგი აღსავალი და შთასავალი.
Line: 38    რამეთუ ამათ საქმეთა ქუე-უც ვიდრემე იგივე კიბე ხოლო განეყოფვის
Line: 39    აღსავალი შთასავალსა სქესითა მხოლოჲთა, რამეთუ აღსავალი უკუე ქუენათაგან
Line: 40    ზენათა მიმართ აღმგზავრებაჲ არს, ხოლო შთასავალი -- ზენათაგან ქუენათა
Line: 41    მიმართ შთამგზავრებაჲ. და თესლიცა და ნაყოფი ქუემდებარეთა სადმე
Line: 42    იგივე არიან, ხოლო სიტყჳთა და სქესითა7 განიყოფვიან8, ვითარცა უკუე ამათ
Line: 43    ზედა, ესრეთ აქუს ორკეცსაცა ზედა წარწერასა სახისასა, რამეთუ განეყოფვიან1
Page: 56  
Line: 1    ურთიერთას ერთი ვიდრემე ნათესავისაგან დაწყებითა და სახისა თანა
Line: 2    დადგომითა, ხოლო სხუაჲ იგი სახისაგან სადმე დაწყ/ებითა და ნათესავისა2 თანა
Line: 3    დადგომითა, ვინაჲ უკუე ესენიცა მხოლოჲთა სქესითა განიყოფვიან ურთიერთას,
Line: 4    ხოლო ქუემდებარითა იგივე არიან.

Paragraph: 6     
Line: 5       ხოლო დაიწყების3 უშესწავებულესისა დანიშნვისაგან სახისაჲსა მით, რამეთუ
Line: 6    გვანებაჲ აქუს ფილოსოფოსთამიერისა მიმართ, რამეთუ ვითარ-იგი შესახედავისაგანი
Line: 7    სახე შემცველობითი არს ყოველთა კერძოთაჲ, ეგრეთვე ფილოსოფოსთამიერი
Line: 8    -- კერძოობითთაჲ.



Subchapter: 2  
Line: 10  ხოლო სახე ითქუმის ვიდრემე შესახედავსაცა
Line: 11  ზედა თითოეულისასა


Paragraph: 1     
Line: 12       ვითარ-იგი ნათესავისა ზეცა4 პირველ სწავლულებისა, თუ რაჲ არს ნათესავი,
Line: 13    განარჩია თანმოსახელეობაჲ მისი და პირველად რომელთათჳს არ წინაედვა
Line: 14    მას, ასწავა დანიშნულობათათჳს ნათესავისათა, და ეგრეთღა წინამდებარისათჳს
Line: 15    მითვე გუარითა აქაცა პირველად თანმოსახელეობასა განარჩევს
Line: 16    /და ეგრეთღა იტყჳს, რაჲ არს სახე და ვითარი დანიშნვაჲ.



Subchapter: 3  
Line: 17  ხოლო ითქუმის სახედ გარდაცემულიცა ნათესავისა
Line: 18  ქუეშედ, რომლისაებრ ჩუეულ ვართ თქუმად
Line: 19  კაცსა სადმე სახედ ცხოვლისა5 ნათესავ-ყოფასა
Line: 20  ცხოვლისასა, ხოლო თეთრსა -- სახედ ფერისა, ხოლო
Line: 21  სამკუთხსა -- ნაკუთისა სახედ


Paragraph: 1     
Line: 22    თქუნა რაჲ დანიშნულობანი სახისანი და რომლისათჳს წინა-უც მას თქუმად,
Line: 23    აწ მაგალითისა მიერ ასწავებს წინამდებარისათჳს დანიშნულისა სახისა,
Line: 24    ვითარ ნათესავისა ქუეშე აღიყვანების სახე. რამეთუ მიიღებს სამკუთხსა და
Line: 25    ნაკუეთსა*1, ნაკუეთსა სადმე, ვითარცა ნათესავსა, ხოლო სამკუთხსა, ვითარცა
Line: 26    სახესა. ხოლო ჰგონებენ*2 ვიეთნიმე მისთჳს, ვითარმედ არა საკუთრად უთქუამს
Line: 27    ნაკუეთი ნათესავად სამძგიდისა ანუ სამძგიდე6 სახედ ნაკუეთისა, რამეთუ
Line: 28    რომელთა შორის პირველ რაჲმე და მეორე არსო, იტყჳან, ამათდა /საზოგადოდ
Line: 29    შესმენილი არა არს ნათესავი. ხოლო სამძგიდე პირველი არს ოთხძგიდისაჲ,
Line: 30    რამეთუ იგი სადმე სამთაგან არს ღრამმთა, ხოლო ესე ოთსთაგან და
Line: 31    სამნი პირველებ ოთხთასა და სხუებრცა. ყოველი ოთხძგიდე ორად სამძგიდედ
Page: 57  
Line: 1    მართალძგიდედ განიწვალების (რამეთუ ა ბ გ დ1 ოთხძგიდედ1* თუ შეაუღლნე
Line: 2    და ად2 განრემზომობით განწვალნე3, ორთა მიმართ სამძგიდეთა ძგიდემართალთა
Line: 3    თანად: ა ბ დ4 და ა გ დ5. ვინაჲცა მო-რაჲ-ისპოს ოთხძგიდე, არ მოისპობვის
Line: 4    სამძგიდე, ხოლო სამძგიდე რაჲ მოისპოს, უღონო არს ყოფაჲ ოთხძგიდისა
Line: 5    ყურისაჲ, ვინაჲცა უპირველეს არს ბუნებითა სამყური ოთხყურისასა. ესრეთვე
Line: 6    სხუათაცა ყოველთა ღრამმმართალთა ნაკუეთთა პირველად იჩუენოს ხუთკუთხისა,
Line: 7    მოვედ და, ექუსკუთხისა და სხუათა, რამეთუ თითოეული ამათგანი სამკუთხად
Line: 8    განიწვალების. /აწ სადმე სამყური თუ პირველ, ხოლო ოთხყური და
Line: 9    სხუანი მეორე არიან.

Paragraph: 2     
Line: 10       საზოგადოდ სადმე შესმენილი ამათდად, ვიტყჳ ნაკუეთსა, არა არს მათდა
Line: 11    ნათესავ, არცა' ესენი მისსა სახე. ვინაჲ დაუშთების არა საკუთრად თქუმულობაჲ
Line: 12    პორფირის სამყურისაჲ სახედ ნაკუეთისა.

Paragraph: 3     
Line: 13       ამის სიტყჳსგებისა მიმართ უღონო იქმნნეს ყოველნი განმმარტებელნი და
Line: 14    ვიტყჳთ მას ჴმარების სახედ მაგალითისა ძლით მწოდებელად ნაკუეთსა ნათესავად
Line: 15    სამყურისა, ხოლო ჩუენ აღმჴსნელნი უღონოებისანი ვიტყჳთ, ვითარმედ
Line: 16    უკუეთუმცა ასოებ იყვნეს ოთხყურად მყოფისა სამყურნი, ვითარცა
Line: 17    სხუებრ არმითუალვით ქმნასა ოთხყურისასა თჳნიერ სამყურისაგან თანდადებითა,
Line: 18    ვითარ "ტიმეოსსაცა" შინა ასწავებს მეტყუელი პლატონ ყოველთა
Line: 19    ღრამმმართალთა ნაკუეთთა, ვითარცა მარტივთა ასოთა სამყურთა მიმართ /აღლევითა,
Line: 20    ჭეშმარიტ6 სადმე იყო თქუმული და არამცა იყო ნაკუეთი ნათესავ
Line: 21    მათდა. ვითარცა ჭეშმარიტ არს, ვითარმედ რომელთა შორის არს პირველი
Line: 22    და შემდგომი, მათი არა არს საზოგადოდ შემასმენელი ნათესავი. ხოლო აწ
Line: 23    არცერთი საჭიროობაჲ არს, რაჲთა იქმნენ პირველქუემდებარე7 ოთხყურთა
Line: 24    სამყურნი, მერმე თანდადებითა მათითა ქმნაჲ ოთხყურთაჲ, არცა აყენებს
Line: 25    არყოფასაცა სამყურისასა ოთხთა მართალთა შეუღლვითა8 შექმნასა
Line: 26    ოთხყურისასა. არ სადმე ჭეშმარიტ არს მოსპობითა სამყურისაჲთა თანამოსპობაჲ
Line: 27    ოთხყურისაჲ. ხოლო უკუეთუ განრემზომისა შემაუღლებელნი განვსწვალებთ
Line: 28    ოთხყურსა ორად სამყურად, ამისთჳს იტყჳან პირველმყოფად და
Line: 29    ვითარცა ასოდ, ანუ კერძოდ ოთხყურისად სამყურსა. ვითარმედ ეგების მისვე
Line: 30    ოთხყურისაჲ ორადცა სხუასიგრძედ განყოფ/აჲ, რომელნი ორად განჰყოფენ წინააღმდგომთა
Line: 31    გუერდთა*2, ვითარ-იგი ანითგან ბანისა მიმართ და შეიქმან ორთა
Line: 32    სხუასიგრძეთა ადგილთა განი და დონი. ითქუმოდედ სხუასივრცენიცა პირველ
Line: 33    ყოფად ოთხყურისა, ხოლო ესრეთ წინაუკუმოცა9, ოთხყური პირველი
Line: 34    არს სხუასივრცისაჲ, ანუ სხუასივრცესა, რომელსა ერთი აქუს გუერდი, ორწილად
Line: 35    სხჳსაგან ვჰყოფთ მრჩობლად ორთა ოთხყურთა მიმართ. არამედ უკუეთუ
Line: 36    მრგულისათჳსცა ვინ შემოიღოს განრემზომი, განჰყოფს მრგუალსა ორად
Page: 58  
Line: 1    ნახევარმრგულებად*1 და ცხად-არს, ვითარმედ თითოეული ნახევარმრგუალთაგანი
Line: 2    ნაკუეთი არს გარემოვლებულისაგან ნახევარმრგულისა ღრამმისა და
Line: 3    განრემზომისა ევთიაჲს თანმდებარე. ვინაჲცა შეემთხუევის მარტივსა ნაკუე/თსა
Line: 4    მრგულისასა შეზავებულთა ნახევარმრგუალთაგან თანმდებარეობაჲ და
Line: 5    მარტივისა უკუე, ვიტყჳ, მრგულისაგან ბუნებით პირველ-ყოფაჲ შეზავებულსა.
Line: 6    ვითარცა უკუე ამათ ზედა წულილმოგონებაჲ ჩუენი ესევითარსა ჰყოფს
Line: 7    განწვალებასა და არა ამისთჳს საჭირო არს, რაჲთა ოთხყურისასა ბუნებით
Line: 8    პირველ იყვნვნ სხუასივრცენი, ვითარ ეგების სხუასივრცეთაჲ განთჳსვაჲ ორად
Line: 9    ოთხყურად, ვინაჲთგან სხუაჲ გუერდთაგან ორწილ არს სხჳსა, ანუ რამეთუ
Line: 10    კუალად მრგულისა შეზავებულნი ნაკუეთნი ევთიათაგან და გარდმოვლებულთა
Line: 11    თანდადებულნი პირველნი არიან. ხოლო ესრეთ უკუეთუ ეგების ოთხყურისაჲ
Line: 12    განრემზომობით ორად სამყურად განთჳსვაჲ, ეგერა საჭირო არს ამისთჳს
Line: 13    სამყურთაგანცა თანდადებაჲ მისი და პირველად მისსა ყოფაჲ სამყ/ურთაჲ.
Line: 14    კეთილად სადმე თქუა პორფირიოს ნათესავად სამყურისა ყოფაჲ
Line: 15    ნაკუეთისაჲ.



Subchapter: 4  
Line: 16  ხოლო უკუეთუ ნათესავისა განმჩენელთა სახისაჲ
Line: 17  მოვიჴსენეთ მეტყუელთა, ვითარმედ "მრავალთად
Line: 18  და განყოფილთა სახითა რაჲარსობის შორის
Line: 19  შესმენილი" და სახისა განმასაზღვრებელნი კუალად
Line: 20  ნათესავსა მოვიჴსენებთ მეტყუელნი: "სახე
Line: 21  არს განჩენილი ნათესავისაგან".


Paragraph: 1     
Line: 22    ხოლო ნუვინ მაბრალობს, რამეთუ ჭეშმარიტებით მეტყუელი ამათი პორფირიოს
Line: 23    საგონებელ არს მჴუმეველად ურთიერთასმჩუენებლობისად1. ხოლო
Line: 24    ურთიერთასიმჩუენებლობაჲ საგიობელ არს ფილოსოფოსთა მიერ, ვითარცა მათივე
Line: 25    პირველებცა და მეორეებ2 მყოფელი და შემრეველი წესსა პროტასეოთა
Line: 26    და სიმპერაზმათასა, რამეთუ შეიქმს მეორესა უკუე პირველად, ხოლო პირველსა
Line: 27    მეორედ და მათვე /მათთასავე უცხადესადცა შეიქმს და უცხადოდცა.
Line: 28    ვითარ-იგი მრქუას თუ ვინმე, ვითარმედ: "სული უკუდავ არს", ვიტყჳ, ვითარმედ
Line: 29    თუ: "ვითარ?" ვითარმედ სული თჳთმოძრავ, თჳთმოძრავი მარადის
Line: 30    მოძრავ3*2... უკუდავ; სული სადმე უკუდავ არს. ხოლო*3 უკუეთუ მრქუას:
Line: 31    "ვინაჲ ცხად, ვითარმედ თჳთმოძრავ არს სული?" მერმე ამისდა ჩუენებად
Line: 32    მნებებელმან ვთქუა, ვითარმედ: "სული უკუდავ არს, უკუდავი მარადის მოძრავ,
Line: 33    მარადის მოძრავი თჳთმოძრავ, სული სადმე თჳთმოძრავ"4. ურთიერთასად
Line: 34    ითქუმის ესევითარი მჩუენებლობაჲ, რამეთუ მნებავმან ჩუენებად, ვითარმედ
Line: 35    "უკუდავ არს სული", მივიღე პირველად "თჳთმოძრავი" და შევასრულე
Line: 36    "უკუდავი"5. ხოლო მნებავმან კუალად ჩუენებად, ვითარმედ "სული
Page: 59  
Line: 1    თჳთმოძრავ არს", მივიღე პირველად "უკუდავი" და შევასრულე "თჳთმოძრავი",
Line: 2    პირველისა უკუანაჲსკნელად მყო/ფელმან, ვინაჲცა ურთიერთასიჩუენებაჲ
Line: 3    არს უპირველესისა შესრულებად შემქმნილი და შესრულებისაჲ კუალად
Line: 4    უპირველესად.

Paragraph: 2     
Line: 5    რომლისათჳს საგიობელცა არს, რამეთუ ყოველი აღმოჩენაჲ პროტასეოთა*
Line: 6    ვიდრემე ცხადთა და აღსარებულთა მიიხუამს, ხოლო სჳმპერასმას
Line: 7    უცხადოდ მყოფსა განაცხადებს და საჩინო-ჰყოფს პროტასეოთა მიერ. სამართლად
Line: 8    სადმე ღირს გიობისა არს გარემოქცევაჲ წესისაჲ ამის და სჳმპერაზმაჲსაჲ
Line: 9    ვიდრემე, რომელი პირველად ვითარცა უცხადოჲ მოიღებვოდა, ცხად-ქმნაჲ
Line: 10    წესსა შინა პროტასეოჲსსა მოღებითა, ხოლო პროტასეოჲსა, რომელი ვითარცა
Line: 11    აღსარებული პირველ მოიღებოდა1, უცხადოდ სჳმპერაზმად შექმნაჲ აწ.

Paragraph: 3     
Line: 12       კუალად უკუეთუ მნებავთა ჩუენებად, ვითარმედ ეგერა სძე აქუს დედაკაცსა,
Line: 13    ვთქუთ2: "ეგერა დედაკაცმან შვა, მშობიარესა სძე აქუს". ხოლო
Line: 14    მნებავნი კუალად ჩუენებად, ვითარმედ შვა, ვიტყჳთ: "ეგერა დედაკაც/სა აქუს
Line: 15    სძე და სძის მქონებელმან შვა, ეგერა სადმე დედაკაცმან შვა". ვინაჲ კუალად
Line: 16    აქაცა იგინივე მათადვე უპირველესადცა მოვიხუენით და უშემდგომესადცა,
Line: 17    და უცხადესად და უუცხადოესად, რამეთუ პირველად მოვიღეთ ცხადი უკუე
Line: 18    და პირველი მშობლობაჲ, ხოლო უცხადოდ და უკუანაჲსკნელად -- სძის ქონებაჲ,
Line: 19    ხოლო შემდგომად მოვიღეთ ცხადად ვიდრემე და პირველად სძის ქონებაჲ,
Line: 20    ხოლო უცხადოდ და შემდგომად -- მშობელობაჲ, ვინაჲცა ესევითარსა
Line: 21    ჩუენებასა შინა მათდადვე იგინივე პირველებად მოიხუმიან და შემდგომებად3,
Line: 22    და უცხადესად და უუცხადოესად. ხოლო ყოველი გამოჩენაჲ ანუ უცხადოჲსაგან
Line: 23    უცხადოსა აღმოაჩენს, ანუ უცხადოჲსაგან ცხადსა, ანუ ცხადისაგან
Line: 24    უცხადოსა, ანუ კუალად უცხადოჲსაგან ცხადსა. და ცხად-არს, ვითარმედ მხოლოჲ
Line: 25    საკუთარი ჩუენებაჲ არს ცხადისაგან მჩუენებელი უცხადოჲსაჲ, ვინაჲ
Line: 26    /სხუანი სამნი საგიობ[ელ და არ]ცა რაჲთურთით ჩუენება არიან, რამეთუ არ
Line: 27    შესატყჳს არს ცხადისაჲ უცხადოჲსაგან ჩუენებაჲ, არცა უცხადოჲსაჲ უცხადოჲსაგან,
Line: 28    არამედ არცაცხადი ჩუენებისა4 მოქენე არს, რაჲთა სხჳსა ცხადისაგან
Line: 29    გამოცხადნეს. ხოლო მრავლად უუადგილოეს არს უცხადოჲსაგან თქუმაჲ ჩუენებასა
Line: 30    უცხადოჲსასა, ვინაჲცა ერთი არს საკუთარი ჩუენებაჲ: ცხადისაგან მჩუენებელი
Line: 31    -- უცხადოსა. სამართლად სადმე ერთმანერთისამიერი საგიობელ არს
Line: 32    ჩუენებაჲ ცხადთა და პირველთა უცხადო და უკუანაჲსკნელებ5 მყოფელი, და
Line: 33    წინაუკმო, უცხადოთა და უკუანაჲსკნელთა -- ცხად და პირველებ.
Line: 34    ვითარ უკუე ფილოსოფოსმან პორფირი შეაცნა თავსა თჳსსა ერთმანერთისმიერისა
Line: 35    ჩუენებისა მჴუმეველობაჲ (რამეთუ ნათესავისაძლითსა მასწავლელობასა
Line: 36    შინა შემოიღო სახე და სა/ხისძლითსა -- ნათესავი, რომელსა ნუუკუე
Line: 37    აბრალამცა ვინმე), თჳთ სიტყუა-უგო6 სწორებით, რამეთუ თქუა, ვითარმედ7:
Line: 38    ნათესავი სახისაჲ არს ნათესავი და სახე ნათესავისაჲ არს სახე. აწ უკუე
Line: 39    საჭიროდ უჴმს მასწავლელსა ნათესავისათჳს მოჴსენებაჲ სახისაჲცა და სახისათჳს
Line: 40    მეტყუელისა ჴსენებაჲ ნათესავისაჲ, რამეთუ რაჲსამემიმართებ და
Line: 41    მყისთანად შემტკიცებულებ და მყისთანად გულისხუმისსაყოფელებ არიან. რამეთუ
Page: 60  
Line: 1    ნათესავი ვისიმე არს ნათესავი, ესე იგი არს, სახისაჲ და შეუძლებელ
Line: 2    არს ერთკერძოჲსა ამათისა თჳნიერ ერთკერძოჲსა შემეცნებაჲ, რომლისათჳს
Line: 3    საჭირო არს ერთკერძოჲსა ამათისათჳს მასწავლელობასა მყოფელისად მოჴსენებაჲ
Line: 4    სახისაჲცა, რამეთუ ერთისა რაჲსამიმართთაგანისა უმეცარმან არცა
Line: 5    სხუაჲ იგი უწყის.



Subchapter: 5  
Line: 6  /სახე არს დაწესებული ნათესავისა ქუეშე და
Line: 7  რომლისა ნათესავი რაჲარსობისა შორის შეისმინების


Paragraph: 1     
Line: 8       ორთა წარწერათა განუჩენს სახესა: ქუემდებარითა ვიდრემე მათვე (რამეთუ
Line: 9    ორნივე უმრავლესთად შეისმინებიან), ხოლო სქესითა განყოფილთა, ვითარ-იგი
Line: 10    აღსავალი და შთასავალი, რამეთუ ზენაჲთ დამწყებელნი შთასავალად
Line: 11    უწესთ მას, ხოლო ქუენაჲთ -- აღსავალად. ეგრეთვე აქაცა ორნი არიან სქესნი:
Line: 12    სახისაჲ ნათესავისა მიმართ, ვითარ-იგი მის ქუეშე არს, და ნათესავისა, სახისა
Line: 13    მიმართ, ვითარ-იგი გარშემცველობითი არს მისი. და ჰგავს სქესი ნათესავისაგან
Line: 14    სახისამიმართი1 შთასავალსა, ხოლო სახისაგან ნათესავისამიმართი2
Line: 15    -- აღსავალსა. და ესე არიან სხუასქესნი წარწერანი, ხოლო ამიერითგან შემდგომად
Line: 16    ამათსა სრულსა წარწერასა/განუჩენს განწვალებისაგან ჴმათაჲსა
Line: 17    მოღებულსა.



Subchapter: 6  
Line: 18  სახე არს უმრავლესთა და რიცხჳთა განყოფილთად
Line: 19  რაჲარსობისა შორის შესმენილი


Paragraph: 1     
Line: 20       სხუასა წარწერასა განუჩენს3 სახესა, მსგავსსა4 პირველთქუმულისა ნათესავისაგან
Line: 21    განჩენილისასა. არამედ ესე ვიდრემე განჩენაჲ უსახოვნესისაჲცა
Line: 22    იყოს*1. ესე უკუანაჲსკნელ განჩენილი წარწერაჲ სახისაჲო, იტყჳს, არა ყოველსა
Line: 23    სახესა შეეტყუების, არამედ მხოლოთა უსახეესთა5. ხოლო რაჲთა ვისწაოთ,
Line: 24    რანი არიან უსახეესნი სახენი, იჴუმევს ესევითარსა განწვალებასა: არსებისაჲ
Line: 25    რომელიმე არს სხეულეანი და რომელიმე -- უსხეულოჲ; ხოლო სხეულისაჲ
Line: 26    რომელიმე სულიერ და რომელიმე -- უსულო; და სულიერისაჲ რომელიმე
Line: 27    ცხოველ და რომელიმე -- ნერგ და რომელიმე ცხოველნერგ (რამეთუ ნერგსა
Line: 28    ვიდრემე სამნი ესე მხოლონი ჰქონან ძალნი: მოზარდობითი, მეორძინეობ/ითი,
Line: 29    მშობელობითი. ხოლო ცხოველნერგსა ამათ თანა აქუს გრძნობითიცა ძალი,
Line: 30    ხოლო ცხოველსა -- მიმომავალობითიცა ადგილისაგან ადგილისა მიმართ.
Line: 31    ვინაჲცა ცხოველნერგი საშუალ არს ორთასავე, რამეთუ აქუს სამთა ძალთა
Line: 32    თანა შეხებითიცა გრძნობაჲ, ხოლო არღა ადგილისაგან ადგიდ მიმართ მისლვაჲ,
Line: 33    ვითარნი არიან ოსტრეანი*2 და სპონგნი, რამეთუ შეწებულ არიან კლდეთა
Line: 34    და მიეხოს თუ რაჲმე, მოკრბებიან, ხოლო მარტოებდენ რაჲ, ჴსნით იყოფვიან6.
Line: 35    კუალად ცხოველისაჲ7 რომელიმე არს სიტყჳერ და რომელიმე -- უსიტყუელი;
Line: 36    და სიტყჳერისაჲ რომელიმე ღმერთი, რომელიმე კაცი; კუალად კაცთაგანი რომელიმე
Line: 37    არს სოკრატი, ხოლო რომელიმე -- პლატონი და თითოეულადნი. გარნა
Line: 38    არცა ერთი არს ამათთჳს სიტყუაჲ ფილოსოფოსთაჲ, ვითარცა მრავალგზის
Line: 39    თქუმულ არს.
Page: 61  

Paragraph: 2     
Line: 1       ამას უკუე განწვალებასა შინა /პირველი არს არსებაჲ, ხოლო უკუანაჲსკნელი
Line: 2    -- კაცი. ხოლო წოდებულნი ურთიერთარსთა მიმართ*..., და სხუად
Line: 3    ითქუმიან. რამეთუ სხეული სახე უკუე არს არსებისაჲ, ხოლო ნათესავი --
Line: 4    სულიერისაჲ; და სულიერი სახე ვიდრემე სხეულისაჲ, ხოლო ნათესავი --
Line: 5    ცხოველისაჲ; და ცხოველი სახე სადმე სულიერისაჲ, ხოლო ნათესავი კაცისაჲ;
Line: 6    ხოლო კაცი სახე უკუე ცხოველისაჲ, ხოლო არღა მერმე ნათესავიო, იტყჳს,
Line: 7    რამეთუ შეისმინების არა განყოფილთად სახითა, არამედ რიცხჳთა, ვითარ სოკრატისდა,
Line: 8    ალკივიდისდა. არა არს უკუე ნათესავ, არამედ არცა განუკუეთელ,
Line: 9    ვითარ თითოეულადთა კერძოობითთა არს გარშემცველობითი. დაუშთების სადმე
Line: 10    კაცსა სახე უსახეეს ყოფაჲ. იტყჳს უკუე, ვითარმედ: სახისადა განჩენილი
Line: 11    უკუანაჲსკნელ წარწერაჲ არა ყოველსა სახესა შეეტყუების, რამეთუ არა
Line: 12    ცხოველსაცა და სიტყჳერსა და /სულიერსა, არამეღ მხოლოთა უსახეესთა სახეთა,
Line: 13    ვითარ კაცსა და ცხენა და ძაღლსა, რომელნი მხოლოდ სახენი არიან.



Subchapter: 7  
Line: 14  ხოლო იქმენინ ერთისა შესმენისა ზედა
Line: 15  ცხად-თქუმული


Paragraph: 1     
Line: 16       რამეთუ ყოველთა ზედა კატიღორიათა არიან ნათესავნი და სახენი. არამედ
Line: 17    არსებაჲ უკუე არს ნათესავი უნათესვესი1, ხოლო ამის ქუეშე არს სხეული,
Line: 18    და სხეულსა ქუეშე სულიერი (რამეთუ ესე კერძი მიიღო განწვალებისაჲ
Line: 19    დამტევებელმან უსხეულოჲსასა, ვინაჲთგან გრძნობადნი უშესამეცნებელეს
Line: 20    ჩუენდა), და სულიერსა ქუეშე -- ცხოველი და ამას ქუეშე -- სიტყჳვრი და
Line: 21    მას2 ქუეშე კაცი.

Paragraph: 2     
Line: 22    არამედ არს არსებაჲ ვიდრემე უნათესვესი და რომელი მხოლოდ ნათესაოს
Line: 23    ხოლო არს (რამეთუ არარაჲ უპირველეს არს არსებისა); ხოლო კაცი უსახეესი
Line: 24    და რომელი მხოლოდ სახე ხოლო არს (რამეთუ არარაჲ არს შემდგომად კაცისა
Line: 25    საყოველთაოთა შორის); ხოლო სხეულ არს ნათესავიცა და /სახე, არამედ
Line: 26    სახე ვიდრემე არსებისა, ხოლო ნათესავ სულიერისა, ხოლო სულიერი
Line: 27    სახე, სახე სადმე არს სხეულისა, ხოლო ნათესავ -- ცხოველისა, რამეთუ ცხოვლად
Line: 28    ითქუმის სულიერი და გრძნობისა თანმქონებელი. ხოლო სულიერ არს
Line: 29    მოზარდი და აღორძინებადი და მშობელი მსგავსისა თჳსისაჲ. ვინაჲცა ნერგნი
Line: 30    თანმქონებელნი ამათ ძალთანი, სულიერ სადმე არიან და ამათ თანაზიარ, გარნა
Line: 31    არა ცხოველცა, ხოლო ოსტრიდნი და სპონგინნი სულიერ ვიდრემე არიან და
Line: 32    ამათ თანაზიარ მგრძნობელობითისაცა ძალისა (რამეთუ მიეახლოს რაჲ მათ
Line: 33    მაიძულებელი რაჲმე, შემოკრბებიან) და ნერგთა უკუე მსგავს არიან ძირეულობითა
Line: 34    და ზრდითა. კუალად სიტყჳერი ნათესავი ვიდრემე არს მოკუდავისაჲ,
Line: 35    ხოლო სახე -- ცხოველისაჲ; და მოკუდავი ნათესავი უკუე არს კაცისაჲ, ხოლო
Line: 36    სა/ხე -- სიტყჳერისაჲ.
Page: 62  



Subchapter: 8  
Line: 1  და ყოველი პირველ განუკუეთელთასა მახლობელად
Line: 2  შესმენილი სახე ოდენ იყოს მხოლოდ
Line: 3  და არა ნათესავიცა


Paragraph: 1     
Line: 5       ნაცვალად მეყსეულისა და უსაშოვლოჲსა, რამეთუ არს პირველ განუკუეთელთასა
Line: 6    ცხოველიცა, გარნა არ უსაშუვლოდ, არამედ საშუალობითა კაცისაჲთა.
Line: 7    კაცი უკუე მახლობელ არს განუკუეთელთასა და არს სახე1 მხოლოდ.

Paragraph: 2     
Line: 8       ვინაჲ ამათ ორნი ჰქონან სქესნი*1. ხოლო არსებასა ერთი აქუს სქესი შემდგომთა
Line: 9    მისთამიმართი და უპირველესთა მისთამიმართი არა აქუს, ვითარ არცა
Line: 10    უზენაეს არსებისა არს რაჲმე. ხოლო კუალად სახესა ერთი აქუს სქესი მისთა
Line: 11    უპირველესთამიმართი, რამეთუ შემდგომთა მისთა მიმართ არღა აქუს მერმე,
Line: 12    რამეთუ არცერთი რაჲ არს შემდგომად სახისა. ხოლო საშუალთა ორნი
Line: 13    ჰქონან სქესნი: უპირატესთაცა მათთამიმართი, რომლისაებრ სახედ /ითქუმიან
Line: 14    და შემდგომთა მათთამიმართი2, რომლისაებრ -- ნათესავად. არამედ განუკუეთელნიცა
Line: 15    სახედ ითქუმიან, რამეთუ ჰქონან უსახეესსაცა სახესა სქესნი რაჲმე თჳთ
Line: 16    მათ განუკუეთელთა მიმართ, არამედ იგივე აქუს უპირველესთაცა მისთა მიმართ,
Line: 17    რამეთუ კაცი სოკრატის და პლატონისად არ ითქუმის ნათესავად, არამედ
Line: 18    სახედ, ვითარცა გარეშემცველი განუკუეთელთაჲ. აწ*3 უკუე განასაზღვრებენ
Line: 19    უნათესვესსა3*2 ვიდრემე ესრეთ: მეტყუელი ნათესავისა და უნათესვესისა
Line: 20    და ურთიერთარსთა4 და სახისა და უსახეესისათჳს. აწ ეგერა წარსწერს მათ და
Line: 21    იტყჳს: რაჲ უკუე არს უნათესვესი5 ნათესავი? ვითარმედ: "ნათესავი, რომელი
Line: 22    არა არს სახე და რომლისა არა არს უზეაღმავალი ნათესავი" ხოლო რაჲ უსახეესი?
Line: 23    ვითარმედ: "სახე, რომელი არა არს ნათესავი და რომელსა არ განვჰყოფთ6
Line: 24    სახისა მიმართ". ხოლო რანი ურთიერთარსნი?7 ვითარმედ: "იგინივე
Line: 25    /ნათესავნიცა არიან [და სახენიცა]". ამათ უკუე ჰნებავს სიტყჳსყოფაჲ
Line: 26    და გაადვილებისა8 ძლით შემოიღებს მაგალითსა
Line: 27    ნათესავთმვტყუელებისასა9.

Paragraph: 3     
Line: 28    რამეთუ იტყჳს, ვითარმედ: ვითარ-იგი ნათესავთმეტყუელებათა ზედა არს
Line: 29    ზევს დასაბამი რაჲმე და მხოლოდ მამა, ხოლო არღა რეცა ძეცა, ხოლო აღამემნონ
Line: 30    მამა უკუე ორესტისსა, ხოლო ძე არტეოჲსსა; ხოლო არტევს მამა ვიდრემე
Line: 31    აღამემნოჲსსა, ხოლო ძე პელოპოჲსსა, ესრეთ ფილოსოფოსთა მიერ
Line: 32    თქუმულსაცა ზედა ნათესავსა და სახესა რომელნიმე უკუე არიან მხოლოდ ნათესავნი,
Line: 33    ვითარცა არსებაჲ, ხოლო რომელნიმე -- მხოლოდ10 სახენი, ვითარცა
Line: 34    კაცი.



Subchapter: 9  
Line: 35  არამედ ნათესავთმეტყუელებათა ვიდრემე ზედა
Line: 36  ერთისა მიმართ აღვალთ, მოვედ, ვიტყოდი დასაბამსა
Line: 37  დიაჲსსა, ვითარცა მრავალთა ზედა


Paragraph: 1     
Line: 38    უღონოებაჲ რაჲმე ნუუკუე აღმიძრა ჩუენ მაგალითმან, რომელსა სწორობით11
Line: 39    აღჰჴსნის12 პორფირიოს რამეთუ ჰ/გონოს ვინმე, ვითარმედ ნუსადა ვითარცა
Page: 63  
Line: 1    ნათესავთმეტყუელებათა ზედა ერთისა დასაბამისა მიმართ აღვლენ
Line: 2    სირანი, მოვედ, ვთქუათ, დიაჲსსა (რამეთუ ყოველთა მყოფთა მამად, კაცთაცა1
Line: 3    და ღმერთთა, დიას2 სახელ-სდებს ზღაპრისმეტყუელებაჲ), ეგრეთვე აქაცა
Line: 4    ყოველნი კატიღორიანი ერთისა რაჲსმე დასაბამისა მიმართ აღიწევიან, ვითარ
Line: 5    მყოფისა. და რამეთუ არსებაჲცა მყოფი არს და რაოდენობაჲ და სხუანი
Line: 6    შესმენანი და უკუეთუ ესე ესრეთ, არა იყვნენ ათნი ნათესავნი უნათესვესნი3,
Line: 7    არამედ მყოფი იყოს საზოგადოჲ ნათესავი ყოველთაჲ. ამისი4 უკუე შემსწავებელი
Line: 8    პორფირიოს, ვითარმედ არა ნათესავ არს კატიღორიათა მყოფი, იტყჳს.
Line: 9    ხოლო ვითარმედ არა არს მყოფი ნათესავ ათთა კატიღორიათა, ვაჩუენოთ ესრეთ:
Line: 10    ყოველნი განწვალებანი განწვალებულთანი ანუ ვითარცა ნათესავნი სახეთა
Line: 11    მიმართ განიწ/ვალებიან, ვითარ ოდეს ვიტყოდით: ცხოველისაჲ რომელიმე5
Line: 12    არს ცხენი და რომელიმე -- ძაღლი, ხოლო რომელიმე -- კაცი; ანუ ვითარცა
Line: 13    სრული კერძოთა მიმართ. და ესე ორსახედ: ანუ რამეთუ მსგავსკერძოთა
Line: 14    მიმართ განიწვალების, ანუ უმსგავსკერძოთა მიმართ. (მსგავსკერძოთა
Line: 15    მიმართ განწვალებანი: ძარღუნი და არტირიანი და ძუალნი და ჴორცნი, რამეთუ
Line: 16    ესე განიწვალნენ რაჲ, ჰქონან კერძონი ურთიერთარსცა6 მსგავსნი და
Line: 17    სრულისანიცა, ხოლო უმსგავსოებისკერძონი, ვითარ ოდეს ვთქუათ: სხეულისაჲ
Line: 18    რომელიმე არს თავ, ხოლო რომელიმე -- ჴელ და რომელიმე -- ფერჴ); ანუ
Line: 19    ვითარცა თანმოსახელე ჴმაჲ თითოფერთა დანიშნულთა მიმართ, ვითარ ოდეს
Line: 20    ვიტყოდით: ძაღლისაჲ რომელიმე არს ჴმელისაჲ, ხოლო რომელიმე -- ზღჳსაჲ,
Line: 21    ხოლო რომელიმე -- ვარსკულავისაჲ.

Paragraph: 2     
Line: 22       ვინაჲ იჩუენოს თუ, ვითარმედ მყოფი არცა ვითარ ნათესავი სახ/ისა მიმართ,
Line: 23    არცა ვითარ სრული კერძოჲსა მიმართ განიწვალების კატიღორიათადმი,
Line: 24    დაუშთების, ვითარცა თანმოსახელესა ჴმასა, განკუეთაჲ თითოფერთა დანიშნვათა
Line: 25    მიმართ. რამეთუ ვიდრემე უკუე არ განიწვალების, ვითრცა ნათესავი
Line: 26    სახისა მიმართ, ცხად-არს7. ნათესავი განიწვალოს რაჲ სახეთა მიმართ, სწორებით
Line: 27    არს ყოველთა შორია და არ იხილვების სახეთა შორის პირვილობაჲ და
Line: 28    მეორეობაჲ თანქონებისაებრ ნათესავისაჲსა (რამეთუ არცა უფროჲს კაცი
Line: 29    ცხოველი არს ცხენისასა. და კუალად მოისპოს რაჲ ერთი სახე, არცა საჭირო
Line: 30    არს სხუათა სახეთა მოსპობაჲ, რამეთუ მოისპოს რაჲ კაცი, არ მოისპობვის
Line: 31    ცხოველი, არცა სხუანი სახენი, ვითარ ცხენი და ძაღლი). უკუეთუ უკუე მყოფი
Line: 32    განიწვალების ათთა კატიღორიათა მიმართ, ვითარცა ნათესავი სახეთადმი,
Line: 33    არა უჴმდა ყოფაჲ მათ /შორის პირველობასა და მეორეობასა, არცა რომელსამე
Line: 34    მათგანსა უფროჲს თანქონებაჲ მყოფისაჲ, ხოლო რომელსამე უმცროჲს.
Line: 35    ხოლო აწ არს პირველობაჲ და უკუანაჲსკნელობაჲ, რამეთუ პირველად
Line: 36    ვიტყჳთ არსებასა და სხუათა შემდგომითი შემდგომად; რომლისა მოსპობასა
Line: 37    თანმოისპობვიან შემთხუევითნი, რომლისათჳს უფროჲს თანმქონებელად მყოფისა
Line: 38    ვიტყჳთ მას8, ვინაჲთგან არსებაჲ ყოფასა მისცემს შემთხუევითთა (რამეთუ
Line: 39    მის შორის დგანან) და იგი ვიდრემე არმოქენე არს შემთხუევითთა მყოფობისათჳს.
Line: 40    ხოლო შემთხუევითნი არსადა იყვნენ არყოფასა მისსა, რომელსა
Line: 41    შეემთხჳვნესცა, რამეთუ შემთხუევითსა აქუს რაჲმე პირველ ზედმოგონებულად,
Line: 42    რომელსა შეემთხჳა. არ სადმე მყოფი, ვითარცა ნათესავი სახისა მიმართ,
Line: 43    განიწვალების ათთა კატიღორიათა მიმართ, რამეთუ არამცა ერთისა სახისა /მოსპობვითა
Page: 64  
Line: 1    მოისპობვოდა ნათესავი, ვითარცა ვთქუ1, ხოლო აწ მოისპოს რაჲ არსებაჲ,
Line: 2    მოისპობვიან ნეშტნი კატიღორიანი2, რამეთუ მის შორის აქუსყე ყოფაჲ.
Line: 3    არ სადმე ვითარცა ნათესავი განიწვალების მყოფი, ვინაჲცა არ შესაძლებელ არს
Line: 4    განწვალებად მყოფი ათთა კატიღორიათა მიმართ, ვითარცა ნათესავი სახეთა მიმართ.
Line: 5    ხოლო ვიტყჳ, ვითარმედ არცა ვითარ სრული კერძოთა მიმართ, რამეთუ
Line: 6    ესე კერძოჲსმსგავსების3 მიმართ, ანუ კერძოჲსუმსგავსოებისმიმართ განიწვალების,
Line: 7    ვითარცა ითქუა. და კერძოჲსმსგავსებითი ვიდრემე არს ქონებაჲ კერძოთაგან
Line: 8    მსგავსებასა სრულისასა, ვითარ სახელ-იდებოდინ რაჲ კერძონი
Line: 9    სახელითა სრულისაჲთა და არარაჲთ განიყოფვოდინ ურთიერთას, რამეთუ კერძოთა
Line: 10    შეშისათა შეშად სახელ-ედების თითოეულსა და არარაჲთ /განიყოფვიან4
Line: 11    ურთიერთას. ეგრეთვე კერძოსაცა ძარღჳსასა ჴმაჲ სრულისაჲ ეწოდების და
Line: 12    ჴორცსა და ნაწევარსა. ხოლო შეუძლებელ არს მყოფისაჲ, ვითარცა კერძოჲსმსგავსებით
Line: 13    განწვალებაჲ [ათთა]5 კატიღორიათა მიმართ, რამეთუ6 კერძონი,
Line: 14    რომელ არიან კატიღორიანი, დაღათუ სახელითა სრულისაჲთა სახელ-იდებიან
Line: 15    (და მყოფად იწოდებიან ყოველნი), გარნა ერთმანერთსა ვიდრემე განეყოფვიან
Line: 16    ყოველნი სახელითაცა და საქმითა7 და არა არიან მსგავს ურთიერთას,
Line: 17    რამეთუ სხუასა დაჰნიშნავს არსებაჲ და სხუასა -- რაოდენობაჲ8. კუალად უმსგავსოებისკერძოდ განწვალებულსა არა ჰქონან კერძონი სახელდებულნი წოდებითა
Line: 18    სრულისაჲთა, რომელნი განეყოფვიანცა9 ურთიერთას. ვითარ-იგი კერძონი
Line: 19    პირისსახისანი არიან ცხჳრი, თუალნი, /რომელნი არცა სახელითა სრულისაჲთა
Line: 20    იწოდებიან, არცა ურთიერთას მსგავს არიან, რამეთუ არ ვიტყჳთ სადმე
Line: 21    ცხჳრისა პირისსახედ ყოფასა, ანუ თუალ. არცა უკუე ვითარცა კერძოჲსუმსგავსოდ
Line: 22    შესაძლებელ არს განწვალებად მყოფი, რამეთუ უკუეთუ კერძონი
Line: 23    არიან ურთიერთას, განყოფილ სახელითა და საქმითა და ამისთჳს ითნების
Line: 24    უმსგავსოკერძო-ყოფაჲ მყოფისაჲ, არამედ სახელითა სრულისაჲთა იწოდებიან
Line: 25    კერძონი (რამეთუ მყოფი არს არსებაჲცა და ვითარებაჲ და რაოდენობაჲ), ხოლო
Line: 26    უმსგავსონი კერძონი სახელითა სრულისაჲთა არ იწოდებიან. აწ სადმე
Line: 27    უკუეთუ არცა ვითარ მსგავსკერძოჲ, არცა ვითარ უმსგავსოკერძოჲ შესაძლებელ
Line: 28    არს განწვალებად მყოფი ათთა კატიღორიათა მიმართ, დაუშთების, /ვითარცა
Line: 29    თანმოსახელესა ჴმასა, თითოსახეთა დანიშნვათა მიმართ განწვალებაჲ.



Subchapter: 10  
Line: 30  არამედ იდევინ, ვითარ-იგი10 "კატიღორიათა" შინა


Paragraph: 1     
Line: 31    წინამდებარე იყავნო, იტყჳს, დასაბამ საქმეთა ყოფაჲ აწ და ვითარცა ნათესავნი
Line: 32    ათნი, რამეთუ აღმოჩენაჲ, ვითარმედ ათნი მხოლოდ არიან დასაბამნი,
Line: 33    სხჳსა უსრულესისა მოფარდულობისაჲ არს (რამეთუ "კატიღორიათა" შინა
Line: 34    ესე იჩუენების, ვითარმედ ათნი არიან, ხოლო აწ წინადადებულ იქმენინ მხოლოდ,
Line: 35    ვითარცა აღსაარებული.



Subchapter: 11  
Line: 36  დაღათუ ვინმე ყოველთა მყოფად უწოდოს,
Line: 37  თანმოსახელედ უწოდოსო იტყჳს და არა
Line: 38  ერთსახელად


Paragraph: 1     
Line: 39    თანმოსახელე არიან სახელისა ვიდრემე მისვე ზიარნი, ხოლო არღა საქმისაცა,
Line: 40    სახელისა მიერ დანიშნულისა, მისნივე თანმქონებელნი, ვითარ-იგი ვარსკულავი,
Page: 65  
Line: 1    ძაღლი ზღჳსაჲ და /ჴმელისაჲ, რამეთუ მოზიარენი სახელითა განიყოფვიან
Line: 2    საქმეებითა, სახელთა მიერ დანიშნულებითა1. ხოლო ერთსახელ არიან,
Line: 3    რომელთაჲ სახელი ზიარ და სახელისთანაჲცა საზღვარი, ვითარ კაცი და ცხენი,
Line: 4    რამეთუ ცხოველ არს თითოეული და სახელიცა ზიარი აქუს ცხოველისაჲ და
Line: 5    განსაზღვრებაჲცა იგივე, რომელი აქუს ცხოველსა, რომელ არს "არსებაჲ სულიერი
Line: 6    მგრძნობელობითი". იტყჳს უკუე, ვითარმედ: დაღათუ მყოფად სახელვსდებთ
Line: 7    ყოველთა, თანმოსახელედ ვიტყჳთ; არა ერთსახელად, რამეთუ ვითარცა
Line: 8    იქუა: თანმოსახელე2 არიან სახელითა მხოლოჲთა ზიარად მეოფნი, ხოლო
Line: 9    ერთსახე[ლა]დ3 -- სახელითაცა და საზღვრითა. აწ სადმე მყოფი მხოლოჲთა სახელითა
Line: 10    ზიარ-ყოფასა მიატყუებს მისქუეშეთა (რამეთუ მყოფად ითქუმიან
Line: 11    ათნი კატიღორიანი), ხოლო არღა სახე/ლისთანაჲთაცა საზღვრითა იზიარებიან
Line: 12    ურთიერთას4, რამეთუ სხუა კატიღორიაჲ სხჳსა სახელისა ქონებასა მყოფოისაებრ
Line: 13    და სახელისთანაჲსა5 საზღვრისასა მიემთხჳა, რამეთუ სხჳსაჲ სხუაჲ კატიღორიაჲ,
Line: 14    რომლისაებრ აქუს ყოფაჲ, სახელისასაცა და სახელისებრისა მიემთხჳა
Line: 15    საზღვრისასა. ამიერ, ვითარცა თანმოსახელე ჴმაჲ, მყოფი ათთა უნათესვესთა
Line: 16    შესმენათა მიმართ განიწვალების: არსებისა მიმართ, რაოდენისა, რომლისა,
Line: 17    რაჲსამიმართისა, სადაჲსა, ოდესისა, ქმნისა, ვნებისა, დებისა,
Line: 18    ქონებისა.



Subchapter: 12  
Line: 19  ხოლო განუკუეთელნი, რომელ არიან შემდგომად
Line: 20  უსახეესთასა, მიუწდომელებ


Paragraph: 1     
Line: 21    "მიუწდომელად" იტყჳს არა ყოფითა, არამედ კუალად და კუალად ქმნითა.
Line: 22    "სახისმოქმედნი განყოფილებანი", ვითარ-იგი ცხოველი სიტყჳერად და
Line: 23    უსიტყუე/ლად, ნაცვალად არსებითთა განყოფილებათაჲსა, რამეთუ არიან არსებითნიცა
Line: 24    განყოფილებანი. ხოლო მიუწდომელად* იტყჳს, ვინაჲთგან არა
Line: 25    არს ზედმიწევნულობასა მათსა მიწდომაჲ. ამას იტყჳს პლატონ "სოფისტისსა"
Line: 26    შინა, რამეთუ ზედმიწევნულობასა6 ჰნებავს მოღებაჲ განსაზღვრებისაჲ, ხოლო
Line: 27    გარეშეუცავი არცა ზედმისაწევნელად შესაძლებელ არს ყოფად. აწ უკუე, ვითარცა
Line: 28    ჩუენებულ არს "აპოდიკტიკსა" შინა, თითოეულადთაჲ არცა საზღვარი
Line: 29    არს, არცა ზედმიწევნულობაჲ, არამედ მხოლოთა7 საყოველთაოთაჲ.



Subchapter: 13  
Line: 30  შთამავალთაჲ ვიდრემე უსახეესთა მიმართ


Paragraph: 1     
Line: 31       თქუა, ვითარმედ: მყოფი არა არს ნათესავი უნათესვესთაჲ, რომელნიცა მისაწდომელ
Line: 32    და ბუნებით საცნაურ ჩუენდა არიან. ჰნებავს ვიდრემე ზედმიხილვაჲ
Line: 33    უსახეესთა სახეთაჲ, უკუეთუ /ესრეთ აქუს, ვითარცა უნათესვესთა ნათესავთა
Line: 34    ზედა. იტყჳს უკუე, ვითარმედ: უნათესვესთა ვიდრემე მიწდომილი აქუს
Line: 35    რიცხჳ და ჩუენდა საცნაური (რამეთუ ათნი არიან ნათესავოანნი8 ნათესავნი),
Line: 36    ხოლო სახოვანნი სახენი, ვითარ კაცი, ცხენი, ჴარი, რომელთა შემდგომად არს
Line: 37    მეყსეულად განწვალებაჲ განუკუეთელთაჲ, ბუნებითა ვიდრემე მათითა მისაწდომელნი
Page: 66  
Line: 1    არიან იგინიცა, ხოლო ჩუენდა უცნაურნი სხუათა ადგილთა შინა
Line: 2    ქმნილობითა მათითა. ხოლო ვითარმედ მისაწდომელებ არიან, რაოდენ შესაძლებელ
Line: 3    იყოს, ვაჩუენოთ მომღებელთა მოსაღებლისა1 ნანდჳლ ცხადისათა. წინამდებარე
Line: 4    იყავნ უსახეესთა სახეთა მიუწდომელ-ყოფაჲ, ვითარ უკუე თითოეულისა
Line: 5    სახისა მრავალ არიან განუკუეთელნი (რამეთუ ერთად მყოფი სახე
Line: 6    კაცისაჲ ბევრეულთა მიმართ განიკუეთების, ნუუკუე განუკუეთელთა /თითოეულადთა
Line: 7    კაცთასა. ეგრეთვე ცხენებრ სახესა, ერთად მყოფსა, მრავალნი
Line: 8    ჰქონან მის ქუეშე განუკუეთელნი და სხუათა ნეშტთა ზედა ესრეთვე).

Paragraph: 2     
Line: 9       კუალად ცხად-არს, ვითარმედ ყოვლისა შეკრებისა სახეთაჲსა მრავალწილ
Line: 10    არს გარდარეულად შეკრებაჲ განუკუეთელთაჲ. ხოლო უკუეთუ უმრავალწილეს
Line: 11    არიან სახეთასა სახეთაქუეშენი განუკუეთელნი, ხოლო მიუწდომელ არს
Line: 12    უსახეესთა სახეთა რიცხჳ, უფროჲს არს მიუწდომელისა რიცხჳსა სახეთაჲსა
Line: 13    და უმრავალწილეს განუკუეთელთაჲ. უკუეთუ უკუე შეუძლებელ არს მიუწდომელისა
Line: 14    უმრავალწილეს, ანუ ყოვლადუფროჲს-ყოფაჲ, შეუძლებელ სადმე
Line: 15    არს რიცხჳსაცა სახეთაჲსა მიუწდომელ-ყოფაჲ, რამეთუ თჳთ მით თქუმითა,
Line: 16    ვითარმედ უფროჲს არს რიცხჳსა, განვასაზღვრებთ და მივსწუთებით უკნინესსა,
Line: 17    /რამეთუ უფროჲსად ვისსამე მყოფი უფროჲს ვისსამე არს. მოეღო რაჲ უკუე
Line: 18    გარდარეულობაჲ, განისაზღვრების მიერითგან და მიიწდომვის. ესრეთ ვიდრემე
Line: 19    უკუე იჩუენა, ვითარმედ უსახეესნი სახენი არა არიან მიუწდომელ, ხოლო
Line: 20    ეგრეთვე ვაჩუენოთ, ვითარმედ არცა განუკუეთელნი, უსახეესთაქუეშენი, არიან
Line: 21    მიუწდომელებ და ესენი უმრავალწილეს სახეთასა მყოფნი. რამეთუ უკუეთუ
Line: 22    ვინმე იტყოდის მიუწდომელ-ყოფასა სახეთასა2, ესე იგი არს, თითოეულისა
Line: 23    სახისაცაქუეშენი მიუწდომელად თქუნეს (ვითარ-იგი მოვედ კაცობრივისა
Line: 24    სახისანი თჳთ იგინი თავით თჳსით მიუწდომელებ, ეგრეთვე ცხენებრისაცა სახისა
Line: 25    განუკუეთელნი იგინიცა მიუწდომელებ და თითოეულთა ნეშტთა სახენი
Line: 26    ეგრეთვე), ანუ უკეთუ თითოეულისა სახისაქუეშეთა გან/უკუეთელთა მისაწდომელ-ყოფაჲ
Line: 27    ითქუას, ყოველთა ერთბამად სახისაქუეშეთა განუკუეთელთა
Line: 28    შეკრებაჲ მისაწდომელ იყოს.

Paragraph: 3     
Line: 29       აწ უკუე ვთქუათ თუ თითოეულისა სახისაქუეშეთა განუკუეთელთა მიუწდომელ-ყოფაჲ,
Line: 30    შეემთხჳოს კუალად მიუწდომელისასა უფროჲს რასმე და უმრავალწილეს-ყოფაჲ.
Line: 31    რამეთუ უკუეთუ თითოეულადნი კაცნი მიუწდომელებ,
Line: 32    ორკერძოვე სადმე ორწილ იყვნენ მიუწდომელისა და ყოველთაგან უმრავალწილეს,
Line: 33    რომელი უადგილო არს. შეუძლებელ სადმე არს თითოეულისა სახისაქუეშეთა
Line: 34    განუკუეთელთა მიუწდომელ-ყოფაჲ. უკუეთუ უკუე თითოეულისა
Line: 35    სახისაქუეშენი განუკუეთელნი მისაწდომელებ არიან, არამედ თჳთ-იგი უსახეესნი
Line: 36    სახენიცა, ყოველთაგანცა სადმე თანდებული სიმ/რავლე მისაწდომელი არ[ს].
Line: 37    ვინაჲცა მისაწდომელი არს რიცხჳ განუკუეთელთაჲ. ხოლო მარადის ქმნითა
Line: 38    ყოვლად სამარადისოობისა მიმართ მყოფსა აქუს მიუწდომელობაჲ ვითარ-იგი
Line: 39    რიცხჳთაცა ითქუმის მიუწდომელობაჲ მარადის შესაძლებელი აღორძინებად
Line: 40    მოსლვად და არა მოკლებად. აწ სადმე შორის-ქმნაჲ მოღებული
Line: 41    მიიწდომვის3. და ეგრეთვე იჩუენების ქჳშაჲცა მიწდომილად, ვინაჲ4 ხრიზმოსიცა:
Line: 42    ვიციო მე რიცხჳ ქჳშისაჲ და საწყეოჲ ზღჳსაჲ*.
Page: 67  

Paragraph: 4     
Line: 1       აწ უკუე უსახეესნი ვიდრემე ბუნებითა სადმე განსაზღვრებულებ, ხოლო
Line: 2    ჩუენდა უცნაურ არიან. ხოლო განუკუეთელნი ბუნებით უკუე არ განისაზღვრებიან
Line: 3    კუალად და კუალად ქმნილობითა, ხოლო ჩუენდა ქმნილნი და შორისქმნილად
Line: 4    მყოფნი და ეგერა ქმნადნი, რომელთა დასაბამად აქუს ქმნაჲ, დაღა/თუ
Line: 5    არ ცნობილ არს, რაოდენებ არიან, გარნა ცნობადვე, რაოდენი არს, ბუნებისა
Line: 6    მათისაებრ შესაძლებელ არიან, ვითარ-იგი უსახეესნიცა სახენი, ვინაჲთგან
Line: 7    უკუე იჩუენა, ვითარმედ განსაზღვრებული არს ამათი რიცხჳ.



Subchapter: 14  
Line: 8  ხოლო აღვიდოდინ1 რაჲ უნათესვესთა მიმართ,
Line: 9  საჭირო არს შეწვალვაჲ სიმრავლისაჲ


Paragraph: 1     
Line: 10       აქა ჰნებავს პორფირიოს თქუმად, თუ რასა შეიმთხუევს უსახეესთაგან
Line: 11    უნათესვესთა მიმართ აღსლვაჲ და რასა უნათესვესთაგან უსახეესთა მიმართ
Line: 12    შთასლვაჲ და მერმეცა უფროჲსღა ნათესავი*1, რამეთუ სახე გარშემცველობითი
Line: 13    არს თითოეულადთაჲ ხოლო ნათესავი სახეთაჲცა, რამეთუ ქუენაჲთ ვიდრემე
Line: 14    განუკუეთელთაგან აღვლენ უნათესვესთა მიმართ. სიმრავლითა ვიდრემე
Line: 15    შეიწრდებიან საქმენი, ხოლო ძალითა აღორძინდებიან, რამეთუ სახენი სიმრავ/ლითა
Line: 16    ვიდრემე უკნინეს არიან განუკუეთელთასა, ხოლო ძალითა ზესთა სხენან,
Line: 17    და ეგრეთვე სახეთასა ნათესავნი, ვიდრემდის მივიწეოდით ერთისა უნათესვესისა.
Line: 18    და ესე სამართლად! რამეთუ ვითარ ერთი არს ყოველთა მიზეზი
Line: 19    და დასაბამი, ამისთჳს მისნი ვიდრემე მიახლებულნი შეიწრდებიან სიმრავლითა,
Line: 20    ხოლო აღორძნდების ძალი, ხოლო შორს მისგან მყოფნი წინა-უკმო სადმე
Line: 21    განმრავლდებიან რიცხჳთა და შეკნინდების ძალი.



Subchapter: 15  
Line: 22  ხოლო განეჩინნენ ნათესავსა და სახესა, რაჲ არს
Line: 23  თითოეული მათი


Paragraph: 1     
Line: 24       გჳქადებს2 პორფირიოს სწავლასა წინამდებარეთა ჴმათასა უსიტყჳერესად,
Line: 25    ესე იგი არს, შესატყჳსად სიტყჳერისა მოფარდულობისად*2..., რამეთუ
Line: 26    ვინაჲთგან სიტყჳერი მოფარდულობაჲ აღმოჩენისათჳს შთამოვალს, ხოლო აღმოჩენაჲ
Line: 27    არს შეგულისსიტყუვაჲ რაჲმე, ხოლო შეგგულისსიტყუვათა შინა მოქენე
Line: 28    ვართ პროტასეოთა3. ხოლო პროტასი ორთა საზღვართაგან თანამდებარე
Line: 29    არს, რომელთაგანი ერთი ვიდრემე არს ქუემდებარე, ხოლო სხუაჲ შესმენილი.
Line: 30    და ქუემდებარე4 ვიდრემე, რომლისათჳს არს სიტყუაჲ, ხოლო შესმენილი, რომელი
Line: 31    მისთჳს ითქუმის, ვითარ-იგი "სოკრატი იარების" (რამეთუ ქუედ-ძეს ვიდრემე
Line: 32    სოკრატი, რომლისათჳს არს სიტყუაჲ, ხოლო შეისმინების სიარული,
Line: 33    რომელი სამისოდ ითქუმის. კუალად უკუეთუ ვთქუა, ვითარმედ: "სული
Line: 34    თჳთმოძრავ არს", ქუედმდებარე ვიდრე არს "სული", ხოლო შეისმინების
Line: 35    "თჳთმოძრავი". და ყოვლისა პროტასეოჲსა ზედა ესრეთვე5).

Paragraph: 2     
Line: 36       ჰნებავს ნათესავთათჳს და სახეთა სწავლად, რანი რათად შეისმინებიან და
Line: 37    რანი ვიეთ ქუე-უსხენ, რაჲთა ვცნათ, ვითარ თანშეთხზულნი პროტასეონი
Line: 38    ჰყოფენ, რომელთაგან შეიქმნების სჳლლოგიზმოსი6, რომლისათჳს შთამოვალს
Page: 68  
Line: 1    სიტყჳერი მოფარ/დულობაჲ. [იტყჳს უკუ,'ვითარმედ] ნათესავი ვიდრემე მარადის
Line: 2    სახისად შეისმინების, ვითარ-იგი კაცისად ცხოველი და მისდად არსებაჲ,
Line: 3    ხოლო სახე აროდეს შეისმინების ნათესავისად, რამეთუ არ ჭეშმარიტ არს
Line: 4    თქუმაჲ, ვითარმედ: "არსებაჲ ცხოველ არს", ანუ "ცხოველი კაც არს". ცხად-არს
Line: 5    უკუე, ვითარმედ ნათესავი ვიდრემე მარადის სახეთად შეისმინების, ხოლო
Line: 6    სახენი ნათესავისად -- არასადა. და მარტივად ითქუმოდედ, ვითარმედ:
Line: 7    უჴმს შესმენილთა ანუ უმრავალწილეს-ყოფაჲ ქუედმდებარეთა, ვითარ ცხოველსა
Line: 8    კაცისაჲ, ხოლო სწორებითნი შეასმენენცა ნაცვალად, რამეთუ ვითარცა
Line: 9    იტყჳს; "ყოველი კაცი მოცინარ არს", ეგრეთვე "ყოველი მოცინარი კაც არს".



Subchapter: 16  
Line: 10  და ყოველნი ზენანი ქუენათა: არსებაჲ სხეულსა
Line: 11  და სხეული სულიერსა, სულიერი ცხოველსა
Line: 12  და ცხოველი კაცსა*1


Paragraph: 1     
Line: 13    ხოლო რაოდენთად სახე შეისმინე/ბის, მათდავე1 საჭიროდ ნათესავიცა სახისაჲ
Line: 14    შეისმინოს*2. სხუასა ხედვასა გარდმოსცემს2 და ამასცა საჴმარსა
Line: 15    სიტყჳერისა მოფარდულობისა მიმართ. ხოლო არს ესევითარ, უკუეთუ
Line: 16    სახე შეისმინების ვისდადმე, მისდადვე შეისმინოს მის სახისა ნათესავიცა
Line: 17    და ესე იქმნების ვიდრე უნათესვესამდე. ვითარ-იგი სოკრატისად შეისმინების
Line: 18    კაცი, ხოლო კაცისად შეისმინების ცხოველი, ესე სადმე სოკრატისდადცა
Line: 19    შეისმინოს; ეგრეთვე სულიერიცა -- ცხოვლისად3, აწ სადმე კაცისადცა
Line: 20    და სოკრატისადცა; კუალად სხეული -- სულიერისად და არსებაჲ -- სხეულისად
Line: 21    და ამისთჳს არსებაჲცა და სხეული სულიერისადცა და ცხოველისად დ,
Line: 22    კაცისად და სოკრატისად შეისმინნენ.



Subchapter: 17  
Line: 23  რამეთუ ითქუმის უნათესვესი4 ვიდრემე ყოვეთა
Line: 24  მისქუეშეთა ნათესავთა და სახეთა და
Line: 25  განუკუეთელთა


Paragraph: 1     
Line: 26       რამეთუ5 უკუეთუ მარადის /ზენაკერძონი ქუენა[თად შეი]სმინებიან,
Line: 27    ცხად-არს, ვითარმედ უნათესვესი6 ვადრემე ყოველთა მისქუეშეთა ნათესავთა
Line: 28    და სახეთა და განუკუეთელთად შეისმინოს, ხოლო სახე -- განუკუეთელთა
Line: 29    მხოლოთად.



Subchapter: 18  
Line: 30  ხოლო განუკუეთელად ითქუმის სოკრატი და იგი
Line: 31  რომელიმე თეთრი


Paragraph: 1     
Line: 32       ამისი შეძინებაჲ ყო კერძოობითისა მჩუენებელმან, რამეთუ თეთრი საყოველთაო
Line: 33    არს, რომელთა შეკრებაჲ არამცა სხუასა ზედა ოდესცა იქმნა, ეგრეთვე*3
Line: 34    არა თქუა: "რომელთა თითოეულისაჲ", არამედ "რომელთა შეკრებაჲო",
Line: 35    რამეთუ თითოეული სხუათად ყოფად შემძლებელ არს ხოლო თანად
Line: 36    ყოველთად -- არცერთი*4.
Page: 69  



Subchapter: 19  
Line: 1  ვინაჲცა კაცისა, ვიტყჳ უკუე საზოგადოჲსა,
Line: 2  თჳთებანი იქმნესმცა იგინივე


Paragraph: 1     
Line: 3    სოკრატის სადმე თჳთებანი არამცა იქმნნეს1 სხჳსა კაცისა შორის, ხოლო
Line: 4    კაცისანი სადმე არიან თითოეულადთა კაცთა შორის: ცხოველი, სიტყჳერი, მოკუდავი.
Line: 5    /და მარტივად რომლისა2 ჰნებავს თქუმაჲ3, ესევითარი არს. საცნაურ
Line: 6    იყავნ, ვითარმედ ნათესავსა ჰქონან რაჲმე თჳთებანი და სახესაცა და განუკუეთელსა.
Line: 7    არამედ ნათესავისა ვიდრემე და სახისანი სამრავლოდ ყოფად შემძლებელ
Line: 8    არიან, ხოლო განუკუეთელისად შეკრებულნი მის მხოლოჲსა ხოლო
Line: 9    განუკუეთელისად და არავის სხჳსად ვითარ რასა ვიტყჳ4: თჳთება ცხოვლისა5
Line: 10    არიან, ვითარცა რაჲ ნათესავისა, არსებაჲ, სულიერი, მგრძნობელობითი. ხოლო
Line: 11    ესენი სამრავლონი არიან, რამეთუ კაცისა და ცხენისა და ძაღლისა და
Line: 12    თითოეულადისა ცხოვლისანი6. მოვიდეთ სახესა ზედა, ვითარ კაცსა, თჳთებანი
Line: 13    მისნი: ცხოველი სიტყჳერი და მოკუდავი და ზედმიწევნულობისა შემწყნარებელი,
Line: 14    ყოველთა კაცთა შორის ეგრეთვეობით არიან. მოვიდეთ განუკუეთელსაცა
Line: 15    ზედა, ვითარ სოკრატსა, თჳთებანი მისნი: ფილოსოფოსი, მტიერი, /მუცელწინად-[ყოფაჲ,
Line: 16    სოფრონისკ]ოჲს ძეობაჲ და რაჲცა არს ესევითარი, თითოეული
Line: 17    უკუე ამათი თავით თჳსით ვიდრემე შესაძლებელ არს სხუათადაცა7
Line: 18    ყოფად, (რამეთუ არიან სხუანიცა მტიერნი და ნიშნიანნი და ფილოსოფოსნი
Line: 19    და ათინელნი, ნუუკუე და სოფრონისკოჲს ძენიცა), ხოლო ყოველთაგან შემოკრებაჲ:
Line: 20    მტიერობისა, ნიშნოვნობისა, ფილოსოფოსობისა, მუცელწინაობისა და
Line: 21    მას რომელსამე ჟამსა მყოფობასაჲ, მხოლოჲსა სოკრატისი არს და არავისი
Line: 22    სხჳსაჲ.



Subchapter: 20  
Line: 24  ხოლო სახე ნათესავისა8 ქუეშე, რამეთუ სრული
Line: 25  რაჲმე არს ნათესავი


Paragraph: 1     
Line: 26       რამეთუ ნათესავი ვირემე მხოლოჲ არს სრულ, და განუკუეთელი მხოლოჲ
Line: 27    არს კერძო, ხოლო სახე სრულიცა არს და კერძოჲცა, სრული ვიდრემე,
Line: 28    ვითარცა განუკუეთელისა მიმართ, ხოლო კერძოჲ, ვითარცა ნათესავისა
Line: 29    მიმართ.



Subchapter: 21  
Line: 30  არამედ კერძო ვიდრემე სხჳსა, ხოლო სრულ არა
Line: 31  სხჳსა, /არამედ სხუათა შორის


Paragraph: 1     
Line: 32       ვინაჲთგან სრული და კერძოჲ რაჲსამიმართთაგანნი არიან. ხოლო რაჲსამიმართსა
Line: 33    რომელსამე მართლისაებრ პტოსისა ვიტყჳთ, ხოლო რომელსამე --
Line: 34    იგურდიობისა რაჲსაებრმე, ვითარ "მამაჲ ძისა მამაჲ" (აქა ნათესავობითი9 არს
Line: 35    განჩენაჲ. ხოლო მიცემითისაებრი განჩენაჲ, უკუეთუ ვთქუა: "მოყუარე მოყურისა
Line: 36    მოყუარე", ხოლო უკუეთუ ვთქუა: "მცემელი ცემულსა სცემს", --
Line: 37    მიზეზობითისა მიმართ). ვინაჲთგან უკუე ამას ესრეთ აქუს, ამისთჳს თქუა:
Line: 38    "კერძოჲ სხჳსაჲ, ხოლო სრული სხუათა შორის", რამეთუ ვიტყჳთ: "კძრძოჲ10
Line: 39    სადმე სრულისა კერძოჲ" და ვჰყოფთ განჩენასა, ცხად-არს, ვითარმედ ნათესავობითისა
Page: 70  
Line: 1    მიმართ. ხოლო სრულსა არღა ვიტყჳთ კერძოჲსა სრულსა (რამეთუ
Line: 2    არ თანამდებარე არს სრული ერთისაგან კერძოჲსა, არამედ მრავალთაგან),
Line: 3    არამედ ვიტყჳთ: "სრულსა კერძოთა სრულსა" და იქმნების გან/ჩენაჲ მიცემი[თისა
Line: 4    მიმართ, რამეთუ კერძ]ოთაჲ არს სრული, ვინაჲთგან კეთილად თქუა,
Line: 5    ვითარმედ: "სრული არ სხჳსა, არამედ სხუათა შორის". იუწყებოდედ ხოლო,
Line: 6    ვითარმედ არს ნათესავობითისაცა მიმართ არა საერთოდ, არამედ სამრავლოდ
Line: 7    განჩენაჲ და თქუმაჲ, ვითარმედ: "სრული კერძოთაჲ არს სრული", არამედ
Line: 8    პორფირიოს მიცემითისა მიმართ ყო განჩენაჲ.



Subchapter: 22  
Line: 9  და რანი ნათესავნი და სახენი არიან


Paragraph: 1     
Line: 10    ვითარმედ ურთიერთარსნიცა, რამეთუ ესე ნათესავნიცა და სახენი.



Subchapter: 23  
Line: 11  და რაოდენ გუარად ნათესავი და სახე


Paragraph: 1     
Line: 12    რამეთუ ნათესავი ვიდრემე სამგუარად ითქუმის, ხოლო სახე --
Line: 13    ორგუარად.


Next part


This text is part of the ARMAZI edition of Ammonius, In Aristotelem commentaria.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.